‘સિકંદર’માં રશ્મિકા બાદ સાઉથની આ મોટી અભિનેત્રીની એન્ટ્રી, ફિલ્મના સેટ પરનો ફોટો વાયરલ

• સલમાન ખાનના ચાહકો તેની ફિલ્મોની આતુરતાથી રાહ જોતા હોય છે અને ચાહકો તેને અપેક્ષા કરતાં વધુ સારી ઓપનિંગ આપવામાં કોઈ કસર છોડતા નથી

મુંબઈ, 10 સપ્ટેમ્બર: સલમાન ખાન ફિલ્મ ઈન્ડસ્ટ્રીનો એવો એક્ટર છે, જેની ફિલ્મો ભલે ચાલે કે ન ચાલે, પરંતુ તેનો સ્વેગ હંમેશા ટોચ પર રહે છે. કોઈપણ અભિનેતાની ફિલ્મની જાહેરાત થતાની સાથે જ તેને સોશિયલ મીડિયા પર વાયરલ થવામાં સમય લાગતો નથી. આ દિવસોમાં અભિનેતા બે બાબતોને કારણે ચર્ચામાં છે, જેમાંથી એક તેની ફિલ્મ ‘સિકંદર’ છે. આ ફિલ્મમાં સલમાન ખાનની સાથે રશ્મિકા મંદાના પણ જોવા મળશે. ત્યારે હવે વધુ એક અભિનેત્રીની આ ફિલ્મમાં એન્ટ્રીની ચર્ચા એ જોર પકડયું છે. તેનો ફિલ્મ સેટ પરનો એક ફોટો વાયરલ થઈ રહ્યો છે. જેના પરથી તેનું આ ફિલ્મમાં સ્થાન નિશ્ચિત હોવાનું કહેવામાં આવી રહ્યું છે.

દબંગ ખાન તરીકે ઓળખાતા બોલિવૂડ એક્ટર સલમાન ખાનના ચાહકો તેની ફિલ્મોની આતુરતાથી રાહ જોતા હોય છે.  ચાહકો તેને અપેક્ષા કરતાં વધુ સારી ઓપનિંગ આપવામાં કોઈ કસર છોડતા નથી. ત્યારે એ.આર. મુરુગાદાસના નિર્દેશનમાં બની રહેલી ‘સિકંદર’માં સલમાન ખાન એક એવા વ્યક્તિની ભૂમિકા ભજવશે જે ખોટા સાથે ખોટું અને સાચા સાથે સાચુ કરે છે. તે ભ્રષ્ટાચાર જેવી બાબતોની વિરુદ્ધ છે અને તેમાં સામેલ લોકો સાથે સારી રીતે કેવી રીતે વ્યવહાર કરવો તે જાણે છે. એટલે કે સિકંદર ફિલ્મમાં એક્શનનો ફુલ ડોઝ જોવા મળશે.

રશ્મિકા બાદ વધુ એક અભિનેત્રીનું સ્થાન નિશ્ચિત થયું

તાજેતરમાં, સલમાન ખાનના મિત્ર અને ‘ટાઈગર ઝિંદા હૈ’માં તેની સાથે કામ કરી ચૂકેલા અભિનેતા નવાબ શાહ પણ સામેલ હોવાની ચર્ચા થઈ રહી છે.  તેમણે પોતે સોશિયલ મીડિયા પર ફોટો શેર કરીને આ વાતની પુષ્ટિ કરી છે. ફિલ્મમાં રશ્મિકા મંદાનાની એન્ટ્રી પણ પહેલાથી જ કન્ફર્મ હતી. તે જ સમયે, હવે સલમાન ખાનની ફિલ્મમાં વધુ એક દક્ષિણ ભારતીય અભિનેત્રીની એન્ટ્રી કન્ફર્મ હોવાનું કહેવાય છે.

બોલિવૂડ હંગામાના અહેવાલ મુજબ, કાજલ અગ્રવાલને ફિલ્મ ‘સિકંદર’ની કાસ્ટમાં સામેલ કરવામાં આવી છે. તે કઈ ભૂમિકા ભજવશે તે અંગે કોઈ માહિતી નથી, પરંતુ તેણીની એન્ટ્રી કન્ફર્મ હોવાનું કહેવાય છે. અભિનેત્રીએ એકવાર સલમાન ખાન સાથે કામ કરવાની ઈચ્છા વ્યક્ત કરી હતી. રશ્મિકા અને કાજલ ઉપરાંત સિકંદર ફિલ્મમાં ‘કટપ્પા’ એટલે કે સત્યરાજ અને પ્રતિક બબ્બર પણ જોવા મળશે. પ્રતિક ફિલ્મમાં નેગેટિવ શેડનું પાત્ર ભજવશે. સિકંદર ફિલ્મ ઈદ 2025માં રિલીઝ થશે.

આ પણ જૂઓ: ​​​​​​​દીપિકા-રણવીરની દીકરીને આશીર્વાદ આપવા પહોંચ્યા મુકેશ અંબાણી, જુઓ વીડિયો