રિઝર્વ બેંક ઓફ ઈન્ડિયાને બોમ્બથી ઉડાવી દેવાની ધમકી, પોલીસે શરૂ કરી તપાસ

• પોલીસ સ્ટેશનમાં અજાણ્યા આરોપીઓ વિરુદ્ધ કેસ નોંધવામાં આવ્યો

મુંબઈ, 13 ડિસેમ્બર: રિઝર્વ બેંક ઓફ ઈન્ડિયા (RBI)ને બોમ્બની ધમકી મળી છે. RBIની સત્તાવાર વેબસાઈટ પર આ ધમકીભર્યો ઈ-મેલ મળ્યો હતો. ઈ-મેલમાં રશિયન ભાષામાં રિઝર્વ બેંકને બોમ્બથી ઉડાવી દેવાની ધમકી હતી. આ મામલે માતા રમાબાઈ માર્ગ (MRA માર્ગ) પોલીસ સ્ટેશનમાં અજાણ્યા આરોપીઓ વિરુદ્ધ કેસ નોંધવામાં આવ્યો છે. ઘટનાની ગંભીરતાને ધ્યાનમાં લઈને પોલીસે તપાસ શરૂ કરી છે.

A threatening email, written in Russian, was sent to the Reserve Bank of India’s official website, claiming to blow it up. A case has been filed at Mata Ramabai Marg Police Station, and investigations are underway : Mumbai Police pic.twitter.com/2FApUcmFgV

— IANS (@ians_india) December 13, 2024

ગયા મહિને પણ ધમકી મળી હતી

મહત્ત્વપૂર્ણ છે કે, આ પહેલીવાર નથી જ્યારે RBIને બોમ્બથી ઉડાવી દેવાની ધમકી આપવામાં આવી હોય. ગયા મહિનાની શરૂઆતમાં, રિઝર્વ બેંક ઓફ ઈન્ડિયાના કસ્ટમ કેર નંબર પર ફોન કરીને RBIને ઉડાવી દેવાની ધમકી આપવામાં આવી હતી. ફોન કરનારે પોતાને લશ્કર-એ-તૈયબાના CEO તરીકે ઓળખાવ્યો હતો.

છેલ્લા કેટલાક દિવસોમાં આવી ઘણી ધમકીઓ મળી છે. ક્યારેક એરપોર્ટને તો ક્યારેક સ્કૂલોને બોમ્બથી ઉડાવી દેવાના ધમકીભર્યા કોલ મળી રહ્યા છે. તપાસ દરમિયાન આમાંથી મોટાભાગના કોલ નકલી હોવાનું જાણવા મળે છે.

દિલ્હીની શાળાઓને બોમ્બથી ઉડાવી દેવાની ધમકી

રાજધાની દિલ્હીની શાળાઓને પણ શુક્રવારે સવારે બોમ્બની ધમકીનો મેલ મળ્યો હતો, જેના પછી વિવિધ એજન્સીઓએ શાળાના પરિસરમાં સર્ચ કરવાનું શરૂ કર્યું હતું. અગાઉ 9 ડિસેમ્બરે દિલ્હીની ઓછામાં ઓછી 44 શાળાઓને સમાન ઈમેલ મળ્યા હતા. સંપૂર્ણ તપાસ બાદ પોલીસે આ ધમકીઓને અફવા ગણાવી હતી.

આ પણ જૂઓ: દિલ્હીની 6 શાળાઓને બોમ્બની ધમકી મળતાં ખળભળાટ, પોલીસ-ડોગ સ્કવોડની ટીમ ઘટનાસ્થળે