સોલો ટ્રાવેલિંગનું વધી રહ્યું છે ચલણ, કઈ વાતોનું ખાસ રાખશો ધ્યાન?

• છેલ્લા કેટલાક સમયથી લોકોમાં દુનિયાને એકલા જોવાની ઈચ્છા ઘણી વધી ગઈ છે અને આ કારણે સોલો ટ્રાવેલિંગનું ચલણ પણ ખૂબ વધ્યું છે

મોટાભાગના લોકોને હરવા ફરવાનો ખૂબ શોખ હોય છે. આ જ કારણ છે કે લોકો ઘણીવાર વર્ષમાં એકાદ-બે વખત મિત્રો અથવા પરિવાર સાથે બહાર જાય છે. જો કે, છેલ્લા કેટલાક સમયથી લોકોમાં દુનિયાને એકલા જોવાની ઈચ્છા ઘણી વધી ગઈ છે અને આ કારણે સોલો ટ્રાવેલિંગનું ચલણ પણ ખૂબ વધ્યું છે.

સોલો ટ્રાવેલિંગ શું છે?

સોલો ટ્રાવેલિંગ એટલે કે એકલા મુસાફરી કરવી એ એક એવો અનુભવ છે જેમાં તમે કોઈ સાથી કે મિત્ર વિના કોઈ જગ્યાનો પ્રવાસ કરો છો. આ એક રોમાંચક અને આત્મ-ખોજનો અનુભવ હોઈ શકે છે, જે તમને તમારી સ્વતંત્રતા વિશે જાણવાનો અને નવા લોકો તેમજ સંસ્કૃતિઓ સાથે જોડાવાની તક આપે છે.

સોલો ટ્રાવેલિંગના કેટલાક ફાયદા

આત્મનિર્ભરતા

સોલો ટ્રાવેલિંગ તમને તમારી ખુદની સમસ્યાઓ હલ કરવામાં અને તમારી યાત્રાના દરેક પાસાઓ પર નિયંત્રણ રાખવામાં મદદ કરે છે.

આત્મ-શોધ

સોલો ટ્રાવેલ તમને તમારી જાતને વધુ સારી રીતે જાણવાની અને તમારી રુચિઓ તેમજ પ્રાથમિકતાઓની શોધ કરવાની તક આપે છે.

નવા લોકોને મળવું

સોલો ટ્રાવેલિંગ તમને સ્થાનિકો અને અન્ય પ્રવાસીઓ સાથે જોડાવાની તક આપે છે, જેનાથી તમે નવી મિત્રતા કરી શકો છો અને વિવિધ સંસ્કૃતિઓ વિશે જાણી શકો છો.

કમ્ફર્ટ

સોલો ટ્રાવેલિંગ તમને તમારી પોતાની રીતે મુસાફરી કરવાની અને તમારી રુચિઓ અનુસાર પ્રવાસ કરવાની સ્વતંત્રતા અને કમ્ફર્ટ આપે છે.

હિંમત

સોલો ટ્રાવેલિંગ તમને તમારી મર્યાદાઓને આગળ વધારવાની અને તમારા કમ્ફર્ટ ઝોનમાંથી બહાર નીકળવાની તક આપે છે.

સોલો ટ્રાવેલિંગ માટે સેફ્ટી ટિપ્સ

રિસર્ચ કરો

તમારી સફર પહેલાં, તમે જે સ્થાન પર જઈ રહ્યા છો તેના વિશે સંપૂર્ણ સંશોધન કરો. સ્થાનિક રીતિ-રિવાજો અને કાયદાઓથી વાકેફ રહો અને જોખમી હોય તેવા વિસ્તારોને ટાળો.

તમારા પરિવાર અને મિત્રોને જણાવો

તમારા પરિવાર અને મિત્રોને તમારી મુસાફરીની યોજનાઓ વિશે કહો અને તેમને નિયમિતપણે અપડેટ કરતા રહો.

તમારો સામાન સુરક્ષિત રાખો

તમારો સામાન હંમેશા તમારી સાથે રાખો અને કિંમતી સામાન હોટલની તિજોરીમાં રાખો.

રાત્રે એકલા મુસાફરી કરવાનું ટાળો

જો શક્ય હોય તો રાત્રે એકલા મુસાફરી કરવાનું ટાળો. જો તમારે રાત્રે બહાર જવાનું હોય તો ટેક્સી અથવા ઓટો રિક્ષાનો ઉપયોગ કરો અને એકલા ચાલવાનું ટાળો.

તમારી જાત પર વિશ્વાસ રાખો

જો તમે કોઈ બાબતમાં અસ્વસ્થતા અનુભવો છો, તો તેનાથી દૂર રહો. તમારી પ્રવૃત્તિ પર વિશ્વાસ કરો અને જોખમી પરિસ્થિતિઓથી બચો.

આ પણ વાંચોઃ મનીષા કોઈરાલાએ જ્યારે બિકીની પહેરવાનો ઈનકાર કર્યો ત્યારે…જાણો આખી ઘટના