Toyota બનાવી રહી છે EV કાર, 10 મિનિટમાં ફુલ ચાર્જ્ડ-1200Kmની કરી શકાશે મુસાફરી
જાપાનીઝ ઓટોમોબાઈલ ઉત્પાદક Toyota સોલિડ-સ્ટેટ બેટરી દ્વારા સંચાલિત EV પર કામ કરી રહી છે, જેની રેન્જ લગભગ 1,200 કિમી હશે અને બેટરીને સંપૂર્ણ ચાર્જ કરવામાં માત્ર 10 મિનિટનો સમય લાગશે. એલોન મસ્ક દ્વારા સંચાલિત ટેસ્લાનું સુપરચાર્જર 15 મિનિટમાં લગભગ 200 માઈલનું અંતર કાપે છે. કંપનીએ તેના નવા ટેક્નોલોજી રોડમેપમાં જણાવ્યું હતું કે તે 2026 સુધીમાં તેની નેક્સ્ટ જનરેશન EV માટે હાઇ-પર્ફોર્મન્સ લિથિયમ-આયર્ન બેટરી રજૂ કરવાનું પ્લાનિંગ છે.
વાહન ક્રૂઝિંગ રેન્જ 1,000 કિમીનું લક્ષ્ય
બેટરી ઝડપી ચાર્જિંગ અને લગભગ 1,000 કિલોમીટરની રેન્જ પ્રદાન કરશે. Toyotaએ જણાવ્યું હતું કે, અમે નેક્સ્ટ જનરેશન બેટરી અને સોનિક ટેક્નોલોજીના એકીકરણ જેવી ટેક્નોલોજી દ્વારા 1,000 કિલોમીટરની વ્હીકલ ક્રૂઝિંગ રેન્જ હાંસલ કરીશું. ગયા વર્ષે, મર્સિડીઝ-બેન્ઝે તેની લોંગ-રેન્જ વિઝન EQXX કોન્સેપ્ટ કારનું અનાવરણ કર્યું હતું, જેણે સંપૂર્ણ ચાર્જ કરેલી બેટરી પર 1,000 કિલોમીટરથી વધુની મુસાફરી કરી હતી.
2030 સુધીમાં સંપૂર્ણપણે ઇલેક્ટ્રિક બનવાની યોજના
Toyota અનુસાર, જર્મનીથી ફ્રાન્સના દક્ષિણ તરફની મુસાફરી ઠંડી અને વરસાદી પરિસ્થિતિઓમાં શરૂ થઈ હતી અને રસ્તા પર નિયમિત ગતિએ કરવામાં આવી હતી, જેમાં 140 કિમી પ્રતિ કલાકની ઝડપે ફાસ્ટ-લેન ક્રૂઝિંગનો સમાવેશ થાય છે. ઓટોમેકર 2025 સુધીમાં પ્લગ-ઇન હાઇબ્રિડ અને ઇવીનો સમાવેશ કરવા માટે તેના અડધા વૈશ્વિક વેચાણને લક્ષ્યાંક બનાવીને 2030 સુધીમાં સંપૂર્ણપણે ઇલેક્ટ્રિક બનવાની યોજના છે.
ભારત સહિત વિશ્વના ઘણા દેશોમાં ઓટોમોબાઈલ કંપનીઓ ઈલેક્ટ્રીક વાહનો પર ફોકસ કરી રહી છે. ખાસ કરીને ઓછા સમયમાં વધુ રેન્જની ટેક્નોલોજી પર સતત સંશોધન ચાલી રહ્યું છે. કંપનીઓ બજારમાં નવા EV ઉત્પાદનો રજૂ કરી રહી છે.
