જમ્મુ-કાશ્મીરના મચ્છિલ સેક્ટરમાં એન્કાઉન્ટર, બે આતંકવાદી માર્યા ગયા
- કુપવાડા જિલ્લામાં સુરક્ષાદળો અને આતંકવાદીઓ વચ્ચે અથડામણ
- સેના અને પોલીસે સંયુક્ત ઓપરેશન હાથ ધર્યું
- અત્યાર સુધીમાં બે આતંકીઓ માર્યા ગયા
શ્રીનગરઃ જમ્મુ અને કાશ્મીર પોલીસ સાથેના સંયુક્ત ઓપરેશનમાં ભારતીય સેનાના જવાનોએ કુપવાડામાં એલઓસી પર ઘૂસણખોરીના પ્રયાસને નિષ્ફળ બનાવ્યો હતો. જમ્મુ અને કાશ્મીરના કુપવાડાના મચ્છિલ સેક્ટરમાં ચાલી રહેલા એન્કાઉન્ટરમાં બે આતંકવાદીઓ માર્યા ગયા છે.
ઉત્તર કાશ્મીરના કુપવાડા જિલ્લામાં સુરક્ષાદળોએ ફરી એકવાર સરહદ પારથી આતંકવાદીઓની ઘૂસણખોરીને નિષ્ફળ બનાવી છે. અત્યાર સુધીમાં બે આતંકવાદીઓ માર્યા ગયા છે. આર્મીના ચિનાર કોર્પ્સે જણાવ્યું હતું કે કુપવાડામાં નિયંત્રણ રેખા (એલઓસી) નજીક ચોક્કસ માહિતી પર સેના અને પોલીસે સંયુક્ત ઓપરેશન હાથ ધર્યું હતું. સરહદ પારથી ઘૂસણખોરીને નિષ્ફળ બનાવી દેવામાં આવી છે. અહીં સુરક્ષાદળો અને આતંકવાદીઓ વચ્ચે અથડામણ થઈ છે. હજુ પણ સ્થળ પર ઓપરેશન ચાલુ છે.
દરમિયાન કાશ્મીર ઝોન પોલીસે જણાવ્યું કે કુપવાડાના મચ્છિલ સેક્ટરમાં નિયંત્રણ રેખા પાસે સુરક્ષા દળો અને આતંકવાદીઓ વચ્ચે અથડામણ થઈ હતી. જેમાં અત્યાર સુધીમાં બે આતંકીઓ માર્યા ગયા છે. હાલ ઓપરેશન ચાલી રહ્યું છે.
मच्छल सेक्टर में मुठभेड़ में दो आतंकी ढेर। कश्मीर जोन पुलिस का कहना है कि ऑपरेशन जारी है। pic.twitter.com/DEJmhinm46
— ANI_HindiNews (@AHindinews) October 26, 2023
આ મામલાને લઈને ડીજીપી દિલબાગ સિંહે કહ્યું કે સેના અને પોલીસ દ્વારા ઓપરેશન ચાલી રહ્યું છે. આ વિસ્તારમાંથી ઘૂસણખોરી માટે વારંવાર પ્રયાસો કરવામાં આવે છે. નિયંત્રણ રેખા પર લગભગ 16 લોન્ચિંગ પેડ બનાવવામાં આવ્યા છે. સેના અને પોલીસ દ્વારા સંપૂર્ણ તકેદારી રાખવામાં આવી રહી છે. આતંકવાદીઓની સંખ્યા દિવસેને દિવસે ઘટી રહી છે. આગામી દિવસોમાં તેમની સંખ્યા વધુ ઘટશે.
બારામુલ્લાના ઉરી સેક્ટરમાં ઘૂસણખોરીના પ્રયાસને નિષ્ફળ બનાવ્યા બાદ સુરક્ષા દળોએ બે પાકિસ્તાની આતંકવાદીઓને ઠાર માર્યા હતા. ગુપ્તચર એજન્સીઓના ઇનપુટ્સના આધારે, સૈનિકોને હાઇ એલર્ટ પર મૂકવામાં આવ્યા હતા અને ઘૂસણખોરી વિરોધી ગ્રીડને મજબૂત બનાવવામાં આવી હતી.
સૈન્યના નિવેદન અનુસાર, સતત વરસાદ અને નબળી દૃશ્યતા સાથે ખરાબ હવામાનનો લાભ લઈને, ભારે સશસ્ત્ર આતંકવાદીઓના એક જૂથે ઉરી સેક્ટરમાં એલઓસી પાર ઘૂસણખોરી કરવાનો પ્રયાસ કર્યો. બપોરના 3 વાગ્યાની આસપાસ, સતર્ક સૈનિકો દ્વારા આતંકવાદીઓને અટકાવવામાં આવ્યા હતા જેના પરિણામે ભારે ગોળીબાર થયો હતો જેમાં બે આતંકવાદીઓનું એન્કાઉન્ટર થયું હતું. આ વિસ્તારને આખી રાત દેખરેખ હેઠળ રાખવામાં આવ્યો હતો.
બીજા દિવસે એન્કાઉન્ટર સ્થળની સંપૂર્ણ શોધ હાથ ધરવામાં આવી હતી. જેના બે એકે શ્રેણીની રાઇફલ્સ, છ પિસ્તોલ, ચાર ચાઇનીઝ ગ્રેનેડ, ધાબળા અને બે લોહીના ડાઘાવાળી બેગ સહિતની વસ્તુઓ મળી આવી હતી. બેગમાં પાકિસ્તાની અને ભારતીય ચલણી નોટો, પાકિસ્તાની દવાઓ અને ખાવાની વસ્તુઓ મળી આવી હતી.
પ્રતિકૂળ હવામાન પરિસ્થિતિઓને કારણે થોડો સમય ઓપરેશન સ્થગિત કરવામાં આવ્યું છે જે હવામાન ખુલ્યા પછી ફરી શરૂ થશે તેવું સૈન્યએ જણાવ્યું છે.
આ પણ વાંચો, ભુજમાં મળનારી RSSની બેઠકમાં રામમંદિર સહિત વિવિધ મુદ્દે ચર્ચા થશે
