ખેડૂતોના વિરોધ પ્રદર્શનથી દિલ્હી-નોઈડા બોર્ડર પર ભારે ચક્કાજામ

નવી દિલ્હી, 08 જાન્યુઆરી: ઉત્તર પ્રદેશમાં ખેડૂતો તેમની માંગણીઓને લઈને સતત વિરોધ પ્રદર્શન કરી રહ્યા છે, આજે ખેડૂતો નોઈડાથી દિલ્હી તરફ આગળ વધશે. આજે લગભગ 12 વાગ્યે ખેડૂતોનું એક જૂથ મહામાયા ફ્લાયઓવર પર એકત્ર થશે અને દિલ્હી તરફ આગળ વધશે. જેના કારણે નોઈડા અને દિલ્હીના ઘણા રસ્તાઓ પર ભારે ટ્રાફિક જામ થઈ ગયો છે. તેને જોતા દિલ્હી ટ્રાફિક પોલીસે એડવાઈઝરી  પણ જારી કરી છે.

#WATCH | Security stepped up at the Delhi-Noida, Chilla border, in view of the farmers’ protest march. pic.twitter.com/RWQrFwQFZs

— ANI (@ANI) February 8, 2024

નોઈડાના ડીઆઈજી શિવહરી મીણાએ કહ્યું કે, કલમ 144 લાગુ કરવામાં આવી છે અને તમામ સરહદો 24 કલાક માટે સીલ કરી દેવામાં આવી છે. તમામ સરહદો પર ભારે સુરક્ષા તૈનાત કરવામાં આવી છે. લોકોને કોઈ મુશ્કેલી ન પડે તે માટે વ્યવસ્થા કરવામાં આવી છે. તેમજ ચુસ્ત સુરક્ષા બંદોબસ્ત ગોઠવવામાં આવ્યા છે. અમે ખેડૂતો સાથે વાતચીત કરી રહ્યા છીએ. તમામ વાહનોની તપાસ કરવામાં આવી રહી છે.

દિલ્હી ટ્રાફિક પોલીસ દ્વારા જાહેર કરવામાં આવેલી એડવાઈઝરીમાં કહેવામાં આવ્યું છે કે ચિલ્લા, ગાઝીપુર, સોનિયા વિહાર, ડીએનડી, સભાપુર, અપ્સરા અને લોની બોર્ડરથી જોડાયેલા રસ્તાઓ પર ભારે ટ્રાફિક જામ છે. આ સિવાય દિલ્હી તરફ આવતા તમામ રસ્તાઓ પર જામ થવાની સંભાવના છે.

ચિલ્લા સરહદ બંધ કરવાની ચેતવણી

ભારતીય કિસાન પરિષદના રાષ્ટ્રીય અધ્યક્ષ સુખવીર ખલીફાએ કહ્યું કે જો કોઈએ ખેડૂતોને રોકવાનો પ્રયાસ કર્યો તો ચિલ્લા બોર્ડર સંપૂર્ણપણે બંધ કરી દેવામાં આવશે. અહીં પણ વિરોધ પ્રદર્શન શરૂ કરવામાં આવશે. સુખબીર ખલીફાએ કહ્યું કે વિરોધ પ્રદર્શનમાં હજારો માતા-પિતા, યુવાનો અને વડીલો હાજર રહેશે. સંસદ ભવનમાં બેઠેલા નીતિ નિર્માતાઓને પૂછવામાં આવશે કે ખેડૂતો રસ્તા પર બેઠા છે, તમે કોના માટે નીતિઓ બનાવી રહ્યા છો. ઘણી પીડા સહન કરી છે. હવે આરપારની લડાઈ થશે. અમારા તરફથી કોઈ નુકસાન નહીં થાય. ઠોંસ પગલાં લેવામાં આવશે.

આ પણ વાંચો: મહુવા માર્કેટયાર્ડમાં ડુંગળીની નિકાસના પ્રતિબંધ સામે રોષ, ગળામાં દોરડુ નાખી ખેડૂતોનો વિરોધ