અવકાશમાં થઈ ટમેટાની ચોરી? પછી કેવી રીતે મળ્યાં?
અમદાવાદ, 18 ડિસેમ્બર : આઠ મહિના પહેલા અવકાશમાં બે ટામેટાં ખોવાઈ ગયા હતા, જેને અવકાશયાત્રી ફ્રેન્ક રુબિયોએ ખાધા હોવાનું માનવામાં આવતું હતું, પણ હવે નાસાએ આ “ખોવાયેલા” ટામેટા રીકવર કરી લીધા છે. નાસાએ શેર કર્યો એક અદ્ભુત વિડિયો…
વર્ષ 2022માં બે ટામેટાં અવકાશમાં ખોવાઈ ગયા હતા, જેને અવકાશયાત્રી ફ્રેન્ક રુબિયોએ ખાધા હોવાનું માની લેવામાં આવ્યું હતું. આઠ મહિના પછી અવકાશમાં ખોવાઈ ગયેલા આ બંને નાના ટામેટાં પાછા મળ્યા છે. અવકાશ એજન્સી નાસાએ શુક્રવારે યુટ્યુબ પર છેલ્લા 8 મહિનાથી ગુમ થયેલા ટામેટાંને પરત મેળવ્યા તેના આકર્ષક દેખાતા ટામેટાના ફૂટેજ શેર કર્યા છે. અવકાશયાત્રી ફ્રેન્ક રુબીઓએ એક્સપોઝ્ડ રુટ ઓન-ઓર્બિટ ટેસ્ટ સિસ્ટમની કાપણી દરમિયાન આકસ્મિક રીતે આ ટામેટાં ગુમાવ્યા હતા.
(XROOTS) એ માટી વિનાના છોડનો ઉપયોગ કર્યો હતો. અન્ય અવકાશયાત્રીઓએ મજાક કરતાં કહ્યું કે કદાચ અવકાશયાત્રી રૂબિયોએ ટામેટાં ચોરીને ખાઈ ગયા હશે. જોકે, અવકાશમાં ઉગાડવામાં આવેલા બે ટામેટાં આઠ મહિનાથી ગાયબ હતા. તાજેતરમાં ISS ક્રૂએ ટામેટાં પરત મેળવ્યા હતા, આ હળવા રહસ્યનો અંત આવ્યો હતો કે ટામેટાં કોઈએ ચોરીને ખાધા હતા.
સ્પેસ એજન્સીએ ખુલાસો કર્યો હતો કે આઠ મહિના પછી રિકવર થયેલા ટામેટાં, સહેજ સુકાઈ ગયેલા અને કચડાયેલા દેખાય છે, પરંતુ તેમના પર કોઈ સુક્ષ્મજીવાણુ અથવા ફૂગની વૃદ્ધિ દેખાતી નથી.
આ વિડીયો જુઓ
One small step for tomatoes, one giant leap for plant-kind. 🍅
Two rogue tomatoes were recovered after roaming on station for nearly a year. NASA Astronaut Frank Rubio accidentally lost the fruit while harvesting for XROOTS, a soil-less plant experiment. https://t.co/ymAP24fxaX pic.twitter.com/AeIV8i6QKR
— ISS Research (@ISS_Research) December 14, 2023
અવકાશયાત્રી ફ્રેન્ક રુબિયોએ જણાવ્યું કે XROOTS પ્રયોગ માટે પરીક્ષણ કરતી વખતે તેમનો ટ્રેક આકસ્મિક રીતે ગુમાવ્યાના લગભગ એક વર્ષ પછી, બે નકલી ટામેટાં મળી આવ્યા છે, જે સાબિત કરે છે કે રુબિયોએ ટામેટાં ઉગાડ્યા હતા. અગાઉ શંકા હતી તેમ તેણે ખાધા ન હતા.
‘XROOTS માટી અથવા અન્ય વૃદ્ધિના માધ્યમો વિના છોડ ઉગાડવા માટે હાઇડ્રોપોનિક અને એરોપોનિક તકનીકોનો ઉપયોગ કરે છે. દ્રવ્યમાનસમૂહ, જાળવણી અને સ્વચ્છતાના મુદ્દાઓને કારણે વર્તમાન પ્લાન્ટ સિસ્ટમ્સ અવકાશના વાતાવરણમાં સારી રીતે વિકાસ કરી શકતી નથી. નાસાના જણાવ્યા અનુશાર “XROOTની માટી-મુક્ત તકનીક ભવિષ્યના અવકાશ સંશોધન મિશન માટે જરૂરી પ્લાન્ટ સિસ્ટમ્સને યોગ્ય ઉકેલ આપી શકે છે,”
અવકાશયાત્રીઓએ કહી આ વાત
નાસાના જણાવ્યા અનુસાર, હાઇડ્રોપોનિક અને એરોપોનિક પોષણ તકનીકોનો ઉપયોગ કરીને પૃથ્વીથી દૂર અવકાશ ફ્લાઇટમાં ક્રૂ દ્વારા માટી વિના ટામેટાં ઉગાડવામાં આવ્યા હતા. અવકાશમાં છોડ ઉગાડવાના ફાયદા ઘણા છે, અવકાશયાત્રીઓ જણાવે છે કે બાગકામમાં સમય પસાર કરવાથી માનસિક રીતે લાભ થાય છે,તેમજ અવકાશમાં તેમના જીવનની ગુણવત્તામાં વધારો થાય છે અને તેમનું મનોબળ પણ વધે છે.
નાસાએ એક બ્લોગ પોસ્ટમાં જણાવ્યું હતું કે, ‘સ્પેસ સ્ટેશન પર સંશોધન એ અવકાશમાં છોડને સફળતાપૂર્વક ઉગાડવા અને માનવોને અવકાશ યાત્રાની સીમાઓને આગળ વધારવા માટે જરૂરી તકનીકી અને વૈજ્ઞાનિક જ્ઞાનને આગળ વધારી રહ્યું છે’.
આ પણ વાંચો : લોકસભાની ચૂંટણીમાં કેટલો ખર્ચ થાય છે? જાણો 1947 પછી કેટલા રૂપિયા ખર્ચાયા?
