કન્યા રાશિમાં બની રહ્યો છે ત્રિગ્રહી યોગ, આ રાશિઓની ચમકશે કિસ્મત

• 1 ઓક્ટોબરના રોજ સૂર્ય, મંગળ અને બુધ મળીને કન્યા રાશિમાં ત્રિગ્રહી યોગનું નિર્માણ કરી રહ્યા છે. કન્યા રાશિમાં બનનારા આ ત્રિગ્રહી યોગથી કેટલીક રાશિઓનો ભાગ્યોદય થઇ શકે છે.

ઓક્ટોબર મહિનામાં અનેક મોટા ગ્રહ ચાલ બદલી રહ્યા છે. 1 ઓક્ટોબરના દિવસે કન્યા રાશિમાં ત્રણ ગ્રહોની ચાલ બદલાવાની છે. જ્યોતિષી અનુસાર ત્રિગ્રહી યોગનું નિર્માણ ત્યારે થાય છે જ્યારે એક જ રાશિમાં ત્રણ ગ્રહોની યુતિ થાય છે. 1 ઓક્ટોબરના રોજ સૂર્ય, મંગળ અને બુધ મળીને કન્યા રાશિમાં ત્રિગ્રહી યોગનું નિર્માણ કરી રહ્યા છે. કન્યા રાશિમાં બનનારા આ ત્રિગ્રહી યોગથી કેટલીક રાશિઓનો ભાગ્યોદય થઇ શકે છે. તો જાણીએ કન્યા રાશિમાં ગ્રહોની ચાલ બદલાવાથી કઇ રાશિઓને શુભ પરિણામ મળશે.

સિંહ રાશિ

કન્યા રાશિમાં બની રહેલો ત્રિગ્રહી યોગ સિંહ રાશિના જાતકો માટે અત્યંત શુભ માનવામાં આવી રહ્યો છે. સમાજમાં તમારા માન-સન્માનમાં વૃદ્ધિ થશે. વેપારની સ્થિતિ મજબૂત થશે. વિદ્યાર્થીઓનું મન અભ્યાસમાં લાગશે. ઘરની સુખ-સમૃદ્ધિમાં વધારો થશે. જીવનસાથી સાથે ચાલી રહેલા મતભેદો દૂર થવા લાગશે. સંતાન સાથે જોડાયેલા સારા સમાચાર તમને મળી શકે છે.

મિથુન રાશિ

મિથુન રાશિના લોકો માટે કન્યા રાશિમાં બની રહેલો ત્રિગ્રહી યોગ ફાયદાકારક છે. તમારુ આરોગ્ય સારુ રહેશે. વેપાર સાથે જોડાયેલા સારા સમાચાર મળી શકે છે. નોકરીની શોધ કરી રહલા લોકોને નોકરીનો ઇન્ટરવ્યુ કોલ આવી શકે છે. ધન લાભના નવા સ્ત્રોત ઉભા થશે. જુના મિત્રો સાથે મુલાકાત થઇ શકે છે.

ધન રાશિ

કન્યા રાશિમાં બની રહેલો ત્રિગ્રહી યોગ ધન રાશિના જાતકો માટે અત્યંત લાભદાયક માનવામાં આવે છે. તમારી આર્થિક સ્થિતિ મજબૂત થશે. ધન લાભના યોગ પણ દેખાઇ રહ્યા છે. આ યોગ બનવાથી ધન રાશિના લોકોનો ભાગ્યોદય થશે. તમારે સફળતા મેળવવા માટે વધુ મહેનત નહીં કરવી પડે. કોઇ નવુ કામ શરૂ કરવા માટે પણ શુભ સમય માનવામાં આવે છે.

આ પણ વાંચોઃ રામ મંદિરમાં પ્રાણપ્રતિષ્ઠા પહેલાં કાર્યરત થશે અયોધ્યા એરપોર્ટ