મેક્સિકોમાં ભયાનક માર્ગ અકસ્માત, બસ ખીણમાં ખાબકી, 27ના મોત, અનેક ઘાયલ

મેક્સિકોમાં એક દર્દનાક માર્ગ અકસ્માતના સમાચાર સામે આવ્યા છે. મુસાફરોથી ભરેલી બસ 40 ફૂટ ઉંડી ખીણમાં પડી હતી. જેમાં 27 લોકોના મોત થયા છે. ત્યાં 17 લોકો ઘાયલ થયા છે.બસના ચાલકે અચાનક કાબૂ ગુમાવ્યો હતો જેના કારણે આ અકસ્માત સર્જાયો હતો.

મેક્સિકોમાં ભયાનક માર્ગ અકસ્માતમાં 27 લોકોના મોત

મેક્સિકોમાં એક ભયાનક માર્ગ અકસ્માતના સમાચાર સામે આવ્યા છે. મુસાફરોથી ભરેલી બસ 40 ફૂટ ઉંડી ખીણમાં પડી છે. જેમાં 27 લોકોના મોત થયા છે. તે જ સમયે 17 લોકો ઘાયલ થયા છે. જેમાં 12 લોકોની હાલત અત્યંત ગંભીર હોવાનું જાણવા મળી રહ્યું છે. તમામ ઘાયલોને નજીકની હોસ્પિટલમાં દાખલ કરવામાં આવ્યા છે. સ્થાનિક પોલીસ તરફથી આ માહિતી મળી છે. અકસ્માતમાં બસ સંપૂર્ણ રીતે નાશ પામી છે. મદદ માટે રેસ્ક્યુ ટીમ ઘટનાસ્થળે પહોંચી ગઈ છે. અહેવાલો અનુસાર, આ દુર્ઘટના મેગ્ડાલેના પેનાસ્કો શહેરમાં બની હતી. મૃતકોમાં એક બાળક, 13 પુરૂષો અને 13 મહિલાઓનો સમાવેશ થાય છે.

ડ્રાઈવરે બસ પરથી કાબુ ગુમાવી દેતા સર્જાયો અકસ્માત

નાગરિક સુરક્ષા એજન્સીએ જણાવ્યું કે જ્યારે તેઓ ઘાયલોને હોસ્પિટલ લઈ જઈ રહ્યા હતા ત્યારે ઓછામાં ઓછા છ લોકો બેભાન થઈ ગયા હતા. તેની હાલત નાજુક હતી. તપાસ અધિકારીઓએ જણાવ્યું કે આ બસ સ્થાનિક ટ્રાન્સપોર્ટ કંપની વતી ચલાવવામાં આવી રહી હતી. બસ રાજધાની મેક્સિકો સિટીથી નીકળી હતી અને સેન્ટિયાગો ડી યોસુન્દુઆ શહેર તરફ જઈ રહી હતી. તેમણે કહ્યું કે કદાચ ડ્રાઈવરે બસ પરથી કાબુ ગુમાવી દીધો હતો. આ પછી બસ ઉંડી ખીણમાં પડી હતી.

ગવર્નરે મેક્સિકો દુર્ઘટના પર શોક વ્યક્ત કર્યો

ઓક્સાકાના ગવર્નર સોલોમને આ દુર્ઘટના પર દુખ વ્યક્ત કર્યું છે. તેઓએ લખ્યું છે કે અક્સમાતમાં મૃત્યું પામેલા લોકોના પરિવારજનો પ્રત્યે સંવેદના વ્યક્ત કરી હતી. તેમણે સોશિયલ મીડિયા પર લખ્યું કે અમે મેગ્ડાલના પેનાસ્કોમાં થયેલા અકસ્માત પર ખૂબ જ દુઃખી છીએ. અમારા સરકારી કર્મચારીઓ પહેલાથી જ બચાવ કામગીરી પર કામ કરી રહ્યા છે. ધાયલોને તમામ પ્રકારની મદદ કરવામાં આવી રહી છે.

 આ પણ વાંચો : આગામી 3 કલાકમાં ભૂક્કા કાઢશે વરસાદ, જાણો હવામાન વિભાગે શું કરી આગાહી