નિક્કી યાદવ હત્યા કેસઃ PM રિપોર્ટમાં ખુલાસો, પોલીસને મળ્યા 2 CCTV ફૂટેજ
દિલ્હીના નિક્કી યાદવ હત્યા કેસમાં પોસ્ટ મોર્ટમ રિપોર્ટમાં મોટો ખુલાસો થયો છે. પોલીસ સૂત્રોના જણાવ્યા અનુસાર હત્યા ગૂંગળામણના કારણે થઈ છે. ગરદન પર નિશાન મળી આવ્યા છે. તબીબોના મતે જો શરીર ફ્રિજમાં હતું તો ચોક્કસ સમય જણાવવો મુશ્કેલ છે, કારણકે ફ્રીજમાં કોઈ કુદરતી પ્રક્રિયા નથી. શરીર પર અન્ય કોઈ ઈજાના નિશાન જોવા મળ્યા નથી. વિસેરા પણ સાચવવામાં આવ્યા છે.
ક્રાઈમ બ્રાન્ચના ડીસીપી સતીશ કુમારે જણાવ્યું કે આરોપી 5 દિવસના રિમાન્ડ પર છે. તેની પૂછપરછ ચાલુ છે. અમારી ઘણી ટીમો કામ કરી રહી છે. અમે સીસીટીવી ફૂટેજ પણ ચકાસી રહ્યા છીએ. આ મામલાની તપાસ શ્રદ્ધા હત્યા કેસની તર્જ પર કરવામાં આવશે. ફોરેન્સિક તપાસના આધારે પુરાવા એકત્રિત કરવામાં આવી રહ્યા છે, જેમ કે શ્રદ્ધા હત્યા કેસમાં એકત્રિત કરવામાં આવ્યા હતા. સગાઈ પછી 9 ફેબ્રુઆરીએ આરોપી સાહિલ ગેહલોત નિક્કીના ઘરે ગયો હતો. ત્યાં સમય વિતાવ્યા પછી, દિલ્હીના વિવિધ સ્થળોએ ગયા, નિઝામુદ્દીન રેલ્વે સ્ટેશન ગયા. છોકરીની ટિકિટ પહેલેથી જ તૈયાર હતી, જે પછી લડાઈ થઈ. સાહિલ નિક્કીની હત્યા કરીને 10 ફેબ્રુઆરીએ મિત્રોં ગામ પહોંચ્યો, જ્યાં આરોપી સાહિલે 10 ફેબ્રુઆરીએ લાશને ઢાબામાં મૂકીને લગ્ન કર્યા.
નિક્કીની લાશ ફ્રીજની અંદરથી મળી આવી હતી
23 વર્ષીય નિક્કી યાદવનો મૃતદેહ 14 ફેબ્રુઆરીએ તેના બોયફ્રેન્ડ સાહિલ ગેહલોતના પરિવારની માલિકીની રેસ્ટોરન્ટમાં ફ્રિજની અંદરથી મળી આવ્યો હતો. આરોપી 24 વર્ષીય સાહિલ ગેહલોતની ધરપકડ કરવામાં આવી છે.
પોલીસને મળ્યા નિક્કીના CCTV ફૂટેજ
9 ફેબ્રુઆરીના રોજ નિક્કી યાદવના CCTV ફૂટેજ પણ મળ્યા છે, જેમાં તે છેલ્લે દક્ષિણ-પશ્ચિમ દિલ્હીમાં તેના ઘરે જતી જોવા મળી હતી. વીડિયોમાં યુવતી એકલી જોવા મળી રહી છે. પોલીસનું કહેવું છે કે સાહિલ ગેહલોતે થોડા કલાકો બાદ તેની હત્યા કરી હતી. હવે પોલીસને કેટલાક CCTV ફૂટેજ મળ્યા છે, જેની મદદથી તપાસ કરવામાં આવી રહી છે. નિક્કી યાદવની જે દિવસે હત્યા કરવામાં આવી હતી તેના કેટલાક સીસીટીવી ફૂટેજ સામે આવ્યા છે. જેમાં નિક્કી યાદવ તેના ભાડાના મકાનમાંથી બહાર નીકળતી જોવા મળે છે.
પહેલા CCTV ફૂટેજ
પોલીસે આ સીસીટીવી ફૂટેજ દિલ્હીમાં ભાડાના મકાનમાંથી મેળવ્યા છે. 9 ફેબ્રુઆરીના આ 2 CCTV ફૂટેજમાં નિક્કી યાદવ જોઈ શકાય છે. પહેલું ફૂટેજ બપોરે 1.30 વાગ્યાની આસપાસનું છે. બપોરના વીડિયોમાં નિક્કી કપડાં લઈને સીડી ઉપર જતી જોવા મળે છે.
#EXCLUSIVE – Delhi –#Nikki #murder case me there is one video, last visuals of Nikki on CCTV,#DelhiPolice #Delhi #DELHIMURDER #NIKKIYADAV #Nikki pic.twitter.com/tPZP18npG2
— Sujit Gupta (@sujitnewslive) February 15, 2023
બીજા CCTV ફૂટેજ
બીજા CCTV ફૂટેજ રાત્રે લગભગ 9 વાગ્યાનું હોવાનું કહેવાય છે. રાતના CCTV ફૂટેજમાં નિક્કીને ગેટ ખોલતી જોઈ શકાય છે. પહેલા નિક્કી બહાર જાય છે અને થોડી વાર પછી તે અંદર આવતી જોવા મળે છે.
#EXCLUSIVE – Delhi –#Nikki #murder case me there is one video, last visuals of Nikki on CCTV,#DelhiPolice #Delhi #DELHIMURDER #NIKKIYADAV #Nikki pic.twitter.com/bA6Mu4VztA
— Sujit Gupta (@sujitnewslive) February 15, 2023
ખાસ વાત એ છે કે બંને સીસીટીવી ફૂટેજમાં નિક્કીનું વર્તન સામાન્ય દેખાઈ રહ્યું છે. એટલે કે તેના હાવભાવમાં કોઈ દેખીતો ફેરફાર નથી. હવે સવાલ એ છે કે અચાનક શું થયું કે પછીના થોડા કલાકોમાં નિકીની હત્યા થઈ ગઈ.
