પાલનપુર બેઠક ઉપર ભાજપ જીતતા કાર્યકર્તાનું કરાયું આભાર દર્શન

પાલનપુર : પાલનપુર વિધાનસભા બેઠક પર ભાજપની ભવ્ય જીત થતા શનિવારે પાલનપુર શહેર ભાજપ દ્વારા પાલનપુર વિધાનસભાના કાર્યકર્તાઓનું આભાર દર્શન અને સ્નેહ મિલનના કાર્યક્રમનું આયોજન કરવામાં આવ્યું હતું.

તાલુકામાંથી મોટી સંખ્યામાં ભાજપના કાર્યકરો હાજર રહ્યા

પાલનપુર વિધાનસભા બેઠક પર આ વખતે ભાજપના ઉમેદવાર અનિકતે ઠાકરે જંગી મતોની લીડથી જીત હાંસલ કરી હતી. પાલનપુર વિધાનસભા બેઠક પર ચુંટણી દરમિયાન ભાજપના કાર્યકર્તાઓ કરેલી મહેનતથી ભાજપને મળેલી ભવ્ય જીત બદલ ધારાસભ્ય અનિકેત ઠાકર એ મોટી સંખ્યામાં ઉપસ્થિત કાર્યકર્તાઓ પર પુષ્પોની વર્ષા કરી આભારની લાગણી વ્યક્ત કરી હતી. ભાજપના આભાર દર્શન અને સ્નેહ મિલન કાર્યક્રમમાં કાર્યકરોએ પણ પાલનપુરના નવનિયુક્ત ધારાસભ્ય અનિકેત ઠાકરને નોટબુક અને ચોપડા તેમજ સાલ ઓઢાડીને સન્માન કર્યું હતું.

આ પ્રસંગે પૂર્વ કેન્દ્રીય મંત્રી હરિભાઈ ચૌધરી, પૂર્વ ધારાસભ્ય કાંતિભાઈ કચોરીયા, પૂર્વ જિલ્લા ભાજપ પ્રમુખ હરેશભાઇ જાની, રાણાભાઈ દેસાઈ તેમજ વસંત ભટોળ, એલ. એ. ગઢવી સહિત આગેવાનો અને કાર્યકર્તાઓ મોટી સંખ્યામાં હાજર રહ્યા હતા .મીડિયા સાથેની વાતચીતમાં ધારાસભ્ય અનિકેત ઠાકર એ જણાવ્યું હતું કે ચૂંટણી માં મળેલી ભવ્ય જીત એ વ્યક્તિ નહિ પણ ભાજપના કાર્યકતાઓની જીત છે.

આ પણ વાંચો : પાલનપુર : ₹ 2.5 કરોડ ના ખર્ચે ડીસાનો ઉજ્જડ બનેલા ગાર્ડનને નવપલ્લવિત બનશે