‘કોફિનમાં છેલ્લો ખીલો લગાવવાનો સમય આવી ગયો’: જેલમાંથી બહાર આવતા જ હેમંત સોરેનનો ભાજપને પડકાર

રાંચી, 29 જૂન : જેલમાંથી બહાર આવ્યાના બીજા જ દિવસે ઝારખંડના પૂર્વ મુખ્યમંત્રી હેમંત સોરેને ભારતીય જનતા પાર્ટી પર જોરદાર નિશાન સાધ્યું છે. જેએમએમ નેતા સોરેને શનિવારે ભાજપ પર તેમની વિરુદ્ધ કાવતરું ઘડવાનો આરોપ લગાવ્યો હતો. તેમણે દાવો કર્યો હતો કે આગામી વિધાનસભા ચૂંટણી બાદ ઝારખંડમાંથી ભાજપનો સફાયો થઈ જશે. તેમના નિવાસસ્થાને જેએમએમ કાર્યકર્તાઓને સંબોધતા, સોરેને કહ્યું કે તેમને જેલમાં નાખવાનું કાવતરું કરનારાઓ સામે બળવો થશે અને ઝારખંડના લોકો ભાજપને છોડશે નહીં.

કોફિનમાં છેલ્લો ખીલો લગાવવાનો સમય આવી ગયો

જેએમએમના કાર્યકારી અધ્યક્ષ સોરેને કહ્યું, ‘ભાજપના કોફિનમાં છેલ્લો ખીલો લગાવવાનો સમય આવી ગયો છે. આગામી દિવસોમાં ઝારખંડમાંથી ભાજપનો સફાયો થઈ જશે.’ મની લોન્ડરિંગ કેસમાં ઝારખંડ હાઈકોર્ટ દ્વારા જામીન મળ્યા બાદ શુક્રવારે સોરેનને બિરસા મુંડા જેલમાંથી મુક્ત કરવામાં આવ્યા હતા. 8.36 એકર જમીનના ગેરકાયદે કબજા સાથે સંબંધિત મની લોન્ડરિંગ કેસની તપાસના સંદર્ભમાં 31 જાન્યુઆરીએ ED દ્વારા JMM નેતાની ધરપકડ કરવામાં આવી હતી. હેમંત સોરેને આરોપ લગાવ્યો કે ભાજપે તમામ બંધારણીય સંસ્થાઓ પર કબજો જમાવી લીધો છે, પરંતુ તાજેતરમાં પૂર્ણ થયેલી લોકસભા ચૂંટણીમાં લોકોએ તેને પાઠ ભણાવ્યો છે.

कौन आया, कौन आया❓❓
शेर आया, शेर आया

अरे कौन आया, कौन आया❓❓
हेमन्त आया, हेमन्त आया

अपने शेरदिल सोरेन झारखण्डियों के बीच आ गए हैं। पूरा झारखण्ड हेमन्तमय हो गया है।

हेमन्त सोरेन जिंदाबाद!
जिंदाबाद!! जिंदाबाद!! 🔥🔥🔥 pic.twitter.com/IsRqfyPDGC

— Jharkhand Mukti Morcha (@JmmJharkhand) June 29, 2024

‘હું ભાજપને પડકાર ફેંકું છું કે…’

ભાજપ પર નિશાન સાધતા પૂર્વ મુખ્યમંત્રીએ કહ્યું કે, ‘મારી જાણમાં આવ્યું છે કે તેઓ સમય પહેલા વિધાનસભા ચૂંટણી કરાવવાનું આયોજન કરી રહ્યા છે. હું તેમને ચેલેન્જ કરું છું કે તેઓ ગમે તે દિવસે ચૂંટણી યોજે. ભારતીય જનતા પાર્ટીનું ઝારખંડમાં વિધાનસભા ચૂંટણી જીતવાનું સપનું ‘મુંગેરીલાલ કે હસીન સપને’ જેવું હશે. બીજેપી ઘણા રાજ્યોમાં આદિવાસીઓને મુખ્યમંત્રી બનાવી રહી છે, પરંતુ તેઓ માત્ર ‘રબર સ્ટેમ્પ’ છે. શુક્રવારે જેલમાંથી છૂટ્યા બાદ હેમંત સોરેન તેમના માતા-પિતાને મળ્યા હતા અને તેમના આશીર્વાદ લીધા હતા.

આ પણ વાંચો: આતંકવાદ સામેના યુદ્ધમાં ભારતનું કદ વધ્યું, FATFએ રેગ્યુલર ફોલો-અપવાળા ટોચના 5 દેશોમાં કર્યું સામેલ