મહુઆ મોઈત્રાની મુશ્કેલીમાં વધારો, હવે CBIએ કેશ ફોર ક્વેરી કેસમાં તપાસ શરૂ કરી
તૃણમૂલ કોંગ્રેસના સાંસદ મહુઆ મોઇત્રાની મુશ્કેલીઓનો અંત આવવાના કોઈ સંકેત દેખાઈ રહ્યા નથી. CBIએ કેશ ફોર ક્વેરી કેસમાં મહુઆ મોઇત્રા સામે તપાસ શરૂ કરી છે.
શું છે સમગ્ર મામલો?
લોકસભાની એથિક્સ કમિટીએ મહુઆ મોઈત્રાની સંસદ સભ્યપદ રદ કરવાની ભલામણ કરી છે. બીજેપી સાંસદ નિશિકાંત દુબેએ તૃણમૂલ સાંસદ પર સંસદમાં બિઝનેસમેન દર્શન હિરાનંદાની પાસેથી પૈસા લેવાનો અને સવાલ પૂછવાનો આરોપ લગાવ્યો હતો. જે બાદ એથિક્સ કમિટી તેમના પર લાગેલા આરોપોની તપાસ કરી રહી છે.
CBI initiates inquiry against TMC MP Mahua Moitra to investigate allegations of “bribe for query” for raising questions in Parliament: CBI Sources
(file pic) pic.twitter.com/b2KykA2I7T
— ANI (@ANI) November 25, 2023
બીજેપી સાંસદે મહુઆ મોઈત્રા વિરુદ્ધ ફરિયાદ લઈને લોકપાલનો સંપર્ક કર્યો હતો. નિશિકાંત દુબેએ મહુઆ મોઇત્રા પર પૈસા માટે રાષ્ટ્રીય સુરક્ષા સાથે ચેડા કરવાનો આરોપ પણ લગાવ્યો હતો.
નિશિકાંત દુબેએ તૃણમૂલ સાંસદ પર આરોપ લગાવ્યો હતો કે તેમણે ગિફ્ટના બદલામાં હિરાનંદાનીના કહેવા પર અદાણી ગ્રુપ અને પીએમ મોદીને નિશાન બનાવવા માટે લોકસભામાં પ્રશ્નો પૂછ્યા હતા. જો કે, મહુઆ મોઈત્રાએ કોઈપણ ગેરરીતિમાં કોઈ સંડોવણીનો ઈનકાર કર્યો હતો અને દાવો કર્યો હતો કે તેને નિશાન બનાવવામાં આવી રહી છે.
