વડોદરા શહેરના વાસણા વિસ્તારમાં આવેલા દેવનગરમાં સિલિન્ડર બ્લાસ્ટ થતા હડકંપ મચી ગયો છે. ધડાકાભેર ગેસનો બાટલો ફાટતા મકાન ધરાશાયી થઇ ગયું હતું. આ દુર્ઘટનામાં બે મહિલાના મોત થયા છે. ચારથી વધુ લોકો ઇજાગ્રસ્ત થયાની માહિતી મળી રહી છે. ઘાયલ રહેવાસીઓને તાત્કાલિક ધોરણે એસએસજી હોસ્પિટલ ખસેડવામાં આવ્યા છે. ભયંકર વિસ્ફોટથી આસપાસના લોકોમાં ફફડાટ ફેલાઇ ગયો છે. ઘટનાની જાણ થતા જ તાત્કાલિક ફાયરની ટીમ ઘટનાસ્થળે પહોંચી ગઈ છે અને પાણીનો મારો ચલાવી ભારે જહેમત બાદ આગ પર કાબુ મેળવ્યો છે.
બ્લાસ્ટમાં બે મહિલાના મોત, 4થી વધુ લોકો ઘાયલ
દેવનગરમાં આવેલા એક મકાનમાં વહેલી સવારે અચાનક ગેસનો બાટલો ફાટ્યો હતો. જેમાં ઘરમાં હાજર મહિલાનું ઘટનાસ્થળે જ મોત થયું હતું. જયારે અન્ય એક પાડોશી મહિલાને ગંભીર ઈજા પહોંચી હતી. ઈજાગ્રસ્ત મહિલાને તાત્કાલિક હોસ્પિટલ ખાતે ખસેડવામાં આવી હતી જ્યાં હાજર તબીબે મૃત જાહેર કરી હતી.સાથે અન્ય 6 લોકોને પણ ઈજા પહોંચતા સારવાર અર્થે હોસ્પિટલ ખસેડવામાં આવ્યા છે. બ્લાસ્ટ એટલો પ્રચંડ હતો કે આસપાસના 6 મકાનોને ભારે નુકસાન પહોંચ્યું છે
મૃતક
1 ચૌહાણ લીલાબેન અંબાલાલ
ઉંમર 65 વર્ષ
2. શકુંતલાબેન વિજયભાઈ જૈન (પાડોશી)
