TRAI Rule: OTP સાથે જોડાયેલ નવા નિયમો આજથી લાગુ, Jio Airtel BSNL અને Vi યૂઝર્સ માટે ખાસ

HD ન્યૂઝ :  કેન્દ્ર સરકાર નકલી SMS, નકલી સ્પામ કોલ અને ઝડપથી વધી રહેલા સાયબર ફ્રોડનો સામનો કરવા માટે નવા પગલાં લઈ રહી છે. દરમિયાન, ભારતીય ટેલિકોમ રેગ્યુલેટરી ઓથોરિટીએ લોકોને છેતરપિંડીથી બચાવવા માટે એક નવો નિયમ રજૂ કર્યો છે. ટ્રાઈ દ્વારા સમગ્ર દેશમાં આજથી ટ્રેસીબિલિટીનો નવો નિયમ લાગુ કરવામાં આવી રહ્યો છે. ટ્રાઈએ Jio, Airtel, Vodafone Idea (Vi) અને BSNLને તેનો અમલ કરવા સૂચના આપી છે.

TRAIના નવા ટ્રેસેબિલિટી નિયમના અમલ પછી, મોબાઇલ યૂઝર્સને આવતા OTP મેસેજ સરળતાથી ટ્રૅક કરવામાં આવશે. જો અમે તમને સ્પષ્ટ શબ્દોમાં સમજાવીએ, તો હવે જો તમારી સાથે કોઈપણ OTT દ્વારા ફ્રોડ થાય છે, તો ટેલિકોમ કંપનીઓ તે OTP મેસેજનો સ્ત્રોત શોધી શકશે. ટ્રાઈના જણાવ્યા અનુસાર, આ સાયબર ફ્રોડને રોકવામાં ઘણી મદદ કરી શકે છે.

ફેક મેસેજની ઓળખ કરવામાં આવશે
OTP ટ્રેસેબિલિટી નિયમના અમલીકરણ પછી, મોબાઇલ યૂઝર્સ સ્પામ કૉલ્સ અથવા નકલી મેસેજવાળા નંબરોને ઓળખી શકશે. TRAIનો આ નવો નિયમ દેશભરના કરોડો મોબાઈલ યુઝર્સને મોટી રાહત આપશે. નવા નિયમથી ટેલિકોમ કંપનીઓના રૂટ દ્વારા મોબાઈલમાં આવતા તમામ મેસેજને સરળતાથી ટ્રેક કરી શકાશે.

ઉલ્લેખનીય છે કે ટ્રાઈના નવા નિયમોમાં બેંકિંગ મેસેજ અને પ્રમોશનલ ટેલીમાર્કેટિંગ મેસેજને અલગ-અલગ કેટેગરીમાં રાખવામાં આવશે. કંપનીઓ ફ્રોડ સંબંધિત શંકાસ્પદ પ્રમોશનલ સંદેશાઓ અંગે યૂઝર્સને ચેતવણીઓ પણ જારી કરી શકે છે, જેથી યૂઝર્સ અગાઉથી જોખમને સમજી શકે. ટ્રાઈએ કહ્યું કે ટ્રેસેબિલિટી નિયમ લાગુ કરવાનો હેતુ માત્ર મેસેજિંગ સિસ્ટમમાં સુધારો કરવાનો છે.

TRAIએ OTPને લઈને આ વાત કહી
ઉલ્લેખનીય છે કે ટ્રાઈ દ્વારા ટ્રેસેબિલિટી નિયમ લાગુ કરવાની છેલ્લી તારીખ 31 ઓક્ટોબર નક્કી કરવામાં આવી હતી, પરંતુ Jio, Airtel અને અન્ય ટેલિકોમ કંપનીઓની માંગ પર આ તારીખ 30 નવેમ્બર સુધી લંબાવવામાં આવી હતી. હવે તેને 1 ડિસેમ્બર, 2024થી દેશભરમાં લાગુ કરવામાં આવી રહ્યું છે. ટ્રાઈના જણાવ્યા અનુસાર, ટ્રેસેબિલિટી નિયમોને કારણે OTP આધારિત મેસેજ પ્રાપ્ત કરવામાં વિલંબ થવાની કોઈ શક્યતા નથી. OTP મેસેજ પહેલાની જેમ જ સમયસર યૂઝર્સ સુધી પહોંચશે.

આ પણ વાંચો : બાંગ્લાદેશ: હિંસા દરમિયાન વકીલની હત્યાના મામલામાં 9 લોકોની ધરપકડ, હિંદુઓ પર હુમલા જારી