પાકિસ્તાનના સમગ્ર અર્થતંત્ર કરતાં પણ મોટું કદ ધરાવે છે ભારતની આ એક કંપની

• ટાટા ગ્રૂપ હવે પાકિસ્તાનની સમગ્ર અર્થવ્યવસ્થા કરતાં કદમાં મોટું બની ગયું

નવી દિલ્હી, 19 ફેબ્રુઆરી: ટાટા ગ્રૂપ(Tata Group)ની માર્કેટ કેપિટલાઇઝેશન હવે પાકિસ્તાનની સમગ્ર અર્થવ્યવસ્થા કરતાં મોટી થઈ ગઈ છે કારણ કે ટાટા ગ્રૂપની ઘણી કંપનીઓએ એક વર્ષમાં જંગી વળતર પ્રાપ્ત કર્યુ છે. ટાટા ગ્રૂપનું માર્કેટ કેપિટલાઇઝેશન 365 બિલિયન ડોલર છે જ્યારે IMFએ પાકિસ્તાનની GDP લગભગ 341 બિલિયન ડોલર હોવાનો અંદાજ લગાવ્યો હતો. અલગથી ટાટા કન્સલ્ટન્સી સર્વિસિસ(Tata Consultancy Services) કે જેનું મૂલ્ય 170 બિલિયન ડોલર છે અને ભારતની બીજી સૌથી મોટી કંપની છે. તે પણ પાકિસ્તાનની અર્થવ્યવસ્થાના કદ કરતાં લગભગ અડધી છે.

⚡️⚡️Tata Group’s market value hits $365 billion, surpassing Pakistan’s entire GDP of $341 billion! pic.twitter.com/BX5t5ubohd

— Megh Updates 🚨™ (@MeghUpdates) February 19, 2024

ટાટા કંપનીઓ કેવું પ્રદર્શન કરી રહી છે?

છેલ્લા એક વર્ષમાં ટાટા મોટર્સ અને ટ્રેન્ટ (Tata Motors and Trent) તેમજ ટાઇટન, TCS અને ટાટા પાવરમાં જોવા મળેલી વળતરની રેલીને પરિણામે ટાટા ગ્રુપની માર્કેટ કેપમાં વધારો થયો છે. છેલ્લા એક વર્ષમાં ઓછામાં ઓછી 8 ટાટા કંપનીઓની સંપત્તિ બમણીથી વધુ થઈ છે.

તેમાં TRF, ટ્રેન્ટ, બનારસ હોટેલ્સ, ટાટા ઇન્વેસ્ટમેન્ટ કોર્પોરેશન, ટાટા મોટર્સ, ઓટોમોબાઇલ કોર્પોરેશન ઓફ ગોવા અને આર્ટસન એન્જિનિયરિંગનો સમાવેશ થાય છે. વધુમાં, ટાટા કેપિટલ કે જે આગામી વર્ષ સુધીમાં તેનો IPO લાવવાની છે, તેનું બજાર મૂલ્ય 2.7 લાખ કરોડનું છે.

પાકિસ્તાનની અર્થવ્યવસ્થા સતત સંઘર્ષ કરી રહી છે

પાકિસ્તાનની GDPમાં FY22માં 6.1%, FY21માં 5.8% અને FY23માં સંકોચાઈ જવાનો અંદાજ છે. પૂરને કારણે દેશમાં કુલ અબજો ડોલરનું ભારે નુકસાન થયું છે જે બાહ્ય દેવું અને જવાબદારીઓ પર 125 બિલિયન ડોલર સુધી પહોંચી છે કારણ કે તે જુલાઈથી શરૂ થતા બાહ્ય દેવાની ચૂકવણીના 25 બિલિયન ડોલરને પહોંચી વળવાનો પ્રયાસ કરે છે. ઇન્ટરનેશનલ મોનેટરી ફંડ (IMF) તરફથી તેનો $3 બિલિયન પ્રોગ્રામ પણ માર્ચમાં સમાપ્ત થઈ રહ્યો છે જ્યારે તેની વિદેશી હૂંડિયામણની અનામત $8 બિલિયન છે.

આ પણ જુઓ: પેટીએમએ એક્સિસ બેંક સાથે ભાગીદારી કરી, 15 માર્ચ પછી પણ સેવા ચાલુ રહેશે