ક્રાઈમ પેટ્રોલ અને Splitsvilla ફેમ અભિનેતા નિતિન ચૌહાણે કરી આત્મહત્યા

મુંબઈ, 8 નવેમ્બર :  રિયાલિટી શો સ્પ્લિટ્સવિલા અને ક્રાઈમ પેટ્રોલથી ફેમસ થયેલા એક્ટર નીતિન ચૌહાણનું અવસાન થઈ ગયું છે અને આ સમાચારે બધાને પરેશાન કરી દીધા છે, કારણ કે તે માત્ર 35 વર્ષનો હતો. જો કે હજુ સુધી એ સ્પષ્ટ થયું નથી કે તેમના મૃત્યુનું કારણ શું હતું. નીતિનના પરિવાર કે પોલીસ દ્વારા હજુ સુધી કોઈ માહિતી બહાર આવી નથી. નીતિનના ભૂતપૂર્વ કોસ્ટારે તેની આત્મહત્યાની માહિતી આપી છે.

નીતિનનું 35 વર્ષની વયે અવસાન થયું
નીતિન યુપીના અલીગઢના રહેવાસી હતા અને અભિનેતાએ 35 વર્ષની વયે અંતિમ શ્વાસ લીધા હતા. ઉલ્લેખનીય છે કે ‘દાદાગીરી 2’ જીત્યા બાદ નીતિનને મોટી ઓળખ મળી હતી. આ સિવાય તે એમટીવીના ‘સ્પ્લિટ્સવિલા 5’, ‘ઝિંદગી ડોટ કોમ’, ‘ક્રાઈમ પેટ્રોલ’ અને ‘ફ્રેન્ડ્સ’ જેવા ઘણા શોમાં જોવા મળ્યો છે. નીતિન છેલ્લે 2022 માં SAB ટીવીની ધારાવાહિક ‘તેરા યાર હૂં મેં’માં સ્ક્રીન પર જોવા મળ્યો હતો.

શું નીતિને આત્મહત્યા કરી છે?
આ શોના તેમના સહ કલાકારો, સુદીપ સાહિર અને સયંતની ઘોષે તેમના નિધનના સમાચારની પુષ્ટિ કરી અને તેમની પોસ્ટ પરથી ચાહકો અનુમાન લગાવી રહ્યા છે કે અભિનેતાએ આત્મહત્યા કરી લીધી છે. વિભૂતિ ઠાકુરે સ્વર્ગસ્થ અભિનેતા નીતિન સાથે પોતાની એક તસવીર શેર કરી અને લખ્યું, “રેસ્ટ ઈન પીશ, મારા પ્રિય, હું આઘાતમાં અને દુઃખી છું. કાશ તમારી પાસે બધી મુશ્કેલીઓનો સામનો કરવાની શક્તિ હોય. હું ઈચ્છું છું કે તમે તમારા શરીરની જેમ માનસિક રીતે મજબૂત હોત,” અભિનેતા સુદીપ સાહિરે પણ તેના સહ-અભિનેતાને ઇન્સ્ટાગ્રામ પર શ્રદ્ધાંજલિ આપી અને લખ્યું, “રેસ્ટ ઈન પીસ દોસ્ત.”

અલીગઢના રહેવાસી હતા
નીતિન ચૌહાણ અલીગઢનો રહેવાસી હતો અને છેલ્લા ઘણા સમયથી મુંબઈમાં રહેતો હતો. નીતિનનું ગુરૂવારે 7 નવેમ્બરે અવસાન થયું અને તેના પરિવારજનોને જાણ કરવામાં આવી, ત્યારબાદ તેઓ મુંબઈ પહોંચ્યા અને તેના મૃતદેહને અલીગઢ લઈ ગયા. નીતિન ચૌહાણને સ્પ્લિટ્સવિલા-5થી ઘણી લોકપ્રિયતા મળી. આ પછી, તે ક્રાઈમ પેટ્રોલ, ગુમરાહ, ફ્રેન્ડ્સ કન્ડિશન એપ્લાય, સાવધાન ઈન્ડિયા જેવા ટીવી શોનો ભાગ હતો. તે છેલ્લે ટીવી શો તેરા યાર હૂં મેંમાં જોવા મળ્યો હતો. ઉલ્લેખનીય છે કે અભિનેતાના 36માં જન્મદિવસના થોડા દિવસો પહેલા જ તેણે દુનિયાને અલવિદા કહી દીધું છે, જે ખૂબ જ દુઃખદ છે.

આ પણ વાંચો : PHOTO/ અખિલેશને ‘કૃષ્ણ’ અને રાહુલ ગાંધીને ‘અર્જુન’ દર્શાવ્યા, વારાણસીમાં અનોખી પોસ્ટર વોર