આજે Chocolate Day: સંબંધોમાં મીઠાશ લાવવાનો શ્રેષ્ઠ અવસર

વેલેન્ટાઇન ડે નો ત્રીજો દિવસ chocolate day તરીકે ઉજવાય છે. જો તમે chocolate day પર તમારો પ્રેમ વ્યક્ત કરવા માંગતા હોવ તો આજે તમારા પાર્ટનરને વિવિધ પ્રકારની ચોકલેટ આપીને તમારા દિલની વાત કહી શકો છો.

કપલ્સ માટે આ દિવસ પણ ખાસ હોય છે. આ દિવસે તેઓ એકબીજાને તેમની પસંદગીની ચોકોલેટ આપીને પોતાનો પ્રેમ વ્યક્ત કરે છે. ચોકોલેટ તેના ગુણધર્મની જેમ જીવનમાં પણ મીઠાશ લાવવાનું કામ કરે છે. છોકરીઓને ચોકલેટ ખુબ જ ભાવે છે, તેથી આ દિવસ તેમના માટે ખાસ બની જાય છે.

કેમ ઉજવાય છે chocolate day?

વેલેન્ટાઇન વીક એ પ્રેમની અભિવ્યક્તિના દિવસો ગણાય છે. જે વ્યક્તિ રોઝ ડે પર રોઝ ન આપી શકી હોય અથવા પ્રપોઝ ડે પર પ્રપોઝ ન કરી શકી હોય તે વ્યક્તિ ચોકોલેટ આપીને પોતાના પ્રેમનો ઇઝહાર કરી શકે છે. તમારા પ્રિયજનને આ અભિવ્યક્તિ ચોક્કસ પસંદ આવશે. વળી, ચોકોલેટથી લવ લાઇફ પણ હેલ્ધી રહે છે. ચોકોલેટમાં હાજર થિયોબ્રોમિન અને કેફીન મગજમાં એન્ડોર્ફિન છોડે છે, જેના લીધે મન અને શરીર હળવાશ અનુભવે છે.

મુડ પણ સારો કરી દે છે

ગમે તેટલો મૂડ ખરાબ હોય પણ જો ચોકલેટ હાથમાં આવે તો ચહેરા પર સ્માઈલ આવી જાય છે. ચોકલેટ કોઈપણ દિવસને ખાસ બનાવી દે છે. ચોકલેટ ખાવા માટે કોઈ ખાસ કારણની જરૂર નથી પડતી. ચોકલેટ સ્વાદિષ્ટ છે તેની સાથે સાથે સ્વાસ્થ્ય માટે પણ એટલી જ લાભદાયી છે.

ચોકલેટનો ઇતિહાસ

ચોકલેટનો ઇતિહાસ લગભગ 4000 વર્ષ જૂનો છે. ઇતિહાસકારોની વાત માનવામાં આવે તો ચોકલેટની શરૂઆત મેક્સિકો અને મધ્ય અમેરિકાના લોકોએ કરી હતી. જેમાંથી ચોકલેટ બને છે તે કોકો વૃક્ષ સૌથી પહેલા અમેરિકાના જંગલોમાં મળી આવ્યું હતું.

આ પણ વાંચોઃ વેલેન્ટાઇન ડેના દિવસે અપનાવો આ બેસ્ટ આઉટફિટ