આ વ્યક્તિની લોકો પાસેથી પૈસા કમાવાની રીત કંઈક અલગ જ છે, જુઓ વીડિયો
HD ન્યૂઝ ડેસ્ક, 02 એપ્રિલ : આ દુનિયામાં ભાગ્યે જ કોઈ એવી વ્યક્તિ હશે જેને પૈસાની જરૂર ન હોય. ભોજનથી લઈને તમારા સપના પૂરા કરવા માટે દરેક વસ્તુ માટે પૈસાની જરૂર હોય છે. અને આ જ કારણ છે કે દરેક વ્યક્તિ ક્યાંક ને ક્યાંક કામ કરીને પૈસા કમાય છે. કોઈ વ્યક્તિ દુકાન ખોલે છે, કોઈ કંપનીમાં કામ કરે છે અને કોઈ અન્ય કામ કરીને પૈસા કમાય છે. પરંતુ આ દુનિયામાં કેટલાક લોકો એવા છે જે બીજાની સમસ્યાઓને આવકનું સાધન બનાવે છે. સરળ શબ્દોમાં કહીએ તો, કેટલાક લોકો તમારી સમસ્યાનું સમાધાન શોધીને તમારી પાસેથી પૈસા કમાય છે. આવા જ એક વ્યક્તિનો વીડિયો સોશિયલ મીડિયા પર વાયરલ થયો છે.
વ્યક્તિએ અનોખી પદ્ધતિ અપનાવી
સોશિયલ મીડિયા પર વાયરલ થઈ રહેલા વીડિયોમાં એક વ્યક્તિ લોકોની સમસ્યાઓનું સમાધાન શોધીને તેમની પાસેથી કમાણી કરતો જોવા મળે છે. એક જગ્યાએ ગટર છે જેમાં ઘણું મોટું ગાબડું પડેલું છે. આ ગેપને કારણે લોકો પોતાની બાઇકને બીજી તરફ લઇ જઇ શકતા નથી. લોકોની આ સમસ્યાને સમજીને આ વ્યક્તિ પૈસા કમાવવા માટે લાકડાનું પાટિયું લઈને ત્યાં પહોંચી ગયો. હવે જેમને પણ ગટર પાર કરવી હોય તો તે તેમની પાસેથી પૈસા લઈને લાકડાના ટુકડા મારફતે ગટર પાર કરાવે છે. આ રીતે વ્યક્તિ ખૂબ જ સરળતાથી પૈસા કમાતા જોવા મળે છે.
જુઓ વાયરલ વીડિયો
इसको कहते हैं बिजनेस 🔥 pic.twitter.com/dWclHFVOvs
— ज़िन्दगी गुलज़ार है ! (@Gulzar_sahab) April 1, 2024
આ વીડિયોને @Gulzar_sahab નામના એકાઉન્ટથી માઇક્રો બ્લોગિંગ પ્લેટફોર્મ X (ટ્વિટર) પર શેર કરવામાં આવ્યો છે. વીડિયો શેર કરતી વખતે કેપ્શનમાં લખ્યું છે, ‘આને બિઝનેસ કહેવાય’ અત્યાર સુધીમાં આ વીડિયોને 2 લાખ કરતાં પણ વધુ લોકો જોઈ ચૂક્યા છે. વીડિયો જોયા બાદ કેમેન્ટ કરતાં એક યુઝરે લખ્યું- ખૂબ સારું. અન્ય યુઝરે લખ્યું- નવો બિઝનેસ આઈડિયા.
આ પણ વાંચો : ચૂંટણી રંગોળી : કોંગ્રેસે શરૂ કર્યું ‘વન નોટ-વન વોટ’ અભિયાન, નેતાઓએ લોકો પાસેથી માંગ્યા 1-1 રૂપિયા
