નેશનલ ડેસ્કઃ સોમવારે રાત્રે એક વાગ્યે ગઢવાના નગર ઊંટરી પોલીસ સ્ટેશન વિસ્તારના પુરૈનીમાં રહેતા 30 વર્ષીય શહઝાદ આલમ ઉર્ફે પપ્પુ આલમ ઉપરથી આખી ટ્રેન પસાર થઈ હતી, પરંતુ તેના શરીર પર એક આંચ પણ આવી નહોતી. આ અકસ્માત બાદ તે ખૂબ જ આઘાતમાં છે. એવું કહેવામાં આવી રહ્યું છે કે, તે ચાલતી વખતે રેલ્વેના પાટા વચ્ચે સૂઈ ગયો હતો. ટ્રેન પણ તેની ઉપરથી પસાર થઈ પણ તેને કંઈ જ થયું નહોતું.
યુવકને કોઈ ઇજા થઈ નથી
સોમવારે રાત્રે હાવડા-ભોપાલ જતી એક્સપ્રેસના ડ્રાઈવરે નગર ઊંટરી રેલવે સ્ટેશનને જાણ કરી કે સોનવર્ષા ગામમાં પોલ નંબર 47/2 પાસે એક યુવક બે રેલવે લાઈનો વચ્ચે પડ્યો છે. ટ્રેન તેની ઉપરથી પસાર થઈ ગઈ. બધાને લાગ્યું કે ટ્રેનની અડફેટે આવીને યુવકનું મોત થયું છે. આરપીએફ જવાનોએ જોયું કે, યુવક બે પાટા વચ્ચે સૂતો હતો. તે જીવિત છે અને તેના શરીર પર કોઈ ઘાના નિશાન નથી.
અન્ય બે ટ્રેન પણ તેના પરથી પસાર થઈ ગઈ હતી
આ ઘટના બાદ તે આઘાતમાં હતો. જે બાદ 108 પર ફોન કરીને એમ્બ્યુલન્સ બોલાવવામાં આવી હતી. તેને સબ ડિવિઝનલ હોસ્પિટલમાં મોકલવામાં આવ્યો હતો. ત્યાં પ્રાથમિક સારવાર બાદ વધુ સારી સારવાર માટે સદર હોસ્પિટલમાં રીફર કરવામાં આવ્યો હતો. કહેવાય છે કે યુવક ઘણા સમયથી ચાલતો હતો. એક્સપ્રેસ પહેલાં બે માલગાડીઓ પણ તે ટ્રેક પરથી પસાર થઈ હતી.
