ડિસેમ્બરમાં ફેમિલી સાથે ફરવા માટે આ સાત જગ્યા છે બેસ્ટ

• ડિસેમ્બરમાં ફરવા માટે કોઈ આયોજન કરી રહ્યા હો તો પહેલા એક નજર આ જગ્યાઓ પર ફેરવી લો. ઠંડીમાં ફરવા માટે આ જગ્યાઓ બેસ્ટ છે

HD ન્યુઝ ડેસ્કઃ શિયાળાની ઋતુ પ્રવાસ માટે દરેક વ્યક્તિને ખૂબ જ પ્રિય હોય છે. ઘણા લોકો ડિસેમ્બર મહિનામાં મળતી રજાઓનો ઘણા લોકો દેશના અલગ અલગ ભાગમાં ફરવા માટે ઉપયોગ કરતા હોય છે. અહીં એવા જ કેટલાક પ્રખ્યાત સ્થળો છે, જેની ઓછા બજેટમાં અને ડિસેમ્બરની રજાઓ તેમજ ઠંડકમાં કોઈ ચિંતા વગર મુલાકાત લઈ શકાય છે. તમે તમારા પરિવાર સાથે આ સ્થળોની મુલાકાત લઈને યાદગાર સમય પસાર કરી શકો છો. ડિસેમ્બર મહિનામાં થોડી વધુ રજા આવતી હોય છે. કેટલાક લોકોને ક્રિસમસ વેકેશન પણ મળતું હોય છે. તો આવા સમયે તમે ભારતની ઘણી સુંદર જગ્યાઓએ ફરવા જઈ શકો છો.

ડિસેમ્બરમાં ફરવાલાયક 7 સ્થળો

ગોવા

ગોવા ભારતના સૌથી લોકપ્રિય પ્રવાસન સ્થળોમાંનું એક છે. ડિસેમ્બરમાં અહીંનું હવામાન ખૂબ જ ખુશનુમા હોય છે અને દરિયાકિનારા પર ભીડ ઓછી હોય છે. તમે અહીં બીચ પર સૂઈ શકો છો અને સૂર્યના કિરણોનો આનંદ લઈ શકો છો, વોટર સ્પોર્ટ્સ રમી શકો છો અને સ્થાનિક ભોજનનો સ્વાદ માણી શકો છો.

મનાલી

હિમાચલ પ્રદેશનું આ સુંદર હિલ સ્ટેશન શિયાળામાં બરફથી ઢંકાયેલું હોય છે. અહીં તમે સ્કીઈંગ, ટ્રેકિંગ અને અન્ય એડવેન્ચર એક્ટિવિટીનો આનંદ માણી શકો છો. મનાલીની આસપાસ ઘણા સુંદર તળાવો અને મંદિરો છે, જેની તમે મુલાકાત લઈ શકો છો.

HD ન્યુઝના વોટ્સએપ ગ્રુપમાં જોડાવા માટે ક્લિક કરોઃ 

https://chat.whatsapp.com/C9CO8rDNph0IwQeN82T0Zy

ઔલી

ઉત્તરાખંડનું આ હિલ સ્ટેશન સ્કીઈંગ માટે ખૂબ જ પ્રખ્યાત છે. અહીં તમે બરફથી ઢંકાયેલા પહાડોની વચ્ચે સ્કીઈંગનો આનંદ માણી શકો છો. ઔલીની આસપાસ ઘણા સુંદર વ્યૂ પોઈન્ટ છે જ્યાંથી તમે હિમાલયના શિખરો નિહાળી શકો છો.

જેસલમેર

રાજસ્થાનનું આ સોનેરી શહેર તેના કિલ્લાઓ અને હવેલીઓ માટે જાણીતું છે. જેસલમેરનો કિલ્લો યુનેસ્કોની વર્લ્ડ હેરિટેજ સાઇટમાં સામેલ છે. અહીં તમે કેમલ સફારી પર જઈ શકો છો અને થાર રણના સુંદર નજારાનો આનંદ લઈ શકો છો.

કેરળ

કેરળને ‘ભગવાનનો પોતાનો દેશ’ પણ કહેવામાં આવે છે. અહીં તમે હાઉસબોટમાં પ્રવાસ કરી શકો છો, આયુર્વેદિક મસાજ લઈ શકો છો અને સ્થાનિક ભોજનનો સ્વાદ માણી શકો છો. કેરળના બેકવોટર અને બીચ ખૂબ જ સુંદર છે.

શિલોંગ

મેઘાલયની રાજધાની શિલોંગને
‘ભારતનું સ્કોટલેન્ડ’ પણ કહેવામાં આવે છે. અહીંનું હવામાન ખૂબ જ ખુશનુમા છે અને અહીંના લોકો મહેમાનને ભગવાન માને છે. તમે અહીં સ્થાનિક બજારોમાં ખરીદી કરવા જઈ શકો છો અને સ્થાનિક ભોજનનો સ્વાદ પણ માણી શકો છો.

આંદામાન અને નિકોબાર ટાપુઓ

આંદામાન અને નિકોબાર ટાપુઓ ભારતનો કેન્દ્રશાસિત પ્રદેશ છે. અહીં તમે દરિયાકિનારા પર સૂઈ શકો છો અને સૂર્યના કિરણોનો આનંદ લઈ શકો છો, સ્નોર્કલિંગ અને ડાઈવિંગ કરી શકો છો અને સ્થાનિક આદિવાસીઓ વિશે જાણી શકો છો.

આ પણ વાંચોઃ Best Photography Spots: ફોટોગ્રાફીના શોખીનો માટે સ્વર્ગ સમાન છે હિમાચલ પ્રદેશની આ જગ્યાઓ