ઘરમાં આર્થિક તંગીના કારણ ક્યાંક કોઇ વાસ્તુ દોષ તો નથી ને?

• કેટલાક ઘરોમાં આર્થિક તંગી સતત ચાલુ રહે છે
• પતિ-પત્ની બંને કમાતા હોય છે, તો પણ ઘરની સ્થિતિ સુધરતી નથી
• ઘરમાં હાજર વાસ્તુ દોષ આર્થિક સંકટનું કારણ બની શકે છે

ઘણી વખત એવું બને છે કે કેટલાક ઘરોમાં આર્થિક તંગી સતત ચાલુ રહે છે. પતિ-પત્ની બંને કમાતા હોય છે, તો પણ ઘરની આર્થિક તંગી ખતમ થવાનું નામ નથી લેતી. નકામી વસ્તુઓ પર પૈસા ખર્ચાય છે અને તમે ઈચ્છો તો પણ પૈસા બચાવી શકતા નથી. વાસ્તુશાસ્ત્રના નિયમો અનુસાર તમારા ઘરમાં હાજર વાસ્તુ દોષ આર્થિક સંકટનું કારણ બની શકે છે. આજે જાણો એવા કેટલાક વાસ્તુ દોષ વિશે જેને તમે પણ તેને ચેક કરીને દૂર કરી શકો.

બેડરૂમમાં બેડની સામે જ અરીસો

બેડરૂમમાં બેડની સામે અરીસો રાખવો વાસ્તુદોષ માનવામાં આવે છે. વાસ્તુ દોષનું આ એક મોટું કારણ છે. જો તમારા ઘરમાં પણ આવું છે, તો હવે તેને બદલી નાખો. આવા ઘરોમાં ઘણીવાર પતિ-પત્ની વચ્ચે ઝઘડો થાય છે અને સુખ-શાંતિનો અભાવ જોવા મળે છે. ભૂલથી પણ બેડની સામે અરીસો ન લગાવવો. જો તેને દૂર કરવું શક્ય ન હોય તો તેને ઢાંકી દો.

રસોડામાં ગેસ સ્ટવ અને પાણીનો સ્ત્રોત એક જ દિશામાં

જો તમારા ઘરના રસોડામાં ગેસ સ્ટવ અને પાણીનો સ્ત્રોત એક જ દિશામાં હોય તો તે પણ એક મોટો વાસ્તુ દોષ છે. તેને તરત જ ઠીક કરો. રસોડામાં ગેસ સ્ટવ દક્ષિણ દિશામાં રાખવો શ્રેષ્ઠ માનવામાં આવે છે. આ દિશામાં રાખવાથી પરસ્પર સંબંધો મધુર રહે છે અને ધનની કમી નથી રહેતી.

ઘરના દરવાજા અને બારીઓ તૂટેલા હોવા

જો તમારા ઘરની બારી અને દરવાજા તૂટેલા હોય અથવા તેમાંથી અવાજ આવે તો તેને વાસ્તુ દોષ માનવામાં આવે છે. તેને યોગ્ય કરાવો. બારી-દરવાજામાંથી આવતા કોઈપણ પ્રકારના અવાજથી નકારાત્મક ઉર્જા ઉત્પન્ન થાય છે. એટલા માટે સમયાંતરે તેમાં તેલ નાખતા રહો જેથી અવાજ ન આવે.

ઘરની મધ્ય ભાગમાં ભારે વસ્તુઓ

જો તમારા ઘરની વચ્ચે કોઈ ભારે વસ્તુ રાખવામાં આવ્યો હોય તો તેને તરત જ દૂર કરો. જ્યારે આવું થાય છે, ત્યારે પરિવારના માથા પર દેવાનો બોજ રહે છે અને તેને ક્યારેય રાહત મળતી નથી. ભૂલથી પણ ઘરની વચ્ચે ભારે સામાન ન રાખો. તે ઘરમાં સકારાત્મક ઉર્જાનો પ્રવાહ પણ અવરોધે છે.

મુખ્ય દ્વાર સામે કોઇ અવરોધ ન હોવો જોઇએ

ઘરમાં સકારાત્મક ઉર્જાનો સંચાર થાય તે માટે મુખ્ય દરવાજો સ્વચ્છ અને વ્યવસ્થિત હોવો ખૂબ જ મહત્વપૂર્ણ માનવામાં આવે છે. ધ્યાન રાખો કે મુખ્ય દરવાજાની સામે કોઈ મોટું ઝાડ કે કોઈ મોટો થાંભલો કે અન્ય કોઈ પ્રકારનો અવરોધ ન હોવો જોઈએ. જેના કારણે માતા લક્ષ્મી ગુસ્સે થઈને તમારા ઘરથી દૂર ચાલ્યા જાય છે.

આ પણ વાંચોઃ જવાનનો ક્રેઝ: વિદેશમાં પણ એડવાન્સ બુકીંગ ભારે, રિલીઝ પહેલાં જ કરી અધ્ધત કમાણી