આમ આદમી પાર્ટીની ગુજરાત વિધાનસભા ઈલેક્શનની ચોથી યાદી થઈ જાહેર
આમ આદમી પાર્ટી એ 7 સપ્ટેમ્બરે આગામી વિધાનસભાની ચૂંટણી માટે ઉમેદવારોની તેની ત્રીજી યાદી બહાર પાડી હતી જે બાદ આજે ચોથી યાદીની આપના પ્રદેશ પ્રમુખ ગોપાલ ઇટાલિયાએ પ્રેસ કોન્ફરન્સ કરીને બહાર પાડી છે. ત્યારે આ વર્ષે ડિસેમ્બરમાં ચૂંટણી યોજાવાની છે. આથી ભાજપ, કોગ્રેસ અને આપએ પણ જોરશોરમાં ચુંટણી પ્રચાર શરુ કરી દિધો છે.
વિધાનસભાની ચૂંટણીની ચોથી યાદી જાહેર
ગુજરાતમાં વિધાનસભાની ચૂંટણીને લઇને રાજકીય પક્ષોએ તૈયારીઓ શરૂ કરી દીધી છે, ભાજપ, કોગ્રેસ અને આ વખતે ત્રીજી પાર્ટી તરીકે આમ આદમી પાર્ટી મેદાનમા આમાને સામને ટકરાશે. ત્યારે આ વર્ષે કેજરીવાલે પુરજોશમાં પ્રચાર પ્રસાર શરૂ કરી દીધો છે. ત્યાારે આજે ગુજરાત આપ પ્રદેશ પ્રમુખ ગોપાલ ઇટાલિયાએ આજે પ્રેસ કૉન્ફરન્સ કરીને વિધાનસભાની ચૂંટણીની ચોથી યાદી જાહેર કરી છે, આ લિસ્ટમાં કુલ 12 ઉમેદવારોના નામ જાહેર કરવામાં આવ્યા હતા. તમને જણાવી દઈએ કે આમ આદમી પાર્ટીના અગાઉના ૩ લિસ્ટ જાહેર મુજબ 29 ઉમેદવાર જાહેર કરી ચૂક્યા છે.
ઇટાલિયાએ કહ્યું, “ગુજરાતનો જંગ ભાજપ અને આપ વચ્ચે છે”
ગુજરાત આપ પ્રદેશ પ્રમુખ ગોપાલ ઇટાલિયાએ પ્રેસ કોન્ફરન્સ કરીને જણાવ્યું હતું કે, ગુજરાતનો જંગ ભાજપ અને આપ વચ્ચે છે. કોંગ્રેસનું કોઈ અસ્તિત્વ દેખાતું નથી, કોંગ્રેસમાં જે ઉમેદવારો છે એ હવે ભાજપમાં જઈ રહ્યા છે, ચૂંટણી પછી પણ ભાજપમાં જશે. તેમણે ઉમેર્યું હતું કે, ગુજરાતની પ્રજાએ આપને એક મોકો આપવાનું મન બનાવી લીધું છે. કેજરીવાલજી દ્વારા જે જાહેરાત કરાઈ એનાથી લોકો આપને મત આપશે. અગાઉ ત્રણ વાર લિસ્ટ જાહેર કરી 29 ઉમેદવાર જાહેર કરાયા છે. આજે વધુ એક લિસ્ટ જાહેર કરી રહયા છીએ. આજની યાદીના માધ્યમથી અમે જમીન સાથે જોડાયેલા અને સમાજમાં કઈક કરવા માંગતા હોય એવા ઉમેદવારોને પસંદ કર્યા છે.
આ પણ વાંચો: ડીસામાં આમ આદમી પાર્ટીના ઉમેદવારે ગેરંટી કાર્ડ રજૂ કર્યા
જાહેર થયેલ નામની યાદી
- નીરમલસિંહ પરમાર – હિંમતનગર
- દોલત પટેલ-ગાંધીનગર સાઉથ
- કુલદીપ વાઘેલા – સાણંદ
- બિપીન પટેલ -વટવા
- ભરતભાઈ પટેલ – અમરાઈવાડી
- રામજીભાઈ ચુડાસમા – કેશોદ
- નટવરસિંહ રાઠોડ – ઠાસરા
- તકતસિંગ સોલંકી -શેહરા
- દિનેશ બારીયા – કાલોલ (પંચમહાલ)
- શેલેશ કનુભાઈ ભાભોર – ગરબડા
- પંકજ તયડે – લીબ્યાંત
- પંકજ પટેલ – ગણદેવી
