આજે સોના-ચાંદી ખરીદવાની છે શાનદાર તક, જાણો આજના નવીનતમ ભાવ

નવી દિલ્હી, ૨૭ જાન્યુઆરી: 27 જાન્યુઆરીના રોજ સોનાના ભાવમાં ઘટાડો થયો છે. સોનાના ભાવમાં સતત વધારામાં થોડો ઘટાડો થયો છે. વૈશ્વિક બજારોમાં નબળાઈની અસર ભારતીય બજારો પર પણ જોવા મળી છે. 24 કેરેટ સોનું તેની શુદ્ધતા અને ગુણવત્તા માટે જાણીતું છે. મુખ્ય શહેરોમાં 24 કેરેટ સોનાનો ભાવ પ્રતિ 10 ગ્રામ 82,400 રૂપિયા અને 22 કેરેટ સોનાનો ભાવ 75,500 રૂપિયાની આસપાસ ટ્રેડ થઈ રહ્યો હતો. ગયા અઠવાડિયે સોનું તેના રેકોર્ડ સ્તરની નજીક પહોંચી ગયું હતું.

ગયા સપ્તાહે ભારે ઉતાર-ચઢાવ વચ્ચે, આજે ટ્રેડિંગ સપ્તાહના પહેલા દિવસે સોના અને ચાંદીના ખરીદદારોને રાહત મળી છે. આજે, સોમવાર 27 જાન્યુઆરી, મલ્ટી કોમોડિટી એક્સચેન્જ (MCX) પર ડોનાના ફ્યુચર્સ ભાવમાં તીવ્ર ઘટાડો થયો છે. સોનાનો ભાવ 0.26 ટકા ઘટીને 79,821 રૂપિયા થયો છે જ્યારે ચાંદીનો ભાવ 0.98 ટકા ઘટીને 90,700 રૂપિયા પર ટ્રેડ થઈ રહ્યો છે.

દિલ્હીમાં 24 કેરેટ સોનાનો ભાવ 10 રૂપિયા ઘટીને 82,560 રૂપિયા પ્રતિ 10 ગ્રામ થયો, જ્યારે 22 કેરેટ સોનાનો ભાવ 75,690 રૂપિયા પ્રતિ 10 ગ્રામ નોંધાયો. મુંબઈમાં, 24 કેરેટ સોનાનો ભાવ 82.410 રૂપિયા છે અને 22 કેરેટ સોનાનો ભાવ 75,540 રૂપિયા પ્રતિ 10 ગ્રામ છે.

આ પણ વાંચો…1 શેર પર એક બોનસ આપી રહી છે કંપની, આજે રેકોર્ડ ડેટ