હાથમાં ખંજર, મોંમા સિગારેટ સાથે ટાઈગરની ‘બાગી-4’નો ફર્સ્ટ લૂક રિલીઝ
- ફિલ્મ મેકર્સે ટાઈગર શ્રોફ અભિનિત અને સાજિત નડિયાદવાલા નિર્મિત ‘બાગી 4’નો ફર્સ્ટ લૂક જાહેર કરીને ફિલ્મની રિલીઝ ડેટ પણ જાહેર કરી છે
18 નવેમ્બર, મુંબઈઃ સાજિદ નડિયાદવાલાની ફ્રેન્ચાઈઝી ફિલ્મ ‘બાગી’ના ચોથા ભાગની જાહેરાત કરવામાં આવી છે. ફિલ્મના છેલ્લા 3 ભાગમાં ટાઈગર શ્રોફ મુખ્ય ભૂમિકામાં છે. તે ‘બાગી 4’માં જબરદસ્ત સ્વેગ સાથે ફરી એકવાર કમબેક કરવા જઈ રહ્યો છે. મેકર્સે ટાઈગર શ્રોફની ‘બાગી 4’નો ફર્સ્ટ લૂક જાહેર કરીને ‘બાગી 4’ની રીલીઝ ડેટ પણ જાહેર કરી છે.
બાગી 4 નું પહેલું પોસ્ટર રિલીઝ
18 નવેમ્બરના રોજ, બાગી 4 ના નિર્માતાઓએ ફિલ્મનું પહેલું પોસ્ટર રિલીઝ કર્યું છે. પોસ્ટરમાં ટાઈગરનો ખૂંખાર અવતાર જોઈ શકાય છે. ટાઈગર શ્રોફના એક હાથમાં ખંજર અને બીજા હાથમાં દારૂની બોટલ, મોંમાં સિગારેટ છે. ટાઈગર શ્રોફનો આવો લુક તમે ક્યારેય નહીં જોયો હોય. પોસ્ટરમાં તે ટોઈલેટ સીટ પર બેઠેલો જોવા મળી રહ્યો છે, ચારેબાજુ લોહીના છાંટા પડ્યા છે. ફિલ્મમાં ટાઈગર એક્શનથી ભરપૂર અભિનય માટે તૈયાર હોવાનું સ્પષ્ટપણે જોઈ શકાય છે.
પોતાના ઈન્સ્ટાગ્રામ પર ફિલ્મનું પોસ્ટર શેર કરતી વખતે ટાઈગર શ્રોફે લખ્યું કે, ‘એક ઊંડી લાગણી, એક લોહિયાળ મિશન, તે આ વખતે એક સરખું નથી. સાજિદ નડિયાદવાલાની ‘બાગી 4’ આવી રહી છે. આ સાથે જ ફિલ્મની રિલીઝ ડેટ પણ જાહેર કરવામાં આવી છે.
View this post on Instagram
ક્યારે રિલીઝ થશે ફિલ્મ
‘બાગી 4’ની વાર્તા તમને એક્શન-થ્રિલરનો ડોઝ આપવા જઈ રહી છે. પોસ્ટર પરથી જોઈ શકાય છે કે ‘બાગી 4’ અગાઉની ત્રણ ફિલ્મોથી અલગ હશે. ટાઇગરનો આવો અવતાર જે પહેલા કરતા તદ્દન અલગ છે, તે દર્શાવે છે કે આ વખતે ફિલ્મમાં ઘણી વાઇલ્ડનેસ જોવા મળશે. ફિલ્મની રિલીઝની વાત કરીએ તો, આ ફિલ્મ 5 ડિસેમ્બર 2025ના રોજ દેશભરના સિનેમાઘરોમાં રિલીઝ થશે.
દરેક ફ્રેન્ચાઈઝીમાં ટાઈગર લીડમાં
આ ફિલ્મનું દિગ્દર્શન એ હર્ષા દ્વારા કરવામાં આવ્યું છે જેમણે ઘણી પ્રખ્યાત કન્નડ ફિલ્મોનું દિગ્દર્શન કર્યું છે. પ્રોડક્શનની જવાબદારી સાજિદ નડિયાદવાલાના બેનરની છે. 2016, 2018 અને 2020 માં રિલીઝ થયેલા બાગીના પ્રથમ ત્રણ ભાગ પછી, બાગી 4 નો કેવો અંદાજ હશે તે જોવું દિલચશ્પ હશે. બાગી-4માં લીડ એક્ટ્રેસ અને અન્ય કાસ્ટના નામ હજુ જાહેર કરવામાં આવ્યા નથી.
આ પણ વાંચોઃ દિલજીત દોસાંઝે ગાંધીનગરમાં લાઈવ કોન્સર્ટ દરમિયાન તેલંગાણા સરકારની કાઢી ઝાટકણી, જૂઓ વીડિયો
