આ હિલ સ્ટેશન પર છે ચુંબકીય પહાડ, જે માણસોને ખેંચે છે પોતાની તરફ: નાસાનો દાવો
ઉત્તરાખંડ, 16 ઓગસ્ટ: ઉત્તરાખંડના અલમોડાથી 8 કિલોમીટર દૂર કસારદેવી વિસ્તાર આવેલો છે, જેની બરાબર સામે હિમાલય જોઈ શકાય છે. કસારદેવીમાં ચુંબકીય શક્તિનું રહસ્ય હોવાનું કહેવાય છે જે શક્તિ લોકોને પોતાની તરફ ખેંચે છે. સ્વામી વિવેકાનંદ સહિત ઘણા મહાપુરુષો અને વિદેશીઓએ પણ કસારદેવીમાં ધ્યાન કર્યું હતું. કસારદેવીને માઁ કાત્યાયનીના રૂપ તરીકે પૂજવામાં આવે છે. અહીં લોકો પહાડોમાં ચુંબકીય શક્તિ હોવાનો અનુભવ કરે છે. લોકોને લાગે છે કે, પર્વતો તેમને પોતાની તરફ ખેંચી રહ્યા છે. નાસાના વૈજ્ઞાનિકોએ પણ દાવો કર્યો હતો કે, કસારદેવી વિસ્તારમાં ચુંબકીય શક્તિ છે, જેના પર ઘણા મહાપુરુષો અને પ્રવાસીઓએ મહોર લગાવી છે. અહીં માત્ર દેશમાંથી જ નહીં પરંતુ વિદેશથી પણ મોટી સંખ્યામાં લોકો આવે છે.
હિલ સ્ટેશન પર સ્વામી વિવેકાનંદ સહિત દેશ-વિદેશના લોકોએ યોગ ધ્યાન કર્યું
હકીકતમાં, સ્વામી વિવેકાનંદે 1890માં કસારદેવીમાં ધ્યાન કર્યું હતું. આ પછી, કસારદેવી એટલી પ્રખ્યાત થઈ ગઈ કે વોલ્ટર ઈવાન્સ વિંટેજ, તિબેટીયન બૌદ્ધ લામા અનાગારિક ગોવિંદ જેવા ડઝનેક લોકો અહીં આવ્યા અને યોગ ધ્યાન કર્યું. આજે પણ દેશ અને દુનિયામાંથી લોકો અહીં શાંતિ માટે આવે છે અને ઘણા કલાકો મંદિરની આસપાસ વિતાવે છે. કથક નૃત્ય કરનાર અશોક સિંઘ પણ એક સપ્તાહથી અલમોડામાં છે અને કસારદેવી વિસ્તારમાં કથક નૃત્યની સાથે યોગાભ્યાસ કરીને સફળતા માટે પ્રાર્થના કરી રહ્યા છે.
સમગ્ર વર્ષ દરમિયાન કસારદેવી વિસ્તારમાં માત્ર સ્થાનિક જ નહીં પરંતુ વિદેશી પ્રવાસીઓ પણ યોગાભ્યાસ કરે છે, જેના કારણે આ વિસ્તાર પ્રવૃત્તિથી ધમધમતો રહે છે અને સ્થાનિક લોકોને રોજગારી પણ મળે છે. યોગ અને ધ્યાન કરતા પ્રવાસીઓ અહીં ચુંબકીય શક્તિની હાજરી અનુભવે છે. રાજ્ય સરકાર કસારદેવી વિસ્તારને માનસખંડ સર્કિટમાં વિકસાવવા અને રસ્તાઓના વિકાસની સાથે સારી સુવિધાઓ પૂરી પાડવા માટે પણ વ્યસ્ત છે.
નાસાનો શું છે દાવો?
નાસાના વૈજ્ઞાનિકોએ પણ કસારદેવી વિસ્તારમાં ચુંબકીય શક્તિ હોવાનો દાવો કર્યો હતો, જેની પુષ્ટિ અનેક મહાપુરુષો અને પ્રવાસીઓએ કરી છે. જો તમે પણ ઉનાળામાં કસારદેવી વિસ્તારમાં ધ્યાન અને યોગ કરો છો, તો તમે પણ નવી ઉર્જાનો અનુભવ કરશો. માત્ર સ્થાનિક જ નહીં પરંતુ વિદેશી પ્રવાસીઓ પણ આ યોગાભ્યાસ ઘણા દિવસો સુધી કરે છે. હવે માનસખંડ સર્કિટના નિર્માણથી સમગ્ર વર્ષ દરમિયાન દેશી-વિદેશી પ્રવાસીઓનો ધસારો રહેશે.
આ પણ જૂઓ: દુનિયાના સૌથી સુરક્ષિત શહેર તરીકે બાજી મારી, ટોપ 20ની યાદીમાંથી ભારત બહાર
