કર્ણાટક વિધાનસભા ચૂંટણીના પરિણામો આવી ગયા છે. આ વખતે કોંગ્રેસે બમ્પર જીત મેળવી છે. રાજ્યમાં બહુમતનો આંકડો 113 છે અને કોંગ્રેસના 135 ઉમેદવારો ચૂંટણી જીત્યા છે. આ ચૂંટણીમાં ત્રણ નામોની સૌથી વધુ ચર્ચા થઈ રહી છે. પ્રથમ સિદ્ધારમૈયા, બીજા કર્ણાટક કોંગ્રેસના પ્રમુખ ડીકે શિવકુમાર અને ત્રીજા ચૂંટણી રણનીતિકાર સુનીલ કાનુગોલુ. તમે બે વિશે તો જાણતા જ હશો, પરંતુ આજે અમે જણાવીશું કે કોણ છે સુનીલ કાનુગોલુ ? તેમણે કર્ણાટકમાં કોંગ્રેસને કેવી રીતે જીત અપાવી ? આવો જાણીએ..
કોણ છે સુનીલ કાનુગોલુ ?
સુનીલ કાનુનગોલુનો જન્મ કર્ણાટકના બલ્લારી જિલ્લામાં થયો હતો. અહીંથી તેમણે માધ્યમિક શિક્ષણ પૂરું કર્યું. એક રિપોર્ટ અનુસાર, બલ્લારીથી તે પહેલા ચેન્નાઈ અને પછી બેંગ્લોર શિફ્ટ થયા. તેલુગુ ભાષી હોવા છતાં, કાનુગોલુના મૂળ કર્ણાટકમાં છે. પ્રશાંત કિશોરની જેમ સુનીલ પણ ચૂંટણીની રણનીતિ તૈયાર કરે છે. કોંગ્રેસ સાથે કામ કરતા પહેલા સુનીલે બીજેપી, ડીએમકે અને એઆઈએડીએમકે માટે કામ કર્યું છે. તે 2017 ના જલ્લીકટ્ટુ વિરોધ દરમિયાન તમિલ ગૌરવ અને દ્રવિડિયન મોડેલના પાસાઓ પાછળ પણ હતા, જેમણે DMK ને આક્રમક ભાજપનો સામનો કરવામાં મદદ કરી હતી.
આ પણ વાંચો : 62 લાખના જીરાની લૂંટના કેસમાં 2ની ધરપકડ, પોલીસે 540 બેગ રિકવર કરી
પ્રશાંત કિશોરે ગયા વર્ષે 26 એપ્રિલે કોંગ્રેસ પાર્ટીમાં જોડાવાની ઓફરને ફગાવી દીધી હતી. આ પછી કોંગ્રેસ અને પ્રશાંત કિશોરની વાત થઈ શકી નહીં. આ પછી સોનિયા ગાંધીએ પાર્ટીની ચૂંટણી રણનીતિ તૈયાર કરવા માટે સુનીલ કાનુગોલુને જવાબદારી સોંપી હતી. ગયા વર્ષે મે માં કાનુગોલુને ટાસ્ક ફોર્સ 2024ના સભ્ય તરીકે નિયુક્ત કરવામાં આવ્યા હતા. કાનુગોલુ ઉપરાંત પી ચિદમ્બરમ, મુકુલ વાસનિક, જયરામ રમેશ, કેસી વેણુગોપાલ, અજય માકન, પ્રિયંકા ગાંધી વાડ્રા અને રણદીપ સુરજેવાલા જેવા અગ્રણી નેતાઓને આ ટાસ્ક ફોર્સમાં સામેલ કરવામાં આવ્યા હતા. કહેવાય છે કે રાહુલ ગાંધીની ભારત જોડો યાત્રાનો આઈડિયા પણ કાનુગોલુએ જ આપ્યો હતો.
પહેલા હિમાચલમાં અને પછી કર્ણાટકમાં જીત
સુનીલ ગયા વર્ષે કોંગ્રેસમાં જોડાયા હતા. ત્યારથી તેઓ અનેક રાજ્યોમાં પાર્ટી માટે ચૂંટણીની રણનીતિ ઘડી રહ્યા છે. કર્ણાટકમાં સુનીલે ચૂંટણી પહેલા સર્વે, પછી ઉમેદવારોની પસંદગી, અન્ય પક્ષોમાંથી આવતા નેતાઓનો અભ્યાસ, મુદ્દાઓ અને ચૂંટણી પ્રચારની પદ્ધતિઓ પર કામ કર્યું હતું. સુનીલના નજીકના મિત્રોના જણાવ્યા અનુસાર, તે કર્ણાટક પહેલા હિમાચલ પ્રદેશમાં કામ કરતા હતા.
