આ છે સૌથી સંપન્ન નક્ષત્રઃ તેમાં જન્મેલા લોકોની આર્થિક સ્થિતિ રહે છે સદ્ધર

• ખગોળીય પિંડ વૈદિક જ્યોતિષનો એક ભાગ
• નક્ષત્રોની આપણા જીવનને આકાર આપવામાં મહત્ત્વની ભૂમિકા
• નક્ષત્ર વ્યક્તિના જીવનમાં સમૃદ્ધિને કરે છે પ્રભાવિત

જ્યોતિષ શાસ્ત્ર અનુસાર નક્ષત્રો આપણા જીવનને આકાર આપવામાં મહત્ત્વની ભૂમિકા ભજવે છે. ખગોળીય પિંડ વૈદિક જ્યોતિષનો એક ભાગ છે. એવી માન્યતા છે કે નક્ષત્ર વ્યક્તિના જીવનમાં ધન અને સમૃદ્ધિ સહિત અનેક પહેલુઓને પ્રભાવિત કરે છે. જાણો સૌથી સંપન્ન સાત નક્ષત્ર વિશે…

રોહિણી

રોહિણી. ચોથુ નક્ષત્ર છે. તેનું ચંદ્રમા પર શાસન છે. આ નક્ષત્રમાં જન્મેલા વ્યક્તિની આર્થિક સ્થિતિ સારી રહે છે. આવા લોકોને ઉંડી વ્યાવસાયિક સમજના આશીર્વાદ મળે છે. આ નક્ષત્રમાં જન્મેલા વ્યક્તિમાં ધનની બચત કરવાની અને જીવનના તમામ પહેલુઓનો ભરપુર આનંદ લેવાની ક્ષમતા હોય છે.

ઉત્તરાભાદ્રપદ

આ છવ્વીસમું નક્ષત્ર છે. આ નક્ષત્રનો સ્વામી ગ્રહ શનિ છે. તેને અનુશાસન અને દ્રઢતાનો ગ્રહ માનવામાં આવે છે. આ નક્ષત્રમાં જન્મેલા વ્યક્તિઓનું ફાઇનાન્સિયલ પ્લાનિંગ અદ્ભુત હોય છે. પૈસાને સમજી વિચારીને ખર્ચ કરવાની તેમની ક્ષમતા પણ ખૂબ સારી હોય છે. ઉત્તરાભાદ્રપદમાં જન્મેલા લોકોનો દ્રઢ સંકલ્પ અને ધૈર્ય તેમને ફાયનાન્સિયલ સિક્યોરિટી પ્રાપ્ત કરવા માટે પ્રોત્સાહિત કરે છે.

રેવતી

રેવતી સત્યાવીસમું નક્ષત્ર છે. આ નક્ષત્રનો સ્વામી ગ્રહ બુધ છે. આ નક્ષત્રમાં જન્મેલા લોકો ઉદાર ભાવનાવાળા હોય છે અને તેમનામાં પરિસ્થિતિઓ અનુસાર ઢળવાની અદ્ભુત ક્ષમતા હોય છે. તેમને આવકના અનેક સ્ત્રોતોથી ધનલાભ થાય છે. તેમની ઉદારતાા હંમેશા આર્થિક સમૃદ્ધિને આકર્ષે છે.

હસ્ત

હસ્ત તેરમું નક્ષત્ર છે. આ નક્ષત્રનો સ્વામી ગ્રહ પણ ચંદ્રમા છે. હસ્ત નક્ષત્રમાં જન્મેલા લોકો વેપારના ક્ષેત્રમાં પ્રતિભાશાળી હોય છે અને સારા આર્થિક નિર્ણયો લેવામાં સક્ષમ હોય છે. તેના કારણે પર્યાપ્ત ધનની બચત થાય છે અને આવા જાતકો આર્થિક રીતે સમૃદ્ધ પણ રહે છે.

પૂર્વ ફાલ્ગુની

આ અગિયારમું નક્ષત્ર છે. તેનો સ્વામી ગ્રહ શુક્ર છે. તેને ઐશ્વર્ય અને આનંદનો ગ્રહ માનવામાં આવે છે. આ નક્ષત્રમાં જન્મેલી વ્યક્તિનું જીવન ભૌતિક સુખ-સુવિધાઓની સાથે વીતે છે. આ નક્ષત્રના લોકો પોતાના આકર્ષક વ્યક્તિત્વ માટે જાણીતા છે. તેઓ આકર્ષક અવસરોથી આર્થિક સફળતાના દ્વાર ખોલે છે.

પુર્વ અષાઢ

પુર્વ અષાઢ વીસમું નક્ષત્ર છે. તેનો સ્વામી ગ્રહ શુક્ર છે, તે પડકારો અને બાધાઓ પર વિજયનું પ્રતિક છે. આ નક્ષત્રમાં જન્મેલા લોકોને આર્થિક સફળતા મેળવવાની ખૂબ ઇચ્છા હોય છે અને પોતાના દ્રઢ સંકલ્પ અને લગનથી પૈસાની તંગીને દુર કરવામાં જીત મેળવે છે.

પુષ્ય

આ આઠમું નક્ષત્ર છે. તેનો સ્વામી ગ્રહ શનિ છે. પુષ્ય નક્ષત્રમાં જન્મેલા લોકો પોતાના જવાબદાર સ્વભાવ માટે જાણીતા છે. પોતાના પ્રિયજનો માટે તેઓ સહાયક અને સુરક્ષિત માહોલ બનાવવાની ક્ષમતા ધરાવે છે. આ બાબત તેમને હંમેશા સમૃદ્ધિ અને સંપન્નતા તરફ લઇ જાય છે.

આ પણ વાંચોઃ આ વસ્તુઓ છે ઇમ્યુનિટીની દુશ્મન, આજે જ છોડી દો