સ્મૃતિ ઈરાનીની દીકરીના લગ્નના રિસેપ્શનમાં શાહરૂખ ખાન, મૌની રોય સહિત આ સ્ટારે આપી હાજરી

કેન્દ્રીય મહિલા અને બાળ વિકાસ મંત્રી અને જાણીતી ટીવી અભિનેત્રી સ્મૃતિ ઈરાનીની પુત્રી, શેનલ ઈરાની આ મહિનનાની 9 ફેબ્રુઆરીના રોજ લગ્નના બંધનમાં બંધાઈ ગઈ છે. સેનલે રાજસ્થાનના જોધપુર શહેરના એક સુંદર કિલ્લામાં અર્જુન ભલ્લા સાથે લગ્ન કર્યા છે. લગ્ન બાદ શેનલ ઈરાનીના લગ્નનું રિસેપ્શન રાખવામાં આવ્યું હતું. જેમાં કેટલાક બોલીવુડ સ્ટારને આમંત્રણ આપવામાં આવ્યું હતું. આ લગ્નના રિસેપ્શનની ઘણી તસવીરો સોશિયલ મીડિયા પર ઝડપથી વાયરલ થઈ રહી છે.

લગ્નની રિસેપ્શન પાર્ટીમાં શાહરૂખ ખાન

શેનલ અને અર્જુનના લગ્નની ઘણી તસવીરો અને વીડિયો સોશિયલ મીડિયા પર ખૂબ વાયરલ થઈ રહી છે. ત્યારે લગ્ન પછી, શેનલ અને અર્જુનના ભવ્ય લગ્ન રિસેપ્શનનું આયોજન કરવામાં આવ્યું હતું, જેમાં બોલિવૂડથી લઈને ટીવી જગતના ઘણા સ્ટાર્સ હાજર રહ્યા હતા. આ લગ્નના રિસેપ્શનમાં બોલિવૂડનો ‘પઠાણ’ શાહરૂખ ખાન પણ પહોંચ્યો હતો.

મૌની રોયે શેર કરી તસવીરો

સ્મૃતિ ઈરાનીની પુત્રી શાનલ ઈરાનીના લગ્નનું રિસેપ્શન પણ રાજસ્થાનમાં જ યોજાયું હતું. આ રિસેપ્શન પાર્ટીમાં ‘પઠાણ’ એટલે કે શાહરૂખ ખાન પણ પહોંચ્યો હતો. આ વેડિંગ રિસેપ્શનની તસવીરો મૌની રોયે તેના ઈન્સ્ટાગ્રામ એકાઉન્ટ પર શેર કરી છે. આ તસવીરોમાં શાહરૂખ ખાન સાથે મૌની રોય અને તેનો પતિ સૂરજ નામ્બિયાર પણ જોવા મળે છે.

આ સ્ટારે વેડિંગ રિસેપ્શનમાં આપી હતી હાજરી

શેનલ ઈરાની અને અર્જુન ભલ્લાની રિસેપ્શન પાર્ટીમાં ટીવી ક્વીન એકતા કપૂર તેના પિતા એક્ટર જિતેન્દ્ર સાથે પહોંચી હતી. ત્યારે ભોજપુરી અભિનેતા અને સાંસદ રવિ કિશન પણ આ પાર્ટીમાં સામેલ થયા હતા . જ્યારે ટીવી પર સ્મૃતિ ઈરાનીના પતિની ભૂમિકા ભજવનાર અભિનેતા રોનિત રોય તેની પત્ની નીલમ સાથે પાર્ટીમાં સામેલ થયો હતો. આ તમામ તસવીરો સોશિયલ મીડિયા પર ખૂબ વાયરલ થઈ રહી છે અને તેને લોકો ખૂબ પસંદ પણ કરી રહ્યા છે.

આ પણ વાંચો : વડોદરા : વિશ્વમાં પ્રથમ ખુલ્લા આકાશ નીચે તૈયાર કરવામાં આવેલી સુવર્ણજડિત શિવજીની પ્રતિમા