ગુજરાત કઇ આમ જ દેશમાં રોલ મોડલ રાજ્ય તરીકે જોવામાં નથી આવતું, ફક્ત વેપાર અને ધંધામાં કે ખાવપીવા અને હરવાફરવામાં જ ગુજરાતી અવ્વલ છે તેવું નથી. ગુજરાત પોતાના માટે આપેલા દરેક બલિદાન અને બલિદાન આપનારને હંમેશા યાદ રાખતું અને બિરદાવતુ હતુંં, બિરદાવે છે અને બિરદાવતું રહશે. આ વાતની પુષ્ટી કરવા માટે એક જ સવાલ કોઇ પણને પુછવો પડે અને તે છે, શું તમે દેશ-દુનિયામાં કયાય પણ કોઇ શહીદ પ્રાણી કે પક્ષીનું સ્મારક જોયું છે ?
શહીદોના સ્મારક જોયા હશે, પાળિયાઓ જોયા હશે, ખાંભી જોઈ હશે. પરંતુ ક્યારેય સાંભળ્યું છે કે ચકલીનું સ્મારક હોય, એ પણ શહીદ ચકલીનું? તમે નહીં માનો પણ સંવેદનશીલ ગુજરાતમાં આવું પણ એક સ્મારક ખરેખર છે. જી હાં, એક ચકલી જે પોલીસ ફાયરિંગમાં શહીદ થઈ હતી, તેનું સ્મારક ગુજરાતનાં અમદાવાદનાં આસ્ટોડિયા વિસ્તારની ઢાળની પોળમાં આજે પણ આવેલુ છે.
તમને સવાલ એ થશે કે એક નાનકડી ચકલી કઈ રીતે શહીદ થઈ. પક્ષીઓ તો નાનકડા અવાજથી પણ ઉડી જતા હોય છે, તો ચકલીને ગોળી કેવી રીતે વાગી ? ચાલો જાણી લઈએ આખી વાત.
લોકવાયકા મુજબ, ચકલીના મૃત્યુ પછી, સ્થાનિક રહેવાસીઓએ પોલીસ પાસે અંતિમયાત્રા કાઢવાની પરવાનગી માંગી હતી. અને બાદમાં તે જ્યાં મૃત્યુ પામી હતી, તે સ્થળની નજીક તકતી સાથે સ્મારકનો પાયો નાખીને પક્ષીને શ્રદ્ધાંજલિ આપી હતી. અત્યારે પણ આજુબાજુના લોકો પક્ષીના સ્મરણાર્થે સ્થળ પર પક્ષીઓનો ખોરાક અને તેલનો દીવો રાખે છે.
