આ જ છે અસલી પાકિસ્તાની માનસિકતાઃ જુઓ વીડિયો એ દેશનો સૈન્ય વડો શું કહે છે?
પાકિસ્તાન, 17 એપ્રિલ 2025 : પાકિસ્તાનના આર્મી ચીફ અસીમ મુનીરે ભારત વિરુદ્ધ ઝેર ઓક્યું છે. ઇસ્લામાબાદમાં વિદેશમાં રહેતા પાકિસ્તાની નાગરિકોને સંબોધતા, આસીમે ‘દ્વિ-રાષ્ટ્ર સિદ્ધાંત’નો ઉલ્લેખ કર્યો. આ દરમિયાન તેમણે ભારપૂર્વક જણાવ્યું કે પાકિસ્તાન અને ભારત બે અલગ અલગ દેશો છે. આ દરમિયાન તેમણે પાકિસ્તાની નાગરિકોને અપીલ કરી કે તેઓ તેમના બાળકોને ચોક્કસપણે જણાવે કે પાકિસ્તાન કેવી રીતે બન્યું. આસીમ મુનીરનો આ વીડિયો વધુને વધુ વાયરલ થઈ રહ્યો છે અને તેની ભારે ટીકા થઈ રહી છે. આ વીડિયોએ ફરી એકવાર પાકિસ્તાનનો અસલી ચહેરો ખુલ્લો પાડ્યો છે.
જનરલ મુનીરે બુધવારે વિદેશી પાકિસ્તાનીઓના એક સંમેલનમાં જણાવ્યું હતું કે,”આપણા પૂર્વજો માનતા હતા કે આપણે જીવનના દરેક પાસામાં હિન્દુઓથી અલગ છીએ. આપણો ધર્મ અલગ છે. આપણા રિવાજો અલગ છે. આપણી પરંપરાઓ અલગ છે. આપણા વિચારો અલગ છે. આપણી મહત્વાકાંક્ષાઓ અલગ છે. આ દ્વિરાષ્ટ્ર સિદ્ધાંતનો પાયો હતો. તે એવી માન્યતા પર આધારિત હતો કે આપણે એક નહીં પણ બે રાષ્ટ્ર છીએ,”
ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો
પાકિસ્તાનની સ્ટોરી ન ભૂલવા કરી અપીલ
મુનીરે પાકિસ્તાની વડા પ્રધાન શાહબાઝ શરીફની હાજરીમાં કહ્યું, “તમારે તમારાં બાળકોને આ વાત કહેવી જોઈએ જેથી તેઓ પાકિસ્તાનની સ્ટોરી ક્યારેય ન ભૂલે. આપણા પૂર્વજોએ વિશાળ બલિદાન આપ્યું છે અને આપણે પણ આ દેશ બનાવવા માટે ઘણું બલિદાન આપ્યું છે. મારા પ્રિય ભાઈઓ અને બહેનો, અને દીકરાઓ અને દીકરીઓ, કૃપા કરીને આ સ્ટોરી ભૂલશો નહીં.”
View this post on Instagram
જિન્નાએ ધર્મના આધારે પાકિસ્તાનનો પાયો નાખ્યો હતો.
1940ના દાયકામાં પાકિસ્તાનના સ્થાપક મુહમ્મદ અલી જિન્ના દ્વારા દ્વિ-રાષ્ટ્ર સિદ્ધાંતને સમર્થન આપવામાં આવ્યું હતું. આ મુજબ, મુસ્લિમ અને હિન્દુ અલગ અલગ રાષ્ટ્ર છે. આ આધારે, જિન્નાએ મુસ્લિમો માટે અલગ વતન માટેની જરૂરિયાતની હિમાયત કરી, જેના કારણે 1947માં ભારતના ભાગલા પડ્યા, જેનાથી લાખો લોકો પ્રભાવિત થયા અને લોહીની નદીઓ બની. આ પછી, મુસ્લિમ બહુમતી ધરાવતા ઇસ્લામિક રાજ્ય તરીકે પાકિસ્તાનનું નિર્માણ થયું .
જયશંકરે થોડા દિવસ પહેલા ઠપકો આપ્યો હતો
ભારતના વિદેશ મંત્રી એસ જયશંકરે થોડા દિવસો પહેલા આતંકવાદના મુદ્દા પર પાકિસ્તાનને ઠપકો આપ્યો હતો. તેમણે સ્પષ્ટ કર્યું હતું કે જ્યાં સુધી પાકિસ્તાનની ધરતીનો ઉપયોગ આતંકવાદ માટે થતો રહેશે ત્યાં સુધી ભારત સાથેના સંબંધો સુધરશે નહીં. આ સાથે જયશંકરે કહ્યું હતું કે પાકિસ્તાને ભારતના તે ભાગો ખાલી કરવા જોઈએ જેના પર તેણે ગેરકાયદેસર રીતે કબજો કર્યો છે.
બલૂચ બળવાખોરોને ચેતવણી
ઇસ્લામાબાદમાં એક કોન્ફરન્સમાં બોલતા, મુનીરે બલોચી બળવાખોરોને ચેતવણી પણ આપી અને તેમની સામે કાર્યવાહી કરવાની પ્રતિજ્ઞા લીધી. તેમણે કહ્યું કે “આતંકવાદીઓની દસ પેઢીઓ પણ બલુચિસ્તાન અને પાકિસ્તાનને નુકસાન પહોંચાડી શકશે નહીં.”
આ પણ વાંચો : સોનાએ લગાવી તોફાની છલાંગ તો ચાંદી પણ પહોંચી લાખાણી નજીક; જાણો આજની ચમક
