TMC સાંસદ મહુઆ મોઇત્રાએ લોકપાલમાં SEBIના પ્રમુખ વિરુદ્ધ નોંધાવી ફરિયાદ, ગંભીર આક્ષેપો કર્યા

• ફરિયાદમાં મહુઆ મોઇત્રાએ SEBIના પ્રમુખ પર ભ્રષ્ટાચાર અને હેરાફેરીનો આરોપ મૂક્યો

કોલકાતા, 13 સપ્ટેમ્બર: TMC સાંસદ મહુઆ મોઇત્રાએ આજે શુક્રવારે SEBIના પ્રમુખ માધબી પુરી બુચ અને તેમના પતિ વિરુદ્ધ લોકપાલમાં ફરિયાદ દાખલ કરી છે. ફરિયાદમાં તેમના પર ભ્રષ્ટાચાર અને હેરાફેરીનો આરોપ મૂકવામાં આવ્યો છે. મહુઆ મોઇત્રાએ X પર પોસ્ટ કરીને લખ્યું કે, “પુરી-બુચ વિરુદ્ધ મારી લોકપાલ ફરિયાદ ઈલેક્ટ્રોનિક અને ભૌતિક સ્વરૂપમાં દાખલ કરવામાં આવી છે. લોકપાલે તેને પ્રાથમિક તપાસ માટે CBI/EDને મોકલવી પડશે અને પછી 30 દિવસમાં સંપૂર્ણ FIR તપાસ કરવી પડશે. મહુઆ મોઇત્રાએ X પર પોસ્ટ કર્યું, આમાં સામેલ દરેક એન્ટિટીને બોલાવવાની અને દરેક લિંકની તપાસ કરવાની જરૂર છે.”

My LokPal complaint against Ms. Puri-Buch been filed electronically & in physical form. LokPal must within 30 days refer it to CBI/ED for a preliminary investigation and then a full FIR enquiry. Every single entity involved needs to be summoned & every link investigated.… pic.twitter.com/5aZ4f2se9n

— Mahua Moitra (@MahuaMoitra) September 13, 2024

રાષ્ટ્રીય હિતો અને કરોડો રોકાણકારોના હિતને લગતો મુદ્દો

હિંડનબર્ગે આરોપ મૂક્યો હતો કે, બૂચ અને તેના પતિએ બર્મુડા અને મોરેશિયસમાં અસ્પષ્ટ ઓફશોર ફંડોમાં અઘોષિત રોકાણ કર્યું હતું, જેનો ઉપયોગ ગ્રુપના ચેરમેન ગૌતમ અદાણીના મોટા ભાઈ વિનોદ અદાણીએ ફંડોને રાઉન્ડ ટ્રીપ કરવા અને સ્ટોકની કિંમતો વધારવા માટે કર્યો હતો. જ્યારે ટીએમસીએ અગાઉ માંગ કરી હતી કે, સેબી પ્રમુખને સસ્પેન્ડ કરવામાં આવે.

આ પણ જૂઓ: કેજરીવાલની મુક્તિ હરિયાણામાં કોંગ્રેસ માટે બનશે મુશ્કેલી? ભાજપ માટે તક? સમજો સંપૂર્ણ ગણિત