ભારત અને આફ્રિકા વચ્ચે ત્રીજી T20 મેચનો સમય ફરી બદલાયો, જૂઓ ક્યારે શરૂ થશે

સેન્ચુરિયન, 12 નવેમ્બર : ભારત અને દક્ષિણ આફ્રિકા વચ્ચેની ચાર મેચની T20 શ્રેણી હાલમાં 1-1થી બરાબર છે. પ્રથમ મેચમાં ટીમ ઈન્ડિયાએ 61 રનથી જોરદાર જીત નોંધાવી હતી. તો બીજી મેચમાં દક્ષિણ આફ્રિકાએ જોરદાર વાપસી કરીને ભારતને 3 વિકેટે હરાવ્યું હતું. હવે ત્રીજી મેચ 13મી નવેમ્બરે સેન્ચુરિયન મેદાન પર રમાશે. આ મેચ બંને ટીમો માટે શ્રેણીમાં લીડ લેવા માટે ખૂબ જ મહત્વપૂર્ણ છે અને બંને ટીમો સુપરસ્ટાર ખેલાડીઓથી ભરેલી છે, જેઓ T20 ક્રિકેટમાં નિષ્ણાત છે.

ત્રીજી T20ના સમયમાં ફેરફાર કરવામાં આવ્યો

ભારત અને દક્ષિણ આફ્રિકા વચ્ચે બીજી T20 મેચ સાંજે 7:30 વાગ્યે શરૂ થઈ હતી. પરંતુ ત્રીજી T20 મેચના સમયમાં ફેરફાર કરવામાં આવ્યો છે. આ મેચ એક કલાક પછી ભારતીય સમય અનુસાર 8:30 વાગ્યે શરૂ થશે અને આ મેચનો ટોસ રાત્રે 8 વાગ્યે થશે. આવી સ્થિતિમાં, આ મેચ મોડી રાત સુધી ચાલુ રહેવાની આશા છે. આ પછી, બંને ટીમો વચ્ચે ચોથી T20 મેચ 15 નવેમ્બરે રમાશે, જે ભારતીય સમય અનુસાર રાત્રે 8:30 વાગ્યાથી રમાશે.

સેન્ચુરિયનમાં કુલ 16 T20 મેચ રમાઈ છે

સેન્ચુરિયન મેદાન પર અત્યાર સુધીમાં કુલ 16 T20 મેચ રમાઈ છે, જેમાંથી પ્રથમ બેટિંગ કરનારી ટીમે 8માં જીત મેળવી છે. જ્યારે 7માં પ્રથમ બોલિંગ કરનાર ટીમે જીત મેળવી છે. આ મેદાન પર સૌથી વધુ સ્કોર બનાવવાનો રેકોર્ડ દક્ષિણ આફ્રિકાના નામે છે. ટીમે વર્ષ 2023માં વેસ્ટ ઈન્ડિઝ સામે 259 રન બનાવ્યા હતા.

બીજી મેચમાં ભારતીય બેટ્સમેનો ફ્લોપ રહ્યા હતા

બીજી T20 મેચમાં ભારતીય ટીમના બેટ્સમેનો કંઈ ખાસ બતાવી શક્યા ન હતા. ટીમ કોઈક રીતે 100 રનનો આંકડો પાર કરવામાં સફળ રહી હતી. ત્યારબાદ હાર્દિક પંડ્યાએ સૌથી વધુ 39 રનની ઇનિંગ રમી હતી. બાદમાં વરુણ ચક્રવર્તીએ ટીમ ઈન્ડિયાને મેચમાં વાપસી કરાવવાનો શ્રેષ્ઠ પ્રયાસ કર્યો અને તેણે પોતાની ચાર ઓવરમાં 17 રન આપીને 5 વિકેટ પણ લીધી હતી. પરંતુ તે ટીમને જીત અપાવી શક્યો ન હતો. ફાસ્ટ બોલરો ટીમની નબળી કડી સાબિત થયા છે.

દક્ષિણ આફ્રિકા સામે ભારતની સંભવિત ટીમઃ 

સંજુ સેમસન (વિકેટકીપર), અભિષેક શર્મા, સૂર્યકુમાર યાદવ (કેપ્ટન), તિલક વર્મા, હાર્દિક પંડ્યા, રિંકુ સિંઘ, અક્ષર પટેલ, અર્શદીપ સિંહ, રવિ બિશ્નોઈ, વરુણ ચક્રવર્તી, અવેશ ખાન, જીતેશ શર્મા, વિજયકુમાર વૈશાક, રમણદીપ સિંહ, યશ દિનેશ સિંહ.

આ પણ વાંચો :- દેહરાદૂનમાં ભયંકર અકસ્માત, 6 યુવક-યુવતીઓના મૃત્યુ