Uber દ્વારા એક વ્યક્તિને 7.5 કરોડથી વધુનું બિલ મોકલવામાં આવ્યું! શું છે સમગ્ર મામલો?
- વહેલી સવારે ઓફિસ જવા નીકળેલા વ્યક્તિને 62 રૂપિયાના ભાડાને બદલે કરોડો રૂપિયાનું બિલ આવતા આશ્ચર્યચકિત થઈ ગયો
નવી દિલ્હી, 30 માર્ચ: લોકો તેમની સુવિધા માટે ઓનલાઈન ટેક્સી અને ઓટો બુકિંગ એપનો ઉપયોગ કરે છે. આવી જ એક એપ ઉબર(Uber) છે, જે શહેરોમાં ઘણી લોકપ્રિય છે. જો ઉબર દ્વારા તમારું બુકિંગ કરોડો રૂપિયાનું થઈ જાય તો? મતલબ કે તમારા 62 રૂપિયાના ભાડાને બદલે કંપનીએ તમને 7.5 કરોડ રૂપિયાથી વધુનું બિલ આપવું જોઈએ. જો તમે વહેલી સવારે ઓફિસ જવા નીકળો અને તમને કરોડો રૂપિયાનું બિલ આવે તો તમે શું કરો. બિલ પણ શેનું? તમે જે ઓટો બુક કરી તેનું. ઉબરે એક ગ્રાહક સાથે આવું જ કંઈક કર્યું છે, જે પછી ગ્રાહક ચિંતિત થઈ ગયો આવું બિલ કેમ આવ્યું.
આવું જ કંઈક દીપક ટેંગુરિયા નામના વ્યક્તિ સાથે થયું છે. પીડિતે ઉબર દ્વારા પોતાના માટે એક ઓટો બુક કરાવી હતી, જેનું ભાડું શરૂઆતમાં 62 રૂપિયા બતાવવામાં આવ્યું હતું, પરંતુ જ્યારે સફર પૂરી થઈ, ત્યારે સ્ટોરી સંપૂર્ણપણે બદલાઈ ગઈ. આવો જાણીએ કરોડો રૂપિયાની ઉબરની આ સફરની આખી કહાની.
સમગ્ર મામલો શું છે?
કંપનીએ ગ્રાહકને રૂ.7,66,83,762નું બિલ મોકલ્યું હતું. આ બિલમાં રાહ જોવાનો સમય અને અન્ય વિગતો પણ બિલમાં સામેલ કરવામાં આવી હતી. કંપનીએ ટ્રિપનું ભાડું રૂ. 1,67,74,647 વસૂલ્યું, જ્યારે વેઇટિંગ ટાઇમ એટલે કે રાહ જોવાના સમયનો રૂ. 5,99,09,189 જેટલો ચાર્જ લગાવ્યો.
सुबह-सुबह @Uber_India ने @TenguriyaDeepak को इतना अमीर बना दिया कि Uber की फ्रैंचाइजी लेने की सोच रहा है अगला. मस्त बात है कि अभी ट्रिप कैंसल भी नहीं हुई है. 62 रुपये में ऑटो बुक करके तुरंत बनें करोडपति कर्ज़दार. pic.twitter.com/UgbHVcg60t
— Ashish Mishra (@ktakshish) March 29, 2024
જોકે, કંપનીએ પણ ઉદારતા દાખવી. કંપનીએ આટલા નાના બિલ પર 75 રૂપિયા જેટલું મોટું ડિસ્કાઉન્ટ આપ્યું, જે પ્રમોશનલ હતું. એટલે કે આ પ્રવાસમાં ગ્રાહકને રૂ. 7.6 કરોડથી વધુનો ખર્ચ થયો. પીડિતે સોશિયલ મીડિયા પ્લેટફોર્મ X પર બિલ સાથે પોતાનો એક વીડિયો પણ શેર કર્યો છે. જેમાં તેણે પોતાના પ્રવાસની અન્ય વિગતો આપી છે. જો કે, X પર પોસ્ટ પછી, કંપનીએ જવાબ આપ્યો છે. કંપનીના સપોર્ટ બોટે લખ્યું છે કે, “તેઓ આ અસુવિધા માટે દિલગીર છે.” આ સાથે તેમણે લખ્યું કે, અમને થોડો સમય આપવામાં આવે, જેથી અમે આ સમસ્યાની તપાસ કરી શકીએ. અમે તમને ટૂંક સમયમાં અપડેટ કરીશું.
આ પહેલા પણ ઘણી વખત આવું બન્યું છે
આ પહેલીવાર નથી જ્યારે ઉબરે કોઈને આટલું મોટું બિલ મોકલ્યું હોય. ગયા વર્ષે એક કપલ સાથે આવું જ કંઈક થયું હતું. જ્યારે તેની $55 યાત્રાનું બિલ $29,994 આવ્યું. જો કે, કંપનીએ પાછળથી કહ્યું કે, તેમને આ કિંમત Costa Rican Colónમાં બતાવવાની હતી, પરંતુ તેઓએ યુએસ ડોલરમાં બતાવી દીધી.
આ પણ જુઓ: મહિલા સાથે એવું તો શું થયું કે સલોન જઈને આવી તો કિડનીમાં થઈ ઈજા! જાણો આવું કેમ થયું?
