પાટણના નજીકના એક ગામની વિદ્યાર્થિની ગત રોજ શાળાએ જઈ રહી હતી તે દરમિયાન એક યુવકે છરી વડે જીવલેણ હુમલો કર્યો હતો. જેને પગલે ગ્રામજનોએ હુમલાખોરને ઝડપી તેને ગામ વચ્ચે આવેલા ઝાડ સાથે બાંધી ઉંધો લટકાવી મેથીપાક ચખાડ્યો હતો. જેનો વીડિયો સોશિયલ મીડિયા પર ભારે વાયરલ થઈ રહ્યો છે. જો કે હમ દેખેંગે ન્યૂઝ તેની પુષ્ટિ કરતું નથી.
લોકોએ જાહેરમાં યુવકને ફટકારી સજા…#ViralVideos #punishment #Gujarat #gujaratinews #humdekhengenews pic.twitter.com/Hy67epo4Oy
— Hum Dekhenge News (@humdekhengenews) July 25, 2022
હુમલાખોરને ગામલોકોએ ચખાડ્યો મેથીપાક
વિદ્યાર્થિની શાળાએ જઈ રહી હતી તે દરમિયાન અચાનક ગામનો યુવક ધસી આવ્યો હતો અને વિદ્યાર્થિનીને ધક્કો મારી નીચે પાડી દીધી હતી અને છરી વડે હુમલો કર્યો હતો જેમાં વિદ્યાર્થિનીને પીઠના ભાગે ઈજા પહોંચી હતી. ઈજાગ્રસ્ત વિદ્યાર્થિનીને તાત્કાલિક સારવાર અર્થે હોસ્પિટલ ખસેડવામાં આવી હતી જ્યાં હાજર તબીબે જણાવ્યું હતું કે વિદ્યાર્થિનીને પીઠના ભાગે બે સેન્ટીમીટર જેટલો ઊંડો ઘા પડી ગયો છે. જેથી તેની તબિયત વધુ લથડતા ધારપુર હોસ્પિટલ ખાતે ખસેડવામાં આવી છે.
લોકોએ જાહેરમાં યુવકને ફટકારી સજા…#ViralVideos #punishment #Gujarat #gujaratinews #humdekhengenews #Viral pic.twitter.com/5HbpNbfiVy
— Hum Dekhenge News (@humdekhengenews) July 25, 2022
ગ્રામજનોએ જાહેરમાં ફટકારી સજા
આ ઘટના બાદ નાસી છૂટેલા હુમલાખોરને ગામલોકોએ પકડીને પોલીસને સોંપ્યો હતો. જ્યારે હુમલો કરનાર જીવણજી લાડજીજી ઠાકોર વિરુદ્ધ વાગડોદ પોલીસ મથકમાં ગુનો નોંધાયો હતો. જો કે હુમલાખોર સામે ગ્રામજનોમાં ભારે રોષ ભભૂકી ઉઠ્યો હતો.જેથી ગ્રામજનોએ આરોપીને ઝડપી બે પગ બાંધી ઝાડ પર ઉંધો લટકાવી મેથીપાક આપ્યો હતો. જેનો વીડિયો સોશિયલ મીડિયા પર જોરદાર વાયરલ થઇ રહ્યો છે
