ખેડામાં બે ખાનગી ટ્રાવેલ્સ ધડાકાભેર અથડાઈ, 25 ઘાયલ

• અમદાવાદ-ઇન્દોર હાઈવે પર બે ખાનગી ટ્રાવેલ્સ વચ્ચે અકસ્માત, 25થી વધુ ઘાયલ.
• તમામ ઘાયલ મુસાફરોને અમદાવાદ તથા ગોધરા હોસ્પિટલમાં ખસેડાયા.

ખેડા, 28 નવેમ્બર: રાજ્યમાં અવાર નવાર અક્સ્માતની ઘટનાઓ સામે આવતી હોય છે. ત્યારે આજે વહેલી સવારે ખેડા પાસે અમદાવાદ-ઇન્દોર હાઇવે પર બે ખાનગી બસો ધડાકાભેર અથડાઈ છે. મળતી માહિતી પ્રમાણે બસ ઉજૈનથી પરત ફરી હતી. અકસ્માતમાં 25થી વધુ મુસાફરો ઘાયલ થયાના સમાચાર છે. આ તમામ મુસાફરો અમદાવાદના નરોડાના પ્રવાસીઓ હતા. તો બીજી બસ મધ્યપ્રદેશથી જામજોધપુર જઈ રહી હતી.

આ પણ વાંચો: ગુજરાતમાં રિયલ એસ્ટેટ સેક્ટરમાં અમદાવાદ પ્રથમ નંબરે, જાણો બીજા પર કયુ શહેર

આ અકસ્માત અમદાવાદ-ઇન્દોર હાઇવે પર ગળતેશ્વર તાલુકાના મેનપુરા પાસે થયો હતો. અકસ્માત બે ખાનગી ટ્રાવેલ્સ વચ્ચે થયો હતો. બસમાં સવાર મુસાફરોમાંથી 25 મુસાફરો ઘાયલ થયા છે. આ તમામ ઘાયલ મુસાફરોને સારવાર અર્થે 108 દ્વારા અમદાવાદ તથા ગોધરા હોસ્પિટલ ખાતે ખસેડવામાં આવ્યા છે.

અકસ્માતની ઘટના બનતાની સાથે જ પોલીસ ઘટના સ્થળે હાજર થઈ ગઈ હતી અને તપાસ હાથ ધરી છે.

આ પણ વાંચો: ગુજરાતમાં કમોસમી વરસાદના કારણે જાણો કયા પાકને સૌથી વધુ નુકસાન થયુ