આ જ સપનું હતું જેની સાથે હું મોટી થઈ છું…’ આ રીતે રશ્મિકા મંદાનાએ ઈન્ડસ્ટ્રીમાં પૂરા કર્યા 7 વર્ષ

મુંબઈ, 30 ડિસેમ્બર : રશ્મિકા મંદાનાએ સાઉથથી લઈને બોલિવૂડ સુધી પોતાની ઓળખ બનાવી છે. અભિનેત્રીએ હવે ઇન્ડસ્ટ્રીમાં 7 વર્ષ પૂર્ણ કર્યા છે. આ અવસર પર અભિનેત્રીએ એક પોસ્ટ શેર કરીને પોતાની ખુશી વ્યક્ત કરી છે.

રશ્મિકા મંદાનાએ માત્ર સાઉથમાં જ નહીં પરંતુ બોલિવૂડમાં પણ પોતાની ઓળખ બનાવી છે. ખૂબ જ ઓછા સમયમાં રશ્મિકાએ ઈન્ડસ્ટ્રીમાં મોટું સ્થાન હાંસલ કર્યું છે. અભિનેત્રીએ આ વર્ષે ઇન્ડસ્ટ્રીમાં 7 વર્ષ પૂર્ણ કર્યા છે. ઇન્ડસ્ટ્રીને આટલા વર્ષો આપ્યા બાદ અભિનેત્રી ઘણી ખુશ છે. તેણે એક પોસ્ટ દ્વારા પોતાની ખુશી વ્યક્ત કરી છે.

રશ્મિકા મંદાના ઇન્ડસ્ટ્રીમાં 7 વર્ષ

રશ્મિકા મંદાનાએ સોશિયલ મીડિયા પ્લેટફોર્મ X (Twitter) પર પોતાનો એક ફોટો પોસ્ટ કર્યો છે, જેની સાથે તેણે એક પોસ્ટ પણ લખી છે. આ પોસ્ટમાં અભિનેત્રીએ લખ્યું- કે ક્યારેક-ક્યારેક તમે બસ રોકાવ અને વિચારો. આ બધું કેવી રીતે બન્યું, આ બધું ક્યારે બન્યું, આ બધું કેમ થયું અને મને ખુશી છે – કે આ બધું થયું! આભારી છું, સુકૂનમાં છું અને ખુશ છૂ.

તેણીએ આગળ લખ્યું- આ તે બધું છે જેનું મેં હંમેશા સપનું જોયું છે… મને જેનો ખ્યાલ પણ નથી અને હું એવી વસ્તુ તરફ દોડતી રહી છું જેની મને ખબર પણ નથી, પરંતુ યોગ્ય લોકો સાથે રહેવાથી તમને અહેસાસ થાય છે કે ક્યારેક-ક્યારેક રોકાવું જોઈએ અને મહેસુસ કરવું જોઈએ કે, આ તે છે! આ તે છે જેના વિશે હું સપનું જોઈને મોટી થઈ છું.

Sometimes you just pause and think.
Damn!
How did it all happen.
When did it all happen.
Why did it all happen.
And I am so freaking glad – that it all, happened!
Grateful. Anchored. At peace. Happy!
This is everything that I’ve always dreamed of..
I’d have not realised… pic.twitter.com/3vGvtzLkNE

— Rashmika Mandanna (@iamRashmika) December 29, 2023

રશ્મિકાએ આ પોસ્ટ સાથે ‘દિલ ની વાત’ લખીને એક ફોટો પણ શેર કર્યો છે, જેમાં તે રસ્તાની વચ્ચે ઊભી રહીને પોઝ આપી રહી છે. આ દરમિયાન તેણે બ્લેક સિમ્પલ ટી-શર્ટ અને બ્લેક શોર્ટ્સ પહેર્યા છે. એક્ટ્રેસ ક્યૂટ બેક પેક લટકાવીને એકદમ ક્યૂટ લાગી રહી છે.

વર્ક ફ્રન્ટની વાત કરીએ તો તાજેતરમાં જ રશ્મિકા મંદાના, રણબીર કપૂર સાથે ફિલ્મ એનિમલમાં જોવા મળી હતી. આ ફિલ્મમાં તેણે રણબીરની પત્નીની ભૂમિકા ભજવી હતી. આ ફિલ્મમાં તેની એક્ટિંગને ખૂબ પસંદ કરવામાં આવી હતી. આ સાથે જ ફિલ્મે બોક્સ ઓફિસ પર પણ ધમાલ મચાવી હતી.

આ પણ વાંચો : શહેનાઝ ગિલની પહેલી પસંદ સુપરસ્ટાર રણબીર કપૂર