પત્ની ગર્ભવતી નહોતી થતી, તપાસ કરાવી તો પતિ આઘાતમાં સરી પડ્યોઃ જાણો ગુજરાતના ચોંકાવનારા કિસ્સા વિશે

• અમદાવાદમાં એક લગ્નના એક વર્ષ પછી પત્ની ગર્ભધારણ ન કરી શખતા પતિએ તેની તબીબી તપાસ કરાવી. સોનોગ્રાફી રિપોર્ટમાં જે નિષ્કર્ષ પ્રકાશમાં આવ્યું છે. જે બાદ પતિના પગ નીચેથી જમીન સરકી ગઈ હતી. પતિએ પત્ની વિરુદ્ધ છેતરપિંડીનો કેસ દાખલ કર્યો છે

અમદાવાદ, 28 જુલાઈ: અમદાવાદમાં એક વિચિત્ર કિસ્સો પ્રકાશમાં આવ્યો છે. જ્યારે મહિલા માતા બની શકતી ન હતી ત્યારે પતિએ તેની મેડિકલ તપાસ કરાવી હતી. જેમાં પતિએ મહિલા સામે તેની ઉંમર છુપાવવા અને પત્ની મોટી હોવાથી છેતરપિંડી કરવા બદલ કાયદેસરની કાર્યવાહી કરવાની માંગ કરી છે. પતિએ પત્ની વિરુદ્ધ પોલીસમાં ફરિયાદ કરી છે. જેમાં પતિએ પત્નીના પરિવાર સામે કાર્યવાહી કરવાની માંગ કરી છે. પતિનો આરોપ છે કે તેની પત્નીએ તેની ઉંમર ખોટી બતાવી હતી. અમદાવાદ પોલીસે પતિની ફરિયાદ પરથી FIR નોંધી છે. તબીબી તપાસમાં મહિલાની ઉંમર 32 વર્ષની જગ્યાએ 40 વર્ષથી વધુ હોવાનું પ્રકાશમાં આવ્યું છે.

પત્ની સહિત આઠ સામે કેસ

અમદાવાદના સરખેજ વિસ્તારમાં રહેતી એક મહિલા એક વર્ષ સુધી ગર્ભધારણ કરવામાં નિષ્ફળ રહી ત્યારે તેનો 34 વર્ષીય પતિ તેને ડોક્ટર પાસે લઈ ગયો. મેડિકલ રિપોર્ટમાં મહિલા ખૂબ જ વૃદ્ધ હોવાનું પ્રકાશમાં આવ્યું હતું. તબીબી સહાય વિના તે માતા બની શકતી ન હતી. સોનોગ્રાફી રિપોર્ટના ખુલાસા બાદ પતિના પગ નીચેથી જમીન સરકી ગઈ હતી. લગ્ન સમયે પત્નીની ઉંમર 32 વર્ષ નોંધવામાં આવી હતી, પરંતુ સોનોગ્રાફીમાં તેની ઉંમર 40 વર્ષથી વધુ હોવાનું જાણવા મળ્યું હતું. પત્નીની ઉંમર છુપાવવા બદલ પતિએ તેની સામે કાયદેસરની કાર્યવાહી કરવા અમદાવાદ પોલીસમાં ફરિયાદ નોંધાવી છે. પતિએ પોતાની ફરિયાદમાં કહ્યું છે કે પત્ની અને તેના પરિવારના સભ્યો સામે કાર્યવાહી કરવામાં આવે. પોલીસે પતિની ફરિયાદ પર વિશ્વાસ ભંગ, બનાવટી, છેતરપિંડી, ગુનાહિત કાવતરું અને ધાકધમકીથી સંબંધિત IPC કલમો હેઠળ પત્ની, તેના પિતા અને તેના સંબંધીઓ સહિત આઠ લોકો વિરુદ્ધ FIR નોંધી છે.

જૂન, 2023માં થયા હતા લગ્ન

નવભારત ટાઈમ્સમાં પ્રકાશિત અહેવાલ અનુસાર, 34 વર્ષીય પતિએ પોલીસને જણાવ્યું કે 2023ના મે મહિનામાં તેની ભાવિ પત્ની સાથે પરિચય થયો હતો. ત્યારબાદ તેના બાયોડેટામાં તેની જન્મ તારીખ 18 મે, 1991 દર્શાવવામાં આવી હતી, જે તેના કરતા 18 મહિના નાની હતી. તેના પરિવારને મળ્યા પછી લગ્ન 19 જૂન, 2023 ના રોજ નક્કી કરવામાં આવ્યા હતા. યુવતીના પરિવારે લગ્ન પાલનપુરના એક ગામમાં કરવા વિનંતી કરી હતી. પતિનો આરોપ છે કે વારંવાર વિનંતી કરવા છતાં તેમના પરિવારે ઉંમર અને શિક્ષણનો પુરાવો આપવામાં વિલંબ કર્યો હતો. લગ્નના દિવસે, લગ્ન સમારંભ દરમિયાન, તેઓએ તેણીના શાળા છોડવાના પ્રમાણપત્ર અને પાસપોર્ટની નકલો એકત્રિત કરી, જે તેઓએ અસલી તરીકે સ્વીકારી. આ પછી લગ્ન રજિસ્ટરમાં પત્નીની જન્મ તારીખ 18 મે, 1991 નોંધવામાં આવી હતી.

પ્રથમ રિપોર્ટના તારણો છુપાવ્યા

પતિના કહેવા પ્રમાણે ઘણા મહિનાઓ સુધી પ્રયાસ કર્યા પછી પણ ગર્ભ ધારણ કરવાના પ્રયાસો નિષ્ફળ રહ્યા હતા. આથી ઘરે કોઈને કહ્યા વિના તેણે તેની પત્ની અને ભાભી સાથે મળીને જુહાપુરામાં ડોક્ટર પાસે તપાસ કરાવી હતી. પત્નીએ તેના પતિને જાણ કરી ન હતી. આ પછી પતિએ સપ્ટેમ્બર 2023માં ફરીથી પાલડીના ગાયનેકોલોજિસ્ટની સલાહ લીધી. સોનોગ્રાફી રિપોર્ટમાં પત્નીની ઉંમર 40 થી 42 વર્ષની આસપાસ હોવાનું પ્રકાસમાં આવ્યું હતું. ડૉક્ટરે કહ્યું કે પત્ની કુદરતી રીતે ગર્ભ ધારણ કરી શકશે નહીં. આ પછી પતિએ જુહાપુરાના ડોક્ટર પાસેથી રિપોર્ટ પણ મેળવ્યો હતો. બંનેના તારણો એક જ હોવાનું જાણવા મળ્યું હતું.

લગ્ન સમયે છ વર્ષ નાની ઉંમર દર્શાવી

પતિનો આરોપ છે કે જ્યારે તેણે પત્ની પાસે ઘણી વખત અસલ દસ્તાવેજો માંગ્યા તો પત્નીએ આપવાનું ટાળ્યું હતું. પતિના કહેવા પ્રમાણે, તપાસમાં જાણવા મળ્યું કે પત્નીની ઉંમર 18 મે, 1985 હતી. જે બદલીને 18 મે 1991 કરવામાં આવી હતી. જ્યારે તેની પૂછપરછ કરવામાં આવી ત્યારે તેણીએ છેતરપિંડીનો સ્વીકાર કર્યો અને માફી માંગી હતી. પતિએ આ ઘટના સાથે સંબંધિત બે કલાકની ઓડિયો ટેપ પણ આપી છે. પતિનો આરોપ છે કે લગ્ન પછી તેની પત્ની અવારનવાર તેના માતા-પિતાના ઘરે જતી અને ઘણી વાર તેના અને તેના પરિવાર દ્વારા આપવામાં આવેલી કિંમતી વસ્તુઓ તેના પિયરમાં લઈ જતી હતી.

આ પણ વાંચો: અમદાવાદની મહિલાને લીગલ નોટિસ હોવાનું કહી સાયબર ઠગોએ પડાવ્યા 60 લાખ