ત્રિપુરા ચૂંટણી: ભાજપે 48 ઉમેદવારોની જાહેરાત કરી, કેન્દ્રીય મંત્રી પ્રતિમા ભૌમિકને ટિકિટ મળી

ત્રિપુરામાં 16 ફેબ્રુઆરીએ યોજાનારી ત્રિપુરા વિધાનસભાની ચૂંટણી પહેલા ભાજપે 60માંથી 48 બેઠકો માટે ઉમેદવારોની પ્રથમ યાદી જાહેર કરી છે. મુખ્યમંત્રી માણિક સાહા બોરદોવલી બેઠક પરથી ચૂંટણી લડશે. નાયબ મુખ્યમંત્રી જિષ્ણુ દેબબર્મા ચારિલમ બેઠક પરથી ચૂંટણી લડશે જ્યારે સાંસદ અને કેન્દ્રીય રાજ્ય મંત્રી પ્રતિમા ભૌમિક ધાનપુર બેઠક પરથી ચૂંટણી લડશે. ભાજપની પ્રથમ યાદીમાં સામેલ 48 ઉમેદવારોમાં 11 મહિલાનો સમાવેશ થાય છે. 60 સભ્યોની ત્રિપુરા વિધાનસભાની ચૂંટણી 16 ફેબ્રુઆરીએ થવાની છે અને નામાંકન ભરવાની છેલ્લી તારીખ 30 જાન્યુઆરી છે. મતગણતરી 2 માર્ચે થશે.

#TripuraElections2023 | BJP issues the name of 48 candidates.

CM Manik Saha to contest from Town Bordowali, Union Minister Pratima Bhoumik from Dhanpur, Md Moboshar Ali who joined the party y'day to contest from Kailashahar, state BJP chief Rajib Bhattacharjee from Banamalipur. pic.twitter.com/oNkr7Ucqdu

— ANI (@ANI) January 28, 2023

2018 માં પ્રથમ વખત, ભાજપ ત્રિપુરામાં ભારતીય કમ્યુનિસ્ટ પાર્ટી-માર્ક્સિસ્ટ (CPM) ના 25 વર્ષના શાસનનો અંત કરીને પૂર્વોત્તર રાજ્યમાં તેની સરકાર બનાવવામાં સફળ રહી હતી. ભાજપે પાંચ વર્ષ પહેલા ત્રિપુરાની 60 વિધાનસભા બેઠકોમાંથી 36 બેઠકો જીતી હતી. ભાજપના ઉમેદવારોની આ જાહેરાત શુક્રવારે પાર્ટી હેડક્વાર્ટરમાં યોજાયેલી બીજેપીની કેન્દ્રીય ચૂંટણી સમિતિ (CEC)ની બેઠક બાદ કરવામાં આવી છે. ત્રિપુરા વિધાનસભા ચૂંટણી માટે ઉમેદવારોના નામોને અંતિમ રૂપ આપવા વડાપ્રધાન નરેન્દ્ર મોદી સહિત ભાજપના ટોચના નેતાઓએ બેઠક યોજી હતી.

કેન્દ્રીય ચૂંટણી સમિતિ (CEC)ની બેઠકમાં ભાજપ અધ્યક્ષ જેપી નડ્ડા, પાર્ટીના વરિષ્ઠ નેતાઓ અને કેન્દ્રીય મંત્રીઓ રાજનાથ સિંહ, અમિત શાહ અને ત્રિપુરાના મુખ્યમંત્રી માણિક સાહા પણ હાજર રહ્યા હતા. ત્રણ કલાકથી વધુ સમય ચાલેલી બેઠકમાં 16 ફેબ્રુઆરીએ યોજાનારી ચૂંટણીને લઈને બેઠકવાર ચર્ચા પણ થઈ હતી. જ્યારે ત્રિપુરાના ભૂતપૂર્વ રાજવી પરિવારના વંશજ અને રાજ્યના રાજકીય પક્ષ ટિપ્રા મોથાના સ્થાપક પ્રદ્યોત દેબ બર્મને આગામી ચૂંટણીઓમાં ભાજપ સાથે જોડાણની કોઈ પણ શક્યતા નકારી કાઢી હતી. દેબ બર્મને રાજ્યમાં ચૂંટણી ગઠબંધનની શક્યતાઓ અંગે ચર્ચા કરવા ભાજપના વરિષ્ઠ નેતાઓને મળ્યા હોવાનું કહેવાય છે. સૂત્રોના જણાવ્યા અનુસાર આ ચર્ચા દરમિયાન આસામના મુખ્યમંત્રી હિમંતા બિસ્વા સરમા પણ હાજર હતા.

આ પણ વાંચો : PM મોદીનો પાકિસ્તાનને સંદેશ, ‘પાણી અને લોહી એકસાથે વહી ન શકે’