જ્હાન્વી કપૂરની ફિલ્મ ઉલઝનું ટ્રેલર રીલીઝ, ફરી જોવા મળશે દમદાર એક્ટિંગ
- જ્હાન્વી કપૂર તેની દમદાર ફિલ્મોને કારણે હંમેશા હેડલાઈન્સમાં રહે છે. હાલમાં તેની ફિલ્મ ઉલઝનું ટ્રેલર રીલીઝ થઈ ગયું છે. જેમાં તે યુવા હાઈ ડેપ્યુટી કમિશનરના રોલમાં જોવા મળશે
બોલિવૂડ અભિનેત્રી જ્હાન્વી કપૂર તેની દમદાર ફિલ્મોને કારણે હંમેશા હેડલાઈન્સમાં રહે છે. હાલમાં અભિનેત્રી પાસે આગામી પ્રોજેક્ટ્સની લાઈન લાગેલી છે. આ દરમિયાન તેની ફિલ્મ ઉલઝનું ટ્રેલર રીલીઝ થઈ ગયું છે. જેમાં જાહ્નવી દેશના સૌથી યુવા હાઈ ડેપ્યુટી કમિશનરના રોલમાં જોવા મળે છે, પરંતુ તેના પર નેપોટિઝમનો આરોપ લાગે છે, કારણ કે તે એક મોટા પરિવાર સાથે સંબંધ ધરાવે છે.
ફિલ્મ ‘ઉલઝ’નું ટ્રેલર રીલીઝ
જ્હાન્વી કપૂરની ફિલ્મ ‘ઉલઝ’નું ટ્રેલર તાજેતરમાં જ રીલીઝ કરવામાં આવ્યું છે. આ ફિલ્મ પોલિટિકલ થ્રિલર છે. જેમાં તે IFS ઓફિસર (ભારતીય ફોરેન સર્વિસ ઓફિસર)ની ભૂમિકામાં જોવા મળી છે. આ ફિલ્મમાં તેનું નામ સુહાના ભાટિયા છે. જેનું જીવન છેતરપિંડી અને ષડયંત્રની જાળમાં ફસાઈને મોટો વળાંક લે છે.
View this post on Instagram
પોતાની સાથે થયેલા વિશ્વાસઘાતનો બદલો લેશે અભિનેત્રી
અહીં રીલીઝ થયેલા ટ્રેલરમાં, જોઈ શકાય છે કે ગુલશન દેવૈયા કહે છે કે, સુહાના, તને શું લાગે છે, તેં જે પણ કર્યું તે દેશ માટે કર્યું?” વિશ્વાસઘાત, વફાદારી, આ ફક્ત આપણા જેવા લોકોને ફસાવવા માટે બનાવેલા શબ્દો છે. આ રાષ્ટ્રીય સીમાઓ માત્ર રેતી પર દોરેલી રેખાઓ છે, તેનું કોઈ મૂલ્ય નથી. તેની પર જ્હાન્વી કહેતી જોવા મળે છે, ‘વિશ્વાસઘાતની કિંમત જીવન છે… તમારું આપો અથવા કોઈ બીજાનું લઈ લો. ફિલ્મનું ટ્રેલર રીલીઝ થતા જ સોશિયલ મીડિયા પર વાયરલ થઈ ગયું છે અને ફેન્સ પણ જાહ્નવી કપૂરની એક્ટિંગને ખૂબ પસંદ કરી રહ્યા છે.
ફિલ્મની સ્ટાર કાસ્ટ
‘ઉલઝ’નું નિર્દેશન સુધાંશૂ સરિયા દ્વારા કરવામાં આવ્યું છે. અમૃતા પાંડે-વિનીત જૈને તેનું નિર્માણ કર્યું છે. આ સિવાય જ્હાન્વી કપૂર મહત્ત્વની ભૂમિકા ભજવી રહી છે અને તેની સાથે ગુલશન દેવૈયા, રોશન મેથ્યુ, રાજેશ તેલંગ, મિયાંગ ચાંગ, સચિન ખેડેકર, રાજેન્દ્ર ગુપ્તા અને જિતેન્દ્ર જોશી જેવા સ્ટાર્સ ફિલ્મમાં જોવા મળવાના છે. આ ફિલ્મ 5 જુલાઈએ રીલીઝ થશે.
આ પણ વાંચોઃ 9 સ્ટોરી, 9 સુપરસ્ટાર અને 8 લેજેન્ડરી ફિલ્મમેકર: સાઉથની આ સીરિઝના ટ્રેલરે ચાહકોના જીત્યા દિલ
