“મંદિર ત્યાં હતું, છે અને ત્યાં જ બનશે”,’મોદી આર્કાઈવ’ પર શેર કરાયું નિવેદન
નવી દિલ્હી,15 જાન્યુઆરી 2024: “મંદિર ત્યાં હતું, છે અને ત્યાં જ બનશે”…PM મોદીએ ત્રણ દાયકા પહેલા આ ભવિષ્યવાણી કરી હતી. વર્ષો પહેલા કરેલું આ નિવેદન હવે ચર્ચામાં આવ્યું છે.. અયોધ્યામાં રામ મંદિરના ઉદ્ઘાટનની તૈયારીઓ જોરશોરથી ચાલી રહી છે. આ દરમિયાન રામ મંદિરને લઈને પીએમ મોદીનું જૂનું નિવેદન સામે આવ્યું છે. નિવેદનને ‘મોદી આર્કાઈવ’ પર શેર કરવામાં આવ્યુ છે.
“Mandir Wahin Tha, Wahin Hai, Aur Wahin Banega”
The 'Jan Jagaran Abhiyan' slogan, coined by @narendramodi, then the Gujarat General Secretary of the BJP, became a rallying cry for the Ram Mandir Movement.
Three decades back, the BJP actively organised various activities in… pic.twitter.com/TpZCKDLchW
— Modi Archive (@modiarchive) January 15, 2024
‘મોદી આર્કાઈવ’ પર 3 દાયકા પહેલાનું નિવેદન
આ નિવેદન એ સમયનું છે જ્યારે નરેન્દ્રભાઈ મોદી ભાજપના મહાસચિવ હતા. તે સમયે, એક સમાચાર પત્ર સાથેની વાતચીત દરમિયાન વડાપ્રધાન મોદીએ કહ્યું હતું કે, “મંદિર ત્યાં હતું, છે અને ત્યાં જ બનશે. જ્યારે ત્રણ દાયકા પહેલા, ભાજપે જાન્યુઆરીમાં સક્રિયપણે વિવિધ પ્રવૃત્તિઓનું આયોજન કર્યું હતું, જેમાં મોહલ્લા બેઠકો, પ્રભાતફેરી અને પરિષદો, વિવિધ વેપારી વર્ગો અને મોટાપાયે હસ્તાક્ષર સંગ્રહ અભિયાનનો સમાવેશ થાય છે. હસ્તાક્ષર સંગ્રહ ઝુંબેશમાં દરેક જિલ્લામાંથી ઓછામાં ઓછા 10 હજાર લોકોનો સંપર્ક કરવાનું આયોજન કરવામાં આવ્યું હતું અને ગુજરાતમાંથી લગભગ અડધા કરોડ હસ્તાક્ષરની અપેક્ષા હતી. કરોડો લોકોની હસ્તાક્ષરવાળી એક અરજી ભારતના રાષ્ટ્રપતિને મોકલવાની હતી, જેમાં માંગ કરવામાં આવી હતી કે અયોધ્યામાં શ્રી રામ માટે તેમના જન્મસ્થળ પર મંદિર બનાવવામાં આવે.
હાલમાં પીએમ મોદીનું આ જૂનું નિવેદન ખૂબ જ ઝડપથી વાયરલ થઈ રહ્યું છે. આ પહેલા ભાજપના વરિષ્ઠ નેતા લાલકૃષ્ણ અડવાણીનું નિવેદન પણ રામ મંદિરના અભિષેકને લઈને સામે આવ્યું હતું, જેમાં તેમણે કહ્યું હતું કે રામ મંદિર આંદોલન દરમિયાન તેઓ માત્ર એક સારથી હતા અને હવે નરેન્દ્ર મોદી દેશના વડાપ્રધાન બની ગયા છે.
