‘આ લોકશાહીની હત્યા છે…’ : ચંદીગઢ મેયરની ચૂંટણી પર CJIની આકરી ટિપ્પણી
નવી દિલ્હી, 5 ફેબ્રુઆરી: ચંદીગઢ મેયરની ચૂંટણીને(Chandigarh Mayor Election) લઈને ચાલી રહેલા વિવાદ પર સુપ્રીમ કોર્ટ(Supreme Court) તરફથી આકરી ટિપ્પણી આવી છે. CJI ચંદ્રચુડે કહ્યું છે કે આ ‘લોકશાહીની હત્યા’ છે. આ પ્રકારના મજાક ક્યારેય ચાલવી નહિ લેવાય. હકીકતમાં સુપ્રીમ કોર્ટમાં સુનાવણી દરમિયાન CJI રિટર્નિંગ ઓફિસર(Returning Officer) પર ગુસ્સે થયા હતા. કોર્ટમાં એક વીડિયો રજૂ કરવામાં આવ્યો હતો જેમાં સ્પષ્ટ દેખાઈ રહ્યું હતું કે રિટર્નિંગ ઓફિસર(Returning Officer) કથિત રીતે મતો રદ કરી રહ્યા છે. આ જ Videoના આધારે CJIએ નોટિસ જારી કરીને જવાબ માંગ્યો છે.
સુનાવણી દરમિયાન CJIએ રિટર્નિંગ ઓફિસરને ફટકાર લગાવતા કહ્યું કે બેલેટ પેપર સાથે ચેડાં કરવામાં આવ્યા હોવાનું સ્પષ્ટ દેખાઈ રહ્યું છે. તેમની સામે કેસ થવો જોઈએ. કેમ સતત કેમેરા સામે જોઈ રહ્યા છે, આ લોકશાહીની મજાક છે, આ હત્યા છે, અમને નવાઈ લાગે છે. શું રિટર્નિંગ ઓફિસરનું આવું વલણ સહન કરી શકાય? આ કહ્યા બાદ સુપ્રીમ કોર્ટે પણ હાઈકોર્ટ પર નારાજગી વ્યક્ત કરી હતી અને સ્પષ્ટ શબ્દોમાં કહ્યું હતું કે તેઓ ચૂંટણી યોગ્ય રીતે કરાવવામાં સક્ષમ નથી.
આ કેસમાં આગામી સુનાવણી આગામી સપ્તાહે સોમવારે 12 ફેબ્રુઆરીએ થશે. કોર્ટે આ કેસને લોકશાહીની હત્યા ગણાવી છે. સીજેઆઈએ રિટર્નિંગ ઓફિસરના વર્તન પર કહ્યું કે તેમની સામે કેસ નોંધવો જોઈએ. કોર્ટે પંજાબ અને હરિયાણા હાઈકોર્ટના રજિસ્ટ્રાર જનરલને તમામ રેકોર્ડ સુરક્ષિત રાખવા પણ કહ્યું છે.
BIG BREAKING
The Supreme Court has given belt treatment to presiding officer for Chandigarh mayor election🔥
Accepted that there was irregular counting of votes.“It is obvious that he defaced the ballot papers. Is this the way he conducts the elections? This is a mockery of… pic.twitter.com/jQ4pK4kYJq
— Amock (@Politics_2022_) February 5, 2024
ઉલ્લેખનીય છે કે, ચંદીગઢ મેયરની ચૂંટણીમાં ભાજપે ત્રણેય સીટો પર જીત મેળવી હતી. પાર્ટી તરફથી એવું દર્શાવવામાં આવ્યું હતું કે આ ભારત ગઠબંધનની હાર છે કારણ કે કોંગ્રેસ અને આમ આદમી પાર્ટીએ સાથે મળીને ચૂંટણી લડી હતી. પરંતુ AAPનો આરોપ હતો કે મતો સાથે છેડછાડ કરવામાં આવી હતી અને ઓછા મતો મળવા છતાં ભાજપ જીતી ગયું હતું.
Chandigarh mayoral polls: Supreme Court slams Returning Officer who held the Chandigarh Mayor elections and says it is obvious that Returning Officer has defaced the ballot papers.
Supreme Court says, “Is this the way he conducts the elections? This is a mockery of democracy.… pic.twitter.com/vrAhb8Hag9
— Gagandeep Singh (@Gagan4344) February 5, 2024
આ મામલે આમ આદમી પાર્ટી (AAP)ના કાઉન્સિલરે સુપ્રીમ કોર્ટમાં અરજી દાખલ કરી હતી. આ મામલે આમ આદમી પાર્ટીના સંયોજક અને દિલ્હીના મુખ્યમંત્રી અરવિંદ કેજરીવાલે પણ ભાજપ પર વોટ ચોરી કરવાનો આરોપ લગાવ્યો હતો. રિટર્નિંગ ઓફિસર પર ચંદીગઢ મેયરની ચૂંટણીમાં પેનનો ઉપયોગ કરીને છેડછાડ કરવાનો આરોપ છે. તાજેતરમાં તેનો વીડિયો પણ વાયરલ થયો હતો. ભાજપના ઉમેદવાર મનોજ કુમાર સોનકરે મેયરની ચૂંટણી જીતી લીધી છે. જ્યારે AAP ઉમેદવાર કુલદીપ કુમારને માત્ર 12 મત મળ્યા હતા. આઠ મત નકારાયા બાદ કોંગ્રેસ-આપ ગઠબંધનનો પરાજય થયો હતો. આ હાર બાદથી સતત હોબાળો ચાલી રહ્યો છે.
શું છે સમગ્ર મામલો?
આમ આદમી પાર્ટી (AAP)એ ચંડીગઢ મેયરની ચૂંટણીમાં ધાંધલધમાલનો આરોપ લગાવ્યો હતો. તેના ઘણા કાઉન્સિલરો તાજેતરમાં રસ્તા પર ઉતરી આવ્યા હતા. આરોપ છે કે કોંગ્રેસ ગઠબંધન પાસે 20 મત હતા, જ્યારે ભાજપ પાસે 16 મત હતા, તેમ છતાં આમ આદમી પાર્ટી અને કોંગ્રેસના ગઠબંધનના આઠ મત અમાન્ય જાહેર કરવામાં આવ્યા હતા. આ પછી ભાજપના મેયર ઉમેદવારને 16 મતોથી વિજેતા જાહેર કરવામાં આવ્યા હતા.
