ગુજરાતમાં મેઘરાજાની મહેર, જાણો ક્યા કેટલો પડ્યો વરસાદ

• દેવભૂમિ દ્વારકામાં છેલ્લા 30 કલાકમાં 22 ઈંચ જેટલો વરસાદ
• પોરબંદર, નવસારી, વલસાડમાં વરસાદનું રેડ એલર્ટ
• ખેડા, ગાંધીનગર, અરવલ્લી, મહીસાગરમાં યલો એલર્ટ

ગુજરાતમાં મેઘરાજાની મહેર છે. જેમાં વિવિધ શહેરોમાં વરસાદ પડી રહ્યો છે. તેમાં રાજ્યના 16 જિલ્લામાં 30 ટકા ઓછો વરસાદ આવ્યો છે. ત્યારે બનાસકાંઠા જિલ્લામાં 25.87 ટકા વરસાદ સાથે પાટણ જિલ્લામાં 21 ટકા ઓછો વરસાદ છે. તેમજ ભાવનગર, નવસારી અને વલસાડમાં વરસાદનું ઓરેન્જ એલર્ટ જાહેર કરવામાં આવ્યું છે.

પોરબંદર, નવસારી, વલસાડમાં વરસાદનું રેડ એલર્ટ

દેવભૂમિ દ્વારકામાં છેલ્લા 30 કલાકમાં 22 ઈંચ જેટલો વરસાદ નોંધાયો છે. આ દરમિયાન હવામાન વિભાગની આગામી સાત દિવસ વરસાદની આગાહી કરી છે. જેમાં આજથી 4 દિવસ કેટલાક જિલ્લાઓમાં અતિભારે તો કેટલાક જિલ્લામાં ભારે વરસાદની આગાહી કરવામાં આવી છે. આજે દેવભૂમિ દ્વારકા, પોરબંદર, નવસારી, વલસાડમાં વરસાદનું રેડ એલર્ટ છે. રાજકોટ, જુનાગઢ, અમરેલી, ગીર સોમનાથ, ભાવનગર અને સુરતમાં વરસાદનું ઓરેન્જ એલર્ટ છે. કચ્છ, જામનગર, મોરબી, સુરેન્દ્રનગર, બોટાદ, ભરૂચ, તાપી, ડાંગ, નર્મદા, છોટાઉદેપુર, દાહોદ, મહીસાગર, અરવલ્લીમાં યલો એલર્ટ છે.

ખેડા, ગાંધીનગર, અરવલ્લી, મહીસાગરમાં યલો એલર્ટ

અરવલ્લીમાં 18.32 ટકા, ગાંધીનગરમાં 22 ટકા વરસાદ છે. તેમજ અમદાવાદ જિલ્લામાં 24.48 ટકા વરસાદ છે. ખેડામાં 25.42 ટકા, આણંદમાં 22 ટકા વરસાદ છે. તેમજ વડોદરામાં 24 ટકા, છોટા ઉદેપુરમાં 22 ટકા વરસાદ સાથે દાહોદ અને મહીસાગરમાં 20-20 ટકા વરસાદ છે. પંચમહાલમાં 24.77 ટકા, ડાંગમાં 22 ટકા વરસાદ સાથે સુરેન્દ્રનગરમાં 24 ટકા વરસાદ પડ્યો છે. 22મી જુલાઈએ અમરેલી, ભાવનગર, સુરત, નવસારી, ડાંગ, વલસાડમાં વરસાદનું રેડ એલર્ટ છે. પોરબંદર, જુનાગઢ, ગીર સોમનાથ, બોટાદ, ભરૂચ, નર્મદા, તાપીમાં ઓરેન્જ એલર્ટ છે. રાજકોટ, સુરેન્દ્રનગર, અમદાવાદ, બનાસકાંઠા, સાબરકાંઠા, ખેડા, આણંદ, વડોદરા, પંચમહાલ, દાહોદ, છોટાઉદેપુરમાં યલો એલર્ટ છે. 23મી જુલાઇએ જુનાગઢ, ગીર સોમનાથ, અમરેલી, ભાવનગર, બોટાદ, દાહોદ,પંચમહાલ, વડોદરા, છોટાઉદેપુર, ભરૂચ, નર્મદા, સુરત, તાપી, નવસારી, ડાંગ અને વલસાડમાં ઓરેન્જ એલર્ટ છે. રાજકોટ, સુરેન્દ્રનગર, અમદાવાદ, આણંદ, ખેડા, ગાંધીનગર, અરવલ્લી, મહીસાગરમાં યલો એલર્ટ છે.