કોઇ શર્ત હોતી નહીં પ્યાર મેઃ આ રીતે ઓળખો Unconditional Loveને
- તમે કોઇ પણ વ્યક્તિની ખુશી માટે કંઇ પણ કરવા તૈયાર હો તો તે છે અનકન્ડીશનલ લવ
- જો તમે પ્રેમમાં દેખાડો નથી કરતા તો તે છે અનકન્ડીશનલ લવ
- તમે એક જવાબદાર વ્યક્તિ બનો છો તો તે છે અનકન્ડીશનલ લવ
અનકન્ડીશન લવને જો આપણે સાફ શબ્દોમાં સમજવાની કોશિશ કરીએ તો તેનો અર્થ છે કોઇ પણ શરતો વગરનો અને સાચો પ્રેમ. પ્રેમમાં ખરેખર કોઇ શરતો હોતી નથી. પ્રેમ તો બસ થઇ જતો હોય છે. પ્રેમનો ઇઝહાર તમે ખુલીને કરી શકતા હો તો તે અનકન્ડીશનલ લવ છે. તમે જો કોઇ એક વ્યક્તિની ખુશી માટે કંઇ પણ કરવા તૈયાર થઇ જાવ છો તો તે પ્રેમ છે. આ વાત કેટલાક લોકોને આશ્વર્ય જન્માવી શકે છે, પરંતુ આજના સમયમાં પણ આવા અનકન્ડીશનલ લવના કિસ્સાઓ હોય જ છે.
આ રીતે ઓળખો અનકન્ડીશનલ લવને
દેખાડો કરતા નથી
સાચો પ્રેમ એ હોય છે જેણે કોઇ દેખાડો કરવાની જરૂર પડતી નથી. સાથે હોવાના કે બહાર ફરવાના કે પછી કપલની પર્સનલ મુવમેન્ટના ફોટા સોશિયલ મિડિયામાં પર અપલોડ કરીને લાઇક મેળવવાની જરૂર પડતી નથી. જ્યારે તમે કોઇ વ્યક્તિને પ્રેમ કરો છો ત્યારે તમને તેની નાની નાની જરૂરિયાતોનું ધ્યાન રાખવુ ગમે છે. કોઇ વ્યક્તિ તમારા સારા કે ખરાબ સમયમાં તમારો સાથ આપે છે તો સમજો કે તે તમને પ્રેમ કરે છે, તેમાં દેખાડા કરવાની કે કહેવાની જરૂર પડતી નથી.
પ્રોટેક્ટિવ નેચર
જ્યારે તમે કોઇ પણ વ્યક્તિને કોઇ પણ શરત વગરનો પ્રેમ કરો છો ત્યારે બંને વચ્ચે એક ગજબનું બોન્ડિંગ હોય છે. તમે એક બીજાને લઇને ક્યારેય પણ અસુરક્ષા અનુભવતા નથી. એકબીજા પર ખુબ ભરોસો કરો છો. તમને બંનેને ખ્યાલ છે કે તમારી વચ્ચે કોઇ ત્રીજુ નહીં આવી શકે. તમારી વચ્ચે ક્યારેય મિસ અંડર સ્ટેન્ડિંગ નહી થાય. તમે એકબીજા સાથે ખુલીને વાત કરતા હો તો જાણશો તે સાચો પ્રેમ છે.
પોઝિટીવ ચેન્જ
જો તમારી અંદર સારા પરિવર્તનો જોવા મળી રહ્યા છે, તો સમજો તમને સાચો પ્રેમ મળી ગયો છે. તમે અનુભવવા લાગો છો કે તમે લોકો વિશે વધુ વિચારો છો અને ખુદ કરતા વધુ બીજાની ચિંતા કરો છો. તમે તમારો ફાયદો જોતા નથી અને પાર્ટનર માટે વધુ વિચારો છો , તમે જવાબદાર બનતા જાવ છો તો સમજો કે તે અનકન્ડિશનલ લવ છે.
આ પણ વાંચોઃ ક્યાંક તમે ખુદ તો નથી ઘટાડી રહ્યા ને તમારા બાળકનો કોન્ફિડન્સ?
