ધૂમધામથી થઈ રહ્યું છે વર્લ્ડ કપ ફાઈનલનું આયોજન, જાણો ક્લોઝિંગ સેરેમનીમાં કોણ પરફોર્મ કરશે ?

• વર્લ્ડ કપની ફાઇનલ મેચ 19 નવેમ્બર, રવિવારના રોજ ભારત અને ઓસ્ટ્રેલિયા વચ્ચે યોજાવા જઇ રહી છે. આવો તમને જણાવીએ કે વર્લ્ડ કપના ક્લોઝિંગ સેરેમનીમાં કોણ પરફોર્મ કરવા જઈ રહ્યું છે.

World Cup 2023 Final: વર્લ્ડ કપની ફાઇનલ મેચ શરુ થવાને હવે 24 કલાક પણ નથી રહ્યા. આ વખતે વર્લ્ડ કપ ફાઈનલમાં ભારત અને ઓસ્ટ્રેલિયાની ટીમો પહોંચી છે. આ જબરદસ્ત મેચ વિશ્વના સૌથી મોટા ક્રિકેટ સ્ટેડિયમ એટલે કે અમદાવાદના નરેન્દ્ર મોદી સ્ટેડિયમમાં રમાશે. વર્લ્ડ કપના ક્લોઝિંગ સેરેમનીમાં ઘણા ખાસ લોકો પરફોર્મ કરવાના છે. ચાલો તમને તેમના વિશે માહિતી આપીએ.

વર્લ્ડ કપના ક્લોઝિંગ સેરેમનીમાં શું-શું થશે?

વર્લ્ડ કપ ફાઇનલ મેચના સમાપન સમારોહને ચાર ભાગમાં વહેંચવામાં આવ્યો છે. સૌપ્રથમ તો મેચની શરૂઆત પહેલા એક પર્ફોર્મન્સ હશે, ત્યાર બાદ મિડ ઇનિંગ બ્રેક હશે, બીજી ઇનિંગમાં ડ્રિંક્સ બ્રેક થશે અને પછી મેચ પૂરી થયા પછી પણ આ સમાપન સમારોહનું આયોજન કરવામાં આવશે.

કોણ કરશે પરફોર્મ ?

જો આપણે મ્યુઝિકલ પરફોર્મન્સ વિશે વાત કરીએ, તો તે પ્રથમ દાવના અંત પછી યોજવામાં આવશે. આ સમય દરમિયાન ભારતના લોકપ્રિય ગાયકો પ્રિતમ ચક્રવર્તી, જોનીતા ગાંધી, નક્સ અઝીઝ, અમિત મિશ્રા, આકાસા સિંહ અને તુષાર જોશી પરફોર્મ કરતા જોવા મળશે. આ ઉપરાંત કોક સ્ટુડિયો દ્વારા પણ એક પર્ફોર્મન્સ આપવામાં આવશે, જેમાં ભારતના વાયરલ ગીત ખલાસીના મ્યુઝિક પ્રોડ્યુસર આદિત્વ ગઢવી પણ પરફોર્મ કરતા જોવા મળશે.

 

सोचिये जब स्टेडियम सवा लाख दर्शकों से भरा होगा और ये पल आएगा तब क्या नज़ारा हुआ…

वर्ल्ड कप फाइनल मैच के दौरान राष्ट्रगान समाप्त होते ही #NarendraModiStadium स्टेडियम के ऊपर से होगा सूर्यकिरण का फ्लाई पास्ट.. जिसकी फाइनल रिहर्सल आज अहमदाबाद में की गयी

क्या कल्पना है 👌🏻👌🏻👌🏻… pic.twitter.com/XeuPzaX7og

— Nirnay Kapoor (@nirnaykapoor) November 17, 2023

વર્લ્ડ કપ વિજેતા કેપ્ટનોનું સન્માન કરવામાં આવશે

આ મ્યુઝિકલ પર્ફોર્મન્સ ઉપરાંત, પ્રથમ દાવના અંત પછી, BCCI એક વિશેષ કાર્યક્રમનું પણ આયોજન કરશે જેમાં 1975 થી 2019 સુધીના તમામ ODI વર્લ્ડ કપ વિજેતા કેપ્ટનોને સન્માનિત કરવામાં આવશે . આ વર્લ્ડ કપ જીતનાર તમામ કેપ્ટનને એક મંચ પર એકસાથે હાજર રહેશે અને તેમની વર્લ્ડ કપ જીતવાની ક્ષણો મોટી સ્ક્રીન પર બતાવવામાં આવશે. આ સિવાય BCCI આ તમામ કેપ્ટનોને એક ખાસ બ્લેઝર પણ ગિફ્ટ કરશે, જે વર્લ્ડ કપ 2023નું પ્રતીક હશે. જો કે આ તમામ વર્લ્ડ કપ વિજેતા કેપ્ટનોમાંથી માત્ર 1992 વર્લ્ડ કપ વિજેતા કેપ્ટન ઈમરાન ખાન હાજર રહેશે નહીં. તેના સિવાય ક્લાઈવ લોઈડથી લઈને ઈયોન મોર્ગન સુધીના દરેક કેપ્ટનને સન્માનિત કરવામાં આવશે. વર્લ્ડ કપના ઈતિહાસમાં આવું પહેલીવાર થઈ રહ્યું છે.

આ પણ વાંચો: ICC નોકઆઉટ મેચોમાં ભારતે અત્યાર સુધી ચાર વખત ઓસ્ટ્રેલિયાને હરાવ્યું