સસ્તા Flip ફોનની રાહ પૂરી! આ કંપનીએ Samsung અને Motorolaને આપી ટક્કર
HD ન્યૂઝ ડેસ્ક, 19 સપ્ટેમ્બર: ટૂંક સમયમાં સસ્તા ફ્લિપ સ્માર્ટફોનની રાહ સમાપ્ત થવા જઈ રહી છે. Samsung, Motorola, Oppo અને Tecno જેવી બ્રાન્ડ્સે ભારતમાં Flip ફોન લોન્ચ કર્યા છે. આ બ્રાન્ડ્સના ફ્લિપ સ્માર્ટફોનની કિંમત 50 હજાર રૂપિયા અથવા તેનાથી વધુ છે. ત્યારે વધુ એક બ્રાન્ડ જલ્દી જ પોતાનો સસ્તો Flip સ્માર્ટફોન લોન્ચ કરવા જઈ રહી છે. આ ફ્લિપ ફોનના નવા ફીચર્સ પણ બહાર આવ્યા છે. જો રિપોર્ટ્સનું માનીએ તો આ અત્યાર સુધીનો સૌથી સસ્તો ફ્લિપ ફોન હોઈ શકે છે.
જૂઓ વીડિયો
Experience the future of mobile technology with 5G speeds, a powerful MediaTek D8020 chipset, and an ultra-smooth 120Hz display. The future is now, and it’s in your hands. 🔥 #Infinix #ZEROFlip #GetINNow pic.twitter.com/bdqjwqHVgz
— Infinix Mobile (@Infinix_Mobile) September 18, 2024
સસ્તા ફ્લિપ ફોનની રાહ પૂરી
ચીની બ્રાન્ડ Infinix આ સસ્તો ફ્લિપ ફોન લોન્ચ કરવા જઈ રહી છે. આ ફોનનું પોસ્ટર વિયેતનામના એક રિટેલર દ્વારા પોસ્ટ કરવામાં આવ્યું છે, જેમાં ફોનની ડિઝાઇનની ઝલક જોઈ શકાય છે. ફોનનું પોસ્ટર સોશિયલ મીડિયા પ્લેટફોર્મ X પર Infinix Zero Flip 5Gના નામે પોસ્ટ કરવામાં આવ્યું છે. પોસ્ટર રિલીઝ થયા પછી, કંપનીએ સત્તાવાર રીતે તેના પ્રથમ ફ્લિપ સ્માર્ટફોનનું ટીઝર પણ બહાર પાડ્યું છે.
Infinix Zero Flip 5Gની સંભવિત વિશેષતાઓ
Infinix Zero 5Gમાં 6.7-ઇંચ FHD+ AMOLED ડિસ્પ્લે હશે, જેને ફોલ્ડ કરી શકાય છે. તેની બહાર 3.64 ઇંચ AMOLED કવર ડિસ્પ્લે હોઈ શકે છે. તેનું મુખ્ય ફોલ્ડેબલ ડિસ્પ્લે 120Hz રિફ્રેશ રેટને સપોર્ટ કરશે, જેની સુરક્ષા માટે Corning Gorilla Glass ઉપલબ્ધ થઈ શકે છે.
Infinixનો આ બજેટ ફોલ્ડેબલ ફોન MediaTek Dimensity 8020 પ્રોસેસર સાથે આવશે. ફોનમાં 16GB સુધીની LPDDR4X રેમ અને 256GB સુધીની UFS 3.1 સ્ટોરેજ મળી શકે છે. આ સ્માર્ટફોન એન્ડ્રોઇડ 14 પર આધારિત XOS 14.5 પર કામ કરશે. આ ઉપરાંત ફોનમાં ઓનબોર્ડ AI ફીચર પણ મળી શકે છે.
Infinix Zero Flip 5Gના પાછળના ભાગમાં ડ્યુઅલ કેમેરા મળી શકે છે. આ ફોન 50MP પ્રાઇમરી અને 10.8-ઇંચ સેકન્ડરી કેમેરા સેન્સર સાથે આવી શકે છે. આ ફોનમાં સેલ્ફી અને વીડિયો કોલિંગ માટે 12MP કેમેરા હશે. લીક થયેલા રિપોર્ટ અનુસાર, આ Infinix ફોનથી 4K વીડિયો રેકોર્ડિંગ કરી શકાય છે.
આ પણ જૂઓ: iPhone 16 ખરીદવા નવા Apple સ્ટોરની બહાર થયેલી ભીડનો વીડિયો વાયરલ, જૂઓ વીડિયો
