પુષ્પા 2માં RRR સ્ટારની એન્ટ્રી, ડિરેક્ટર સુકુમારે બનાવ્યો મેગા પ્લાન
ટોલીવુડના સુપરસ્ટાર અલ્લુ અર્જુને ગયા વર્ષે પુષ્પા ફિલ્મમાં દર્શકોનું ઘણું મનોરંજન કર્યું હતું. ફિલ્મની સ્ટોરીથી લઈને , કાસ્ટની એકટિંગ તેમજ ફિલ્મના ગીતો પણ ઘણા જ હીટ ગયા હતા. જે ફિલ્મ પાન ઈન્ડિયા લેવલ પર રિલીઝ થઈ અને દેશભરના લોકોને દિવાના બનાવી દીધા. ફિલ્મના ગીતો અને ડાઈલોગ પર ઘણી રીલ્સ બની છે અને આજ સુધી ફિલ્મનો ક્રેઝ દર્શકોના માથા પરથી ઉતર્યો નથી. જે બાદ મેકર્સ આ દિવસોમાં પુષ્પા 2 લાવવાની તૈયારીમાં વ્યસ્ત છે. ફિલ્મનું શૂટિંગ પણ ચાલી રહ્યુ છે. આ દરમિયાન, સમાચાર છે કે ફિલ્મ વિશે એક રસપ્રદ માહિતી સામે આવી છે. આ જાણ્યા પછી અલ્લુ અર્જુન અને રામ ચરણના ચાહકો આનંદથી નાચવા લાગશે.
અલ્લુ અર્જુન સાથે રામ ચરણ એન્ટ્રી કરશે
મીડિયા રીપોર્ટ મુજબ જાણવા મળ્યું છે કે નિર્દેશક સુકુમાર તેમની ફિલ્મ પુષ્પા 2ને વધુ રસપ્રદ બનાવવાની તૈયારી કરી રહ્યા છે. જેને લઈને દિગ્દર્શક સુકુમાર તેમની અગાઉની રિલીઝ થયેલી બ્લોકબસ્ટર ફિલ્મ રંગસ્થલમના લીડ સ્ટાર રામ ચરણને આ ફિલ્મમાં કેમિયો કરવા માટે મળશે. અહેવાલો અનુસાર, રામ ચરણને તેની ફિલ્મ રંગસ્થલમના તેના પાત્ર ચિટ્ટી બાબુ દ્વારા ફિલ્મમાં એન્ટ્રી મળશે.
આ પણ વાંચો: બોલિવુડમાં શું છે મોટી ખામી અને કોણ છે તેના માટે જવાબદાર ? કરણ જોહરે કર્યો ખુલાસો
ડિરેક્ટર સુકુમાર નવા ટ્રેન્ડમાં પ્રવેશ્યા
છેલ્લા ઘણા દિવસોથી જોવા મળી રહ્યું છે કે ફિલ્મ નિર્દેશકો અન્ય સ્ટારની ફિલ્મમાં એન્ટ્રી કરી નવો પ્રયાસ કરી રહ્યા છે. રોહિત શેટ્ટીએ પોતાના કોપ યુનિવર્સમાં અજય દેવગન, અક્ષય કુમારથી લઈને રણવીર સિંહ સુધીની એન્ટ્રી કરી છે. તેની ઘણી બધી ફિલ્મોમાં, રોહિત શેટ્ટીએ અગાઉની રિલીઝમાંથી આ સ્ટાર્સની એન્ટ્રી મેળવીને ચાહકોની ઘણી તાળીઓ મેળવી છે. આ સાથે જ સાઉથના ફિલ્મ નિર્દેશકો પ્રશાંત નીલ અને લોકેશ કનાગરાજે પણ પોતાની આગવી ઓળખ બનાવી છે. જે તેની ફિલ્મો કેજીએફ અને વિક્રમમાં જોવા મળી હતી. હવે દિગ્દર્શક સુકુમારે પણ આ માર્ગ પર શરૂઆત કરી છે. તો શું તમે રામ ચરણ અને અલ્લુ અર્જુનની આ ફિલ્મ જોવા માટે ઉત્સાહિત છો. તમારો અભિપ્રાય અમને કોમેન્ટ કરો.
