નવા વર્ષમાં ઘરમાં ખુશીઓ લાવવા અજમાવો ફેંગશુઈની આ ટિપ્સ

• વાસ્તુની જેમ જ ફેંગશુઈ પણ પાંચ તત્વો અગ્નિ, પૃથ્વી, ધાતુ, પાણી અને લાકડાના મહત્ત્વ પર આધારિત છે. ફેંગશુઈ અનુસાર ઘર કે તેની આસપાસ રાખેલી દરેક વસ્તુમાં એક ઊર્જા હોય છે.

ફેંગશુઈ બે શબ્દો મળીને બને છે. જેમાં ફેંગનો મતલબ છે હવા અને શુઈનો મતલબ છે જળ. વાસ્તુની જેમ જ ફેંગશુઈ પણ પાંચ તત્વો અગ્નિ, પૃથ્વી, ધાતુ, પાણી અને લાકડાના મહત્ત્વ પર આધારિત છે. ફેંગશુઈ અનુસાર ઘર કે તેની આસપાસ રાખેલી દરેક વસ્તુમાં એક ઊર્જા હોય છે. આ ઊર્જા હકારાત્મક અને નકારાત્મક બંને છે. ફેંગશુઈમાં એવી ઘણી વસ્તુઓનો ઉલ્લેખ છે જે જીવનને શાંતિપૂર્ણ અને ખુશખુશાલ બનાવવામાં મદદ કરે છે. ફેંગશુઈની ટિપ્સ વિશે જાણો જે જીવનમાં ખુશીઓ લાવે છે. જાણો તમે નવા વર્ષ પર તેને કેવી રીતે અજમાવી શકો છો.

 અજમાવો ફેંગશુઈની આ ટિપ્સ

• ફેંગશુઈ અનુસાર દરેક ઘરમાં નેમ પ્લેટ હોવી ખૂબ જ જરૂરી છે. આ નેમ પ્લેટ દ્વારા જ ઘરમાં રહેતા સભ્યોની ઓળખ થાય છે. મુખ્ય પ્રવેશદ્વાર પર લગાવેલી નેમ પ્લેટ એવી હોવી જોઈએ કે લોકો તેને જોતા જ પ્રભાવિત થઈ જાય. તે સુઘડ અને વાંચવામાં સરળ હોવી જોઈએ.
• ફેંગશુઈ અનુસાર બાથરૂમનો દરવાજો ક્યારેય ખુલ્લો ન રાખવો જોઈએ. એવું માનવામાં આવે છે કે બાથરૂમનો દરવાજો ખુલ્લો રાખવાથી તેમાંથી નીકળતી નકારાત્મક ઉર્જા જલ્દી જ આખા ઘરમાં ફેલાઈ જાય છે. તેથી, ટોઈલેટનો ઉપયોગ કર્યા પછી તેનું ઢાંકણ અને બહાર નીકળીને તેનો દરવાજો બંધ કરવો જોઈએ.
• ફેંગશુઈમાં ઊર્જાનું વિશેષ મહત્વ છે. આ મુજબ, સિંધવ મીઠાથી ઘરની નકારાત્મક ઉર્જા સરળતાથી દૂર કરી શકાય છે. આ માટે, તમારે પોતુ કરતી વખતે એક ચપટી સિંધવ મીઠું નાખવું જોઈએ અને આખા ઘરમાં તેનાથી જ પોતુ કરવું જોઈએ.
• ફેંગશુઈ શાસ્ત્રોમાં સૂવાના પણ ખાસ નિયમો છે. સૂતી વખતે એ વાતનું ધ્યાન રાખવું જોઈએ કે તમારો ચહેરો ક્યારેય દરવાજા તરફ ન હોવો જોઈએ. સૂતી વખતે હંમેશા તમારું માથું પૂર્વ દિશા તરફ રાખો. સૂર્ય પણ પૂર્વમાંથી ઉગશે. આ દિશામાં માથું રાખીને સૂવાથી માનસિક અને સ્વાસ્થ્ય લાભ થાય છે.
• ઘરનો મુખ્ય દરવાજો ક્યાંયથી તૂટેલો ન હોવો જોઈએ. દરેક વ્યક્તિ આ રસ્તેથી જ ઘરમાં પ્રવેશ કરે છે, તેથી તેનું ખાસ ધ્યાન રાખવું જોઈએ. જો આ દરવાજામાં કોઈપણ પ્રકારની ખામી હોય તો તેને વહેલી તકે રિપેર કરાવવી જોઈએ. જો ઘરનો મુખ્ય દરવાજો સારી સ્થિતિમાં હોય તો ઘરના લોકોને સકારાત્મકતાનો અનુભવ થાય છે.
• ઘરના દરવાજા અને બારીઓને હંમેશા બંધ ન રાખો. તેનાથી ઘરમાં નકારાત્મકતા પણ ફેલાય છે. તેને સમયાંતરે ખુલ્લા રાખવા જોઈએ, જેથી તાજી હવા અને સૂર્યપ્રકાશ બારીઓ અને દરવાજાઓ દ્વારા ઘરની અંદર આવી શકે. તેનાથી ઘરમાં સકારાત્મક ઉર્જા જળવાઈ રહે છે અને જીવનમાં ખુશીઓ આવે છે.

આ પણ વાંચોઃ Windows 10 યુઝર્સને મોટો ફટકો, માઇક્રોસોફ્ટે લીધો આ નિર્ણય