સુપરસ્ટાર થલપતિ વિજયની છેલ્લી ફિલ્મનું નામ અને પોસ્ટર જારી કરાયું
- તમિલ સિનેમાના સુપરસ્ટાર થલપતિ વિજયની છેલ્લી ફિલ્મનું નામ અને પોસ્ટર જારી કરાતા જ તેના ચાહકો મોજમાં આવી ગયા છે
27 જાન્યુઆરી, ચેન્નઈઃ તમિલ સિનેમાના સુપરસ્ટાર થલપતિ વિજયે આખરે તેની કારકિર્દીની છેલ્લી ફિલ્મનું ટાઈટલ અને પોસ્ટર રિલીઝ કર્યું છે. અગાઉ આ આગામી ફિલ્મનું નામ થલપતિ 69 આપવામાં આવ્યું હતું, પરંતુ હવે આ ફિલ્મનું નામ સત્તાવાર રીતે ‘જન નાયગન’ રાખવામાં આવ્યું છે. અભિનેતાએ ફિલ્મનું પોસ્ટર રિલીઝ કર્યા બાદ ચાહકોમાં જબરદસ્ત ઉત્સાહ જોવા મળી રહ્યો છે.
View this post on Instagram
જન નાયગનનું પોસ્ટર જારી કરાયું
એચ.જે. વિનોદ દ્વારા નિર્દેશિત ‘જન નાયકન’ તમિલ ભાષાની રાજકીય એક્શન થ્રિલર ફિલ્મ છે. ફિલ્મના પોસ્ટરમાં વિજય એક વાહન પર ઊભો રહીને સેલ્ફી લેતો જોવા મળે છે. તેની પાછળ સફેદ કપડામાં હજારો લોકોની ભીડ દેખાઈ રહી છે, જે તેને સમર્થન આપી રહ્યા છે.
પોસ્ટરમાં વિજયે બ્લુ ડેનિમ શર્ટ, બ્લેક પેન્ટ અને બ્લેક શૂઝ પહેર્યા છે. તેણે ગોગલ્સ પહેર્યા છે અને હસતી વખતે એક હાથ તેની કમર પર રાખ્યો છે. વિજયની આ સ્ટાઇલ તેના ચાહકોને ખૂબ જ પસંદ આવી રહી છે.
View this post on Instagram
ફિલ્મની સ્ટારકાસ્ટ
‘જન નાયગન’માં વિજયની સાથે, પૂજા હેગડે, બોબી દેઓલ, ગૌતમ વાસુદેવ મેનન, પ્રકાશ રાજ, નારાયણ, પ્રિયામણી, મમિતા બૈજુ, મોનિશા બ્લેસી અને વરલક્ષ્મી સરથકુમાર જેવા મોટા કલાકારો જોવા મળશે.
View this post on Instagram
રાજકારણમાં એન્ટ્રી
અભિનેતા વિજયે ફેબ્રુઆરીમાં જાહેરાત કરી હતી કે તે 2026ની તમિલનાડુ વિધાનસભાની ચૂંટણીમાં તમિલાગા વેટ્ટી કઝગમ નામની નવી રાજકીય પાર્ટી સાથે ભાગ લેશે. રાજકીય પક્ષની જાહેરાત કરતી વખતે વિજયે કહ્યું હતું કે મારો હેતુ ભ્રષ્ટાચાર મુક્ત, પ્રગતિશીલ અને બિનસાંપ્રદાયિક સરકાર બનાવવાનો છે, જે ધર્મ અને જાતિના નામે લોકોને વિભાજીત કરતી રાજનીતિથી દૂર રહેશે.
વિજયની આ છેલ્લી ફિલ્મ
‘જન નાયગન’ વિજયની રાજનીતિમાં એન્ટ્રી પહેલાની છેલ્લી ફિલ્મ હશે. આ ફિલ્મ વિજયની કારકિર્દીમાં માત્ર એક માઈલસ્ટોન જ નહીં, પરંતુ તેના ચાહકો માટે એક યાદગાર ભેટ પણ સાબિત થશે.
આ પણ વાંચોઃ ઔરંગઝેબના લુકમાં બોબી દેઓલનો હટકે અંદાજ, જન્મદિવસે ફેન્સને આપી રિટર્ન ગીફ્ટ
