‘ભૂલ ભુલૈયા 3’ સારા-કિયારા પાસેથી છીનવી લીધી? કાર્તિક આર્યન સાથે આ એકટ્રેસની જોડી

03 ફેબ્રુઆરી, 2024: બોલિવૂડ એક્ટર કાર્તિક આર્યન એ ‘ભૂલ ભુલૈયા’ ફ્રેન્ચાઈઝીના બીજા ભાગમાં પોતાના કામથી બધાના દિલ જીતી લીધા.હવે, તે ફિલ્મના ત્રીજા ભાગને લઈને ચર્ચાનો ભાગ બની છે. છેલ્લા કેટલાક દિવસોથી ‘ભૂલ ભુલૈયા 3’ની લીડ એક્ટ્રેસને લઈને ઘણી ચર્ચા થઈ રહી છે. ‘ભૂલ ભૂલૈયા 3’ આ વર્ષે માર્ચ મહિનામાં ફ્લોર પર જશે. હોરર-કોમેડી ફિલ્મની મુખ્ય અભિનેત્રીને લઈને ઘણા સમયથી અટકળો ચાલી રહી છે.

‘ભૂલ ભુલૈયા 2’માં કિયારા અડવાણી કાર્તિક આર્યન સાથે લીડ રોલમાં જોવા મળી હતી. આ ફિલ્મ માટે સારા અલી ખાનનું નામ પણ તાજેતરમાં સામે આવ્યું હતું. પરંતુ લેટેસ્ટ રિપોર્ટ અનુસાર, સારા કે કિયારામાંથી કોઈને આ ફિલ્મ મળી નથી. માહિતી અનુસાર, ‘ભૂલ ભૂલૈયા 3’ માટે શર્વરી વાઘ સાથે વાતચીત ચાલી રહી છે. માનવામાં આવે છે કે શર્વરી વાઘ આ ફિલ્મમાં કાર્તિક સાથે લીડ રોલમાં જોવા મળી શકે છે.

રિપોર્ટ્સનું માનીએ તો શર્વરી વાઘે ફિલ્મ માટે લુક ટેસ્ટ પણ આપ્યો છે. અનીસ બઝમી ‘ભૂલ ભૂલૈયા 3’નું નિર્દેશન કરવા જઈ રહ્યા છે, તેમણે ફિલ્મના બીજા ભાગનું પણ નિર્દેશન કર્યું હતું. કાર્તિક આર્યન એ રૂહ બાબા બનીને બધાનું દિલ જીતી લીધું હતું. ‘ભૂલ ભૂલૈયા’માં અક્ષય કુમારે જે લેવલ સેટ કર્યું છે તે જોઈને એવું કહેવામાં આવી રહ્યું હતું કે કાર્તિક માટે બીજો ભાગ મુશ્કેલ બની શકે છે. પરંતુ કાર્તકીએ પોતાના કામથી બધાના દિલ જીતી લીધા હતા.

ફિલ્મ ‘ભૂલ ભુલૈયા 3’ માટે મેકર્સ ખૂબ જ ઉત્સાહિત છે. તેમને પૂરી આશા છે કે ‘ભૂલ ભુલૈયા 3’ને પણ પહેલા જીતનો પ્રેમ મળશે. પરંતુ આ વખતે તે દર્શકો માટે કંઈક અલગ જ પ્લાન કરી રહ્યો છે. જેના કારણે આશા રાખવામાં આવે છે કે ફિલ્મની વાર્તા સંપૂર્ણપણે નવી હોઈ શકે છે.